完整藏文原文 · 德格版页 当前仅加载第 50 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
མཚར་དུ་འཛིན་པར་གྱུར་ནས་ཏིང་ངེ་འཛིན་གྱི་སྟོབས་དང་། བྱང་ཆུབ་སེམས་དཔའི་རྣམ་པར་འཕྲུལ་པས་སངས་རྒྱས་ལ་མཆོད་པ་བྱས་ཏེ་དེ་ཉིད་དུ་འཁོད་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ཐམས་ཅད་མཁྱེན་པ་ཉིད་ཀྱི་
D112.050.0138b01.01རྣམ་པའི་གཟུངས་ཀྱི་སྒོ་ལ་འཇུག་པ་འདི་བསྒོམ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གཟུངས་ཀྱི་སྒོ་བརྒྱད་ཁྲི་བཞི་སྟོང་འཐོབ་བོ། །གཟུངས་ཀྱི་སྒོ་བདུན་ཁྲི་ཉིས་སྟོང་ཡང་འཐོབ་བོ། །ཏིང་ངེ་འཛིན་གྱི་སྒོ་དྲུག་ཁྲི་ཡང་འཐོབ་བོ། །གཟུངས་ཀྱི་སྒོ་འདི་འཐོབ་པའི་བྱང་
D112.050.0138b02.01ཆུབ་སེམས་དཔའ་སེམས་དཔའ་ཆེན་པོ་ནི་བྱམས་པ་ཆེན་པོ་ཡང་འཐོབ་བོ། །སྙིང་རྗེ་ཆེན་པོ་ཡང་འཐོབ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཏིང་ངེ་འཛིན་འདི་འབའ་ཞིག་ཐོབ་པར་བྱ་བའི་ཕྱིར་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་རྟོག་པར་བྱེད་ཅིང་། ཐམས་
D112.050.0138b03.01ཅད་མཁྱེན་པའི་ཡེ་ཤེས་ཀྱང་འཐོབ་སྟེ། འདི་ནི་སངས་རྒྱས་ཀྱི་ཆོས་ཐམས་ཅད་ཡོངས་སུ་འཛིན་པ་ཡིན་ནོ། །སངས་རྒྱས་བཅོམ་ལྡན་འདས་རྣམས་ཀྱིས་ཀྱང་གཟུངས་འདིའི་ངོ་བོ་ཉིད་ཐུགས་སུ་ཆུད་ནས་སེམས་ཅན་རྣམས་ལ་ཆོས་སྟོན་པར་མཛད་ཅིང་ཤིན་ཏུ་མྱུར་བར་ཡོངས་སུ་མྱ་
D112.050.0138b04.01ངན་ལས་འདའ་བར་ཡང་མི་མཛད་དོ། །རིགས་ཀྱི་བུ་ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པ་འདིའི་གཟུངས་ཀྱི་མཐུས་ས་ཆེན་པོ་འདི་རབ་ཏུ་གཡོས་ཤིང་སྣང་བ་བྱུང་བར་གྱུར་པ་དང་། སྣང་བ་དེས་སངས་རྒྱས་ཀྱི་ཞིང་མཐའ་ཡས་མུ་མེད་པ་དག་སྣང་བ་རྒྱ་
D112.050.0138b05.01ཆེན་པོས་ཁྱབ་པར་གྱུར་པ་དང་། སྣང་བ་དེས་ཀྱང་བྱང་ཆུབ་སེམས་དཔའ་མཐའ་ཡས་མུ་མེད་པ་འདི་དག་ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པ་འདི་མཉན་པའི་ཕྱིར་སངས་རྒྱས་ཀྱི་ཞིང་མཐའ་ཡས་མུ་མེད་པ་དག་ནས་ཀུན་ནས་འདིར་ལྷགས་པ་ལ་ལྟོས།། །།
D112.050.0138b06.01བམ་པོ་གཉིས་པ། འཇིག་རྟེན་གྱི་ཁམས་མི་མཇེད་འདི་ན་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། མི་དང་། མི་མ་ཡིན་པ་མཐའ་ཡས་པ་མུ་མེད་པ་གང་དག་ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་
D112.050.0138b07.01