完整藏文原文 · 德格版页 当前仅加载第 62 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ངའི་ཐེ་ཙོམ་ཆོད་ཅིག །དེ་ནས་སོར་མོའི་ཕྲེང་བ་ལ་མཛེས་{དགའས་,དགས་}སྨྲས་པ། ལག་པ་རབ་བཀྲུས་སོར་བཅུ་ཐལ་སྦྱར་ཏེ། །དེ་བཞིན་གཤེགས་ཀྱི་ཞབས་ལ་ཕྱག་འཚལ་ཞིང་། །རྟག་ཏུ་ནད་པའི་རིམ་གྲོ་བྱེད་པ་ནི། །དེ་ལས་སྐྱེས་བུ་བྱད་བཞིན་བཟང་པོར་འགྱུར། །
D213.062.0158b01.01སོར་མོའི་ཕྲེང་བས་མཛེས་དགའ་ལ་སླར་སྨྲས་པ། དེ་བཞིན་གཤེགས་པ་ལ་རུས་པའང་མེད། རྒྱུས་པ་ཡང་མེད་ན། སྐུ་གདུང་དང་རིང་བསྲེལ་ལྟ་ག་ལ་ཡོད་དེ། རིང་བསྲེལ་མེད་པ་ཐབས་ཀྱི་མཆོག་ཆོས་ཀྱི་སྐུ་ནི་སངས་རྒྱས་བསམ་གྱིས་མི་ཁྱབ་པ་སྟེ། དེ་
D213.062.0158b02.01བཞིན་གཤེགས་པ་ནི་བསམ་གྱིས་མི་ཁྱབ་པའོ། །མ་དད་པ་རྣམས་དད་པ་བསྐྱེད་པའི་ཕྱིར་རིང་བསྲེལ་བཞག་པའི་ཐབས་མཛད་དེ། སངས་རྒྱས་ཀྱི་མཆོད་རྟེན་བྱ་བའི་ཕྱིར་རིང་བསྲེལ་བཞག་གོ། །དེ་ནི་སངས་རྒྱས་ཀྱི་ཆོས་ཉིད་དེ། འཇིག་རྟེན་གྱི་ཚངས་པ་
D213.062.0158b03.01དང་། དབང་ཕྱུག་དང་། ཀཱ་ཏྱཱ་ཡའི་བུ་མོ་དང་། འགྲོ་སྐེམས་གཞོན་ནུའི་གཟུགས་ཁང་པ་དང་། སོ་ཕག་གི་ཁྱིམ་གྱི་གནས་སུ་ཆ་བྱད་བཅོས་པའི་གཟུགས་རྣམ་པ་མང་པོ་བྱས་ཏེ་གཞག་པ་དེ་དག་སྐྱབས་མ་ཡིན་པར་བྱས་པ་ཡིན་ནོ། །དེ་བཞིན་གཤེགས་པའི་
D213.062.0158b04.01སྐུ་གདུང་དེ་ལྟར་ཐབས་ཡིན་པ་ཤེས་པ་དེ་ནི། འཇིག་རྟེན་ན་བྱད་བཞིན་བཟང་བའི་མི་ཡིན་ཏེ། ཐབས་ཀྱི་ཡེ་ཤེས་རྩ་བ་དེས་གཟུགས་མཛེས་པར་འགྱུར་གྱི། རྟོག་པ་གཞན་ནི་བྱིས་པ་ལྟར་འཁྱམ་པ་ཡིན་ནོ། །མཛེས་དགའ་ཁྱོད་གཟུགས་བཟང་པོར་འགྱུར་བའི་
D213.062.0158b05.01སྒོ་ཡང་མི་ཤེས་སོ། །ཀྱེ་མ་བཙུན་པ་མཛེས་དགའ་ཁྱོད་ནི་སྦྲང་བུའི་སྤྱད་པ་སྤྱོད་དེ། གཟུགས་འབྱུང་བའི་སྒོ་ཡང་མི་ཤེས་སོ། །སྦྲང་བུ་ཡང་གཟུགས་ཕུན་སུམ་ཚོགས་པ་ཡོད་ཀྱིས་སྦྲང་བུ་ལྟ་བུ་ཁྱོད་ཅང་མ་ཟེར་ཅིག །དེ་ནས་གནས་བརྟན་ཉེ་སྦྱོར་གྱིས།
D213.062.0158b06.01བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །ལེགས་སོ་ལེགས་སོ། །སོར་མོའི་ཕྲེང་བ་ཁྱོད་ཀྱིས་འཐུན་པ་དང་། རྗེས་སུ་དགོངས་པའི་བསོད་ནམས་བྱས་པ་ང་ཡང་དགའོ། །སོར་མོའི་ཕྲེང་བ་ད་འདུལ་བ་ལ་
D213.062.0158b07.01