完整藏文原文 · 德格版页 当前仅加载第 50 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་པའི་བར་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་སྟེ་བཏུལ་ཅིང་བཙུད་དེ་རབ་ཏུ་བཀོད་དོ། །བྲམ་ཟེ་རྒྱ་མཚོའི་རྡུལ་དེ་ལོ་བདུན་པོ་དེ་དག་འདས་ནས་ཀྱང་ལྷའི་འཁོར་ལོ་རིན་པོ་ཆེ་མ་གཏོགས་པར་འཁོར་ལོ་བརྒྱད་ཁྲི་བཞི་སྟོང་དང་།
D112.050.0167b01.01གླང་པོ་རིན་པོ་ཆེ་མ་གཏོགས་པ་རིན་པོ་ཆེ་སྣ་བདུན་གྱི་རྒྱན་གྱིས་བརྒྱན་པའི་གླང་པོ་ཆེ་བརྒྱད་ཁྲི་བཞི་སྟོང་དང་། ཤིང་རྟ་བརྒྱད་ཁྲི་བཞི་སྟོང་གི་བར་དག་ཀྱང་འབུལ་བར་འདོད་དོ། །རྒྱལ་པོ་རྩིབས་ཀྱི་མུ་ཁྱུད་ཀྱང་ལོ་བདུན་པོ་དེ་དག་འདས་འདས་སུ་འདོད་ཆགས་ལ་འདུན་པ་མ་སྐྱེས་
D112.050.0167b02.01སོ། །ཞེ་སྡང་ལ་འདུན་པ་མེད། གཏི་མུག་ལ་འདུན་པ་མེད། རྒྱལ་སྲིད་ལ་འདུན་པ་མེད། ནོར་ལ་འདུན་པ་མེད། བུ་ལ་འདུན་པ་མེད། བུ་མོ་ལ་འདུན་པ་མེད། ཟས་ལ་འདུན་པ་མེད། སྐོམ་ལ་འདུན་པ་མེད། གོས་ལ་འདུན་པ་མེད། སྤོས་ལ་འདུན་པ་མེད།
D112.050.0167b03.01བཞོན་པ་ལ་འདུན་པ་མེད། གཉིད་ལ་འདུན་པ་མེད། བདག་ཏུ་འདུན་པ་མེད། གཞན་དུ་འདུན་པ་མེད་པར་གྱུར་ཏོ། །ལོ་བདུན་དུ་གློས་ཕབ་སྟེ་ཉལ་བར་མ་གྱུར་ཀྱང་། དེ་ལ་མཚན་མོའི་འདུ་ཤེས་མ་སྐྱེས། ཉིན་མོའི་འདུ་ཤེས་མ་སྐྱེས་སོ། །གཟུགས་ཀྱི་འདུ་ཤེས་མ་ཡིན། སྒྲའི་
D112.050.0167b04.01འདུ་ཤེས་མ་ཡིན། དྲིའི་འདུ་ཤེས་མ་ཡིན། རོའི་འདུ་ཤེས་མ་ཡིན་ཏེ། རེག་བྱའི་འདུ་ཤེས་ཀྱང་མ་སྐྱེས་སོ། །ལོ་བདུན་དུ་དེ་དག་གིས་ལུས་ལ་ངལ་བ་མ་སྐྱེས་ཏེ། རྟག་པར་རྒྱུན་དུ་ཕྱོགས་བཅུའི་ཕྱོགས་རེ་རེར་ཡང་འཇིག་རྟེན་གྱི་ཁམས་སངས་རྒྱས་ཀྱི་ཞིང་སྟོང་གི་རྡུལ་ཕྲ་རབ་ཀྱི་རྡུལ་
D112.050.0167b05.01སྙེད་དག་གི་སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་མཐོང་ཡང་དེའི་མིག་ལམ་དུ་རི་རབ་སྣང་བར་མ་གྱུར། རི་གཞན་དག་ཀྱང་མ་ཡིན། ཁོར་ཡུག་ཀྱང་མ་ཡིན། ཁོར་ཡུག་ཆེན་པོ་དག་ཀྱང་མ་ཡིན། འཇིག་རྟེན་གྱི་བར་དག་ཀྱང་མ་ཡིན། ཉི་མ་དང་ཟླ་བ་དག་ཀྱང་མ་ཡིན་ཏེ།
D112.050.0167b06.01ལྷའི་གཞལ་མེད་ཁང་དག་ཀྱང་མིག་ལམ་དུ་སྣང་བར་མ་གྱུར་ཅིང་ཇི་ལྟར་སངས་རྒྱས་ཀྱི་ཞིང་ཡོངས་སུ་དག་པ་དེ་དག་མཐོང་བ་དེ་བཞིན་དུ་སངས་རྒྱས་ཀྱི་ཞིང་ཡོངས་སུ་དག་པའི་ཡོན་ཏན་བཀོད་པ་དག་ལ་ལྟ་ཞིང་སྨོན་ལམ་སེམས་པར་བྱེད་དོ། །ཇི་ལྟར་རྒྱལ་པོ་རྩིབས་ཀྱི་མུ་ཁྱུད་དེ་ལྟ་བུའི་
D112.050.0167b07.01