完整藏文原文 · 德格版页 当前仅加载第 62 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་སྨྲས་སོ། །རྒྱལ་པོའི་མལ་དུ་ཁྱི་སོང་ནས་རི་མོ་བྱེད་པའི་སེམས་ཅན་གྱིས་མི་གཙང་བར་བྱས་པ་དེ་བཞིན་དུ་ལྷ་མོ་ཁྱོད་ཀྱང་ཐབས་ཀྱི་ཆོས་ཀྱིས་རྩེ་བས་བུད་མེད་ཀྱི་དངོས་པོར་བསྒྱུར་ཏེ། འདོད་པའི་ཡུལ་ལ་སེམས་ཤིང་རི་མོ་བྱེད་དོ། །དེ་བས་ན་ལྷ་མོ་ཁྱོད་
D213.062.0148a01.01བུད་མེད་ཀྱི་དངོས་པོ་སྤོངས་ལ་སྐྱེས་པ་དང་། བུད་མེད་ཅེས་བྱ་བ་རབ་ཏུ་སྟོང་པར་སྒོམས་ཤིག །རབ་ཏུ་སྟོང་པ་ལ་གོམས་ན་སྐྱེས་པའི་དངོས་པོ་མྱུར་དུ་འཐོབ་པོ། །དེ་ནས་དེའི་ཚེ་ཤཱ་རིའི་བུ་དང་། མཽང་གལ་གྱི་བུ་གཉིས་རྫུ་འཕྲུལ་གྱི་སྟོབས་ཀྱིས་ངང་པའི་རྒྱལ་པོ་བཞིན་
D213.062.0148a02.01དུ་ནམ་མཁའ་ལས་འོངས་ཏེ། བཅོམ་ལྡན་འདས་ག་ལ་བ་དེར་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། །སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ལེགས་སོ་ལེགས་སོ། །ཁྱོད་
D213.062.0148a03.01ཀྱིས་འཐུན་ཞིང་རྗེས་སུ་དགོངས་པའི་བསོད་ནམས་བྱས་པ་ཤེས་པར་གྱིས་ཤིག །དེ་བཞིན་གཤེགས་པ་དང་ཐབས་ཅིག་ཏུ་དོང་ལ་ཚངས་པ་མཚུངས་པར་སྤྱད་པ་རྣམས་ལྟར་བཅུག་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་འདོང་
D213.062.0148a04.01ངོ་། །བཅོམ་ལྡན་འདས་ཀྱིས་རབ་ཏུ་ཕྱུང་ནས། འཇིག་རྟེན་སྐྱེ་བོའི་ཕུང་པོ་མང་པོ་ལྟར་ནམ་མཁའ་ལས་ཟླ་བ་དྲི་མ་མེད་པ་དང་། ངང་པའི་རྒྱལ་པོ་ལྟར་ཆས་ཏེ་འདོང་ངོ་། །དེ་ནས་སོར་མོའི་ཕྲེང་བས། ཚེ་དང་ལྡན་པ་མཽང་གལ་གྱི་བུ་ཆེན་པོ་ལ་སླར་ཚིགས་སུ་
D213.062.0148a05.01བཅད་པ་སྨྲས་པ། རྫུ་འཕྲུལ་ལྡན་པ་གང་ཡིན་འཇིག་རྟེན་ན། །རྫུ་འཕྲུལ་རྩ་བ་ལས་ནི་ཅི་ཞིག་སྐྱེ། །རྫུ་འཕྲུལ་ལྡན་ཐོབ་འགྱུར་བ་མྱུར་སྨྲོས་ལ། །ཁྱོད་ཀྱིས་ང་ཡི་ཐེ་ཙོམ་མྱུར་དུ་སོལ། །དེ་ནས་ཚེ་དང་ལྡན་པ་མཽང་གལ་གྱི་བུ་ཆེན་པོས་སོར་མོའི་ཕྲེང་བ་ལ་
D213.062.0148a06.01ཚིགས་སུ་བཅད་པས་སླར་སྨྲས་པ། གལ་ཏེ་འཇིག་རྟེན་དག་ན་སྦྱིན་བདག་རྣམས། །རྟག་ཏུ་ལྷམ་ཡང་རབ་ཏུ་སྦྱིན་པར་བྱེད། །གལ་ཏེ་དགེ་སློང་ཚུལ་ཁྲིམས་རྫོགས་པ་ལ། །ལྷམ་གྱི་རྣམ་པ་ཤིན་ཏུ་ཕུལ་བ་སྟེ། །རྣམ་པ་གཉིས་པོ་དེ་དག་གིས།
D213.062.0148a07.01