完整藏文原文 · 德格版页 当前仅加载第 62 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོང་ཁྱེར་དང་། ཚོང་འདུས་དང་། ལུང་པའི་མི་རྣམས་དང་། རི་ཁྲོད་པ་དང་། མཉན་དུ་ཡོད་པའི་ཡུལ་ན་གནས་པའི་སེམས་ཅན་ཐམས་ཅད་དེ་བཞིན་གཤེགས་པའི་མཐུས་ལྷགས་ཏེ། སོར་མོའི་ཕྲེང་བའི་རྐང་པ་ལ་མགོ་བོས་ཕྱག་འཚལ་ནས། མགྲིན་གཅིག་ཏུ་ཚིགས་
D213.062.0204b01.01སུ་བཅད་པ་འདི་དག་གསོལ་ཏོ། །མཐའ་ཡས་སྐུ་མངའ་ཁྱོད་ལ་ཕྱག་འཚལ་ལོ། །ཐབས་ཀྱི་སྐུ་མངའ་ཁྱོད་ལ་ཕྱག་འཚལ་ལོ། །སོར་ཕྲེང་ཁྱོད་ཀྱི་ཞབས་ལ་མགོས་གཏུགས་ནས། ཁྱོད་ཀྱི་འཇམ་པའི་ཞབས་ལ་བཟོད་པར་གསོལ། །དེ་བཞིན་གཤེགས་པ་སོར་ཕྲེང་
D213.062.0204b02.01མཚན་འཛིན་པ། །བྲམ་ཟེའི་གཟུགས་ཀྱིས་བདག་ཅག་དོན་ཕྱིར་གཤེགས། །སངས་རྒྱས་སྐུ་མདོག་དཔལ་འབར་དེང་འདིར་གཤེགས། །དཔལ་ལྡན་གཟི་བརྗིད་མཐུ་མངའ་བཟོད་པར་གསོལ། །ཚིག་གིས་མངོན་དུ་གསུང་བ་མཐའ་ཡས་སྐུ། །ཁྱོད་ནི་ཡང་དང་
D213.062.0204b03.01ཡང་བྱིང་མང་པོ་ཡི། །ཡང་དག་སངས་རྒྱས་སྐྱབས་བྱེད་སྐྱབས་སུ་གྱུར། །གཉེན་མེད་རྣམས་ཀྱི་གཉེན་དུ་གྱུར་པ་ཁྱོད། །སངས་རྒྱས་འཇིག་རྟེན་འདས་པ་གཉིས་མཛེས་ཏེ། །འདི་ན་ཆོས་སྤྱོད་ཤིན་ཏུ་ངོ་མཚར་རྨད། །མེ་ལས་པད་མོ་སྐྱེ་བ་ངོ་མཚར་བཞིན། །འཇིག་
D213.062.0204b04.01རྟེན་སངས་རྒྱས་གཉིས་སྟོན་མཆོག་དེ་འདྲ། །དེ་ནས་བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ་རྒྱལ་ལ་བཀའ་སྩལ་པ། ལྟོས་རྒྱལ་པོ་ཆེན་པོ་སངས་རྒྱས་ཀྱི་ཞིང་འདི་ནས། བྱང་ཕྱོགས་ལོགས་སུ་གང་གཱའི་ཀླུང་བཞི་བཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་གྱི་
D213.062.0204b05.01ཁམས་འདས་པ་ན། འཇིག་རྟེན་གྱི་ཁམས་རྟག་པར་རབ་ཏུ་དགའ་བ་སྡུག་ཅིང་མོས་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་པའི་རྒྱལ་པོ་ད་ལྟར་བཞུགས་ཏེ། འཚོ་ཞིང་
D213.062.0204b06.01གཞེས་པ་དེ་ན་ཉན་ཐོས་དང་། རང་སངས་རྒྱས་ཐམས་ཅད་མེད། ཐེག་པ་གཅིག་ལས་ཐེག་པ་གཞན་གྱི་མིང་ཡང་མེད། རྒ་བ་དང་། ན་བ་དང་། སྡུག་བསྔལ་ཡང་མེད། བདེ་བ་ཐམས་ཅད་དང་རབ་ཏུ་ལྡན་པར་གྱུར་ཏེ། སེམས་ཅན་དེ་དག་ཚེ་དཔག་ཏུ་མེད། གཟི་བརྗིད་
D213.062.0204b07.01