完整藏文原文 · 德格版页 当前仅加载第 50 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་ཏུ་སེམས་བསྐྱེད་པར་གྱུར་པའི་བྱང་ཆུབ་སེམས་དཔའ་དེ་དག་ཀྱང་སླད་ཀྱིས་བསྐལ་པ་གྲངས་མ་མཆིས་པ་གང་གཱའི་ཀླུང་སྟོང་གི་བྱེ་མ་སྙེད་བྱུང་ཞིང་འདས་པར་གྱུར་པ་ན། ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མ་མཆིས་གྲངས་མ་མཆིས་པ་དག་ཏུ་བླ་
D112.050.0237b01.01ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་འདི་སྐད་དུ་གང་ཡུན་རིང་པོ་ན་བསྐལ་པ་བཟང་པོ་ཞེས་བྱ་བ་ཞིག་བྱུང་བར་གྱུར་ཏེ། བསྐལ་པ་བཟང་པོ་དེ་ལ་བབ་པ་ན། རྒྱལ་བ་ཉི་མ་བཞི་པ་དེ་བཞིན་གཤེགས་པ་མཚན་འདི་ཞེས་བྱ་
D112.050.0237b02.01བ་ཞིག་བྱུང་བར་གྱུར་པ་དེས་བདག་ཅག་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་དོ། །བདག་ཅག་ནི་སེམས་ཀྱི་རྒྱུད་ཚིག་པ། མི་དགེ་བ་དང་འགྲོགས་པར་གྱུར་པ་མཚམས་མེད་པ་བྱེད་པ། ལོག་པར་
D112.050.0237b03.01ལྟ་བའི་བར་དུ་གྱུར་པ་ཡིན་ན། དེས་བདག་ཅག་ཕ་རོལ་ཏུ་ཕྱིན་པ་དྲུག་པོ་དག་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་པས་ན་དེའི་ཕྱིར་བདག་ཅག་ད་ལྟར་ཐམས་ཅད་མཁྱེན་པར་གྱུར་ཅིང་། རྣམ་པ་ཐམས་ཅད་དུ་ཆོས་དང་ལྡན་པའི་ཆོས་ཀྱི་འཁོར་ལོ་
D112.050.0237b04.01སྐོར་ལ། འགྲོ་བའི་འཁོར་ལོ་ཟློག་ཅིང་སེམས་ཅན་བྱེ་བ་ཁྲག་ཁྲིག་འབུམ་ཕྲག་མང་པོ་དག་མཐོ་རིས་དང་ཐར་པའི་འབྲས་བུ་ལ་རབ་ཏུ་འགོད་པར་བྱེད་པ་ཡིན་ནོ། །ཞེས་བདག་གི་བསྔགས་པ་རྗོད་ཅིང་སྒྲོགས་ལ་དབྱངས་ཀྱང་རྗོད་པར་གྱུར་ཅིག །གང་དག་བྱང་ཆུབ་དོན་དུ་
D112.050.0237b05.01གཉེར་བའི་སེམས་ཅན་རྣམས་ཀྱིས་ཀྱང་དེ་བཞིན་གཤེགས་པ་དེ་དག་ལས་བདག་གི་བསྔགས་པ་དང་། གྲགས་པ་དང་། སྙན་པ་ཐོས་པར་གྱུར་ནས་དེ་བཞིན་གཤེགས་པ་དེ་དག་ལ་འདི་སྐད་དུ་བཅོམ་ལྡན་འདས་དེ་བཞིན་གཤེགས་པ་དེས་དོན་གྱི་དབང་ཅི་ཞིག་གཟིགས་
D112.050.0237b06.01ན་དེ་ལྟར་རྩོད་པའི་དུས་ལ་བབ་ཅིང་སྙིགས་མ་ལྔ་བྱུང་བར་གྱུར་པ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཅིག་ཅེས་ཡོངས་སུ་ཞུ་བར་གྱུར་ཅིག །དེ་བཞིན་གཤེགས་པ་དེ་དག་གིས་ཀྱང་བྱང་ཆུབ་དོན་དུ་གཉེར་
D112.050.0237b07.01