完整藏文原文 · 德格版页 当前仅加载第 62 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་དེ་བཞིན་དུ་སོར་མོའི་ཕྲེང་བ་ཡང་ཚད་ཤིང་སུམ་ཅུ་རྩ་དགུ་ཁོ་ར་ཁོར་ཡུག་གི་ས་ལ་ལྟོས་འཕྱེ་ཞིང་སོང་ནས། བཅོམ་ལྡན་འདས་ཀྱི་ཞབས་མགོ་ལ་བཞག་སྟེ། ཚིག་འདི་སྐད་ཅེས་སྨྲས་སོ། །ཀྱེ་མ་སངས་རྒྱས་བྱམས་པའི་མཆོག་མངའ་ཞིང་། །སྐྱེས་འདུལ་ཁ་སྒྱུར་བདག་
D213.062.0140b01.01གི་སླད་གཤེགས་པས། །གཏི་མུག་ཆོས་ཀྱི་རླབས་ཆེན་མི་ཤེས་ཆུ། །རྒྱ་མཚོ་ཆེ་ལས་བདག་དེང་ངེས་པར་བསྒྲལ། །ཀྱེ་མ་སངས་རྒྱས་ཐུགས་རྗེ་མཆོག་མངའ་ཞིང་། །སྐྱེས་འདུལ་ཁ་སྒྱུར་བདག་གི་སླད་གཤེགས་པས། །ཤིང་རྩ་འབྲས་བུ་ལོ་མ་མང་བ་ཡི། །
D213.062.0140b02.01དགོན་པ་ལས་ནི་དེང་བདག་ངེས་པར་བསྒྲལ། །ཀྱེ་མ་སངས་རྒྱས་དགའ་བ་མཆོག་མངའ་ཞིང་། །སྐྱེས་འདུལ་ཁ་སྒྱུར་བདག་གི་སླད་གཤེགས་པས། །ལྟ་བ་སྣ་ཚོགས་རི་མོར་བྲིས་པ་ཡིས། །སྟག་གི་ལག་ནས་བདག་དེང་ངེས་པར་བསྒྲལ། །ཀྱེ་མ་སངས་རྒྱས་
D213.062.0140b03.01བཏང་སྙོམས་མཆོག་མངའ་ཡང་དག་གཟིགས། །སྐྱེས་འདུལ་ཁ་ལོ་སྒྱུར་བ་བདག་གི་སླད་གཤེགས་པས། །འོ་དོད་འབོད་དང་ཆེར་འབོད་མནར་མེད་པའི། །སེམས་ཅན་དམྱལ་ཆེན་གཏིང་ནས་དེང་བདག་བསྒྲལ། །འདི་ནི་སྐྱབས་མེད་པ་ཡི་སྐྱབས་ལགས་
D213.062.0140b04.01ཏེ། །རྩ་ལག་མེད་པ་རྣམས་ཀྱི་རྩ་ལག་གོ། །བདག་གིས་ཡ་ང་ཚ་བའི་ལས་བགྱིས་ན། །བདག་ནི་འདི་འདྲར་གྱུར་ལ་སྐྱབས་མཛད་གསོལ། །དེ་ནས་བཅོམ་ལྡན་འདས་ཀྱིས་སོར་མོའི་ཕྲེང་བ་ལ་སླར་བཀའ་སྩལ་པ། སོར་མོའི་ཕྲེང་བ་ཁྱོད་ལོངས་ལ་མྱུར་དུ་སོང་
D213.062.0140b05.01སྟེ། མའི་རྐང་པ་ལ་གཏུགས་ལ་བཟོད་པ་གསོལ་ཅིག །བཟོད་པ་གསོལ་ནས། རབ་ཏུ་འབྱུང་བ་དང་། བསྙེན་པར་རྫོགས་པར་གསོལ་ཅིག་ཅེས་གསོལ་བ་ཐོབ་ཅིག །དེ་ནས་སོར་མོའི་ཕྲེང་བ་བཅོམ་ལྡན་འདས་ཀྱི་ཞབས་ཀྱི་དྲུང་ནས་ལངས་ནས། རང་གི་མ་ག་
D213.062.0140b06.01ལ་བ་དེར་སོང་སྟེ་ཕྱིན་པ་དང་། རང་གི་མ་ལ་ལན་མང་དུ་བསྐོར་བ་བྱས་ཏེ། ཆུ་སྲིན་བྱིས་པ་གསོད་ཅེས་བྱ་བ་བཞིན་དུ་འགྲེ་ཞིང་ངུས་ནས་ཆོ་ངེས་བཏབ་སྟེ། རང་གི་མ་ལ་ཚིགས་སུ་བཅད་པ་འདི་སྐད་ཅེས་སྨྲས་སོ། །སློབ་དཔོན་ངན་པའི་དབང་སོང་བས། །
D213.062.0140b07.01