完整藏文原文 · 德格版页 当前仅加载第 62 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་གསར་ཡིན་ནོ། །ཡང་མཚན་ཉིད་བརྒྱད་དང་ལྡན་ན། བྱང་ཆུབ་སེམས་དཔའ་གསར་ཡིན་ཏེ། བརྒྱད་གང་ཞེ་ན། བདུད་ཀྱིས་བཤད་པ་དང་། སངས་རྒྱས་ཀྱིས་བཀའ་སྩལ་པའི་བྱེ་བྲག་ཤེས་པ་དང་། མདོ་སྡེ་ཤེས་པ་ལ་བཀུར་
D213.062.0192a01.01སྟི་བྱེད་པ་དང་། འདུལ་བ་དང་། འདུལ་བ་མ་ཡིན་པའི་བྱེ་བྲག་ཤེས་ཏེ་མི་འཆབ་པ་དང་། དེ་བཞིན་གཤེགས་པས་དགོངས་ཏེ་གསུངས་པ་ལ་མཁས་པ་ཡིན། དེ་བཞིན་གཤེགས་པས་གསུངས་པ་ཤེས། འཇིག་རྟེན་གྱི་ཕྱིར་འབྲང་བར་བྱ་བ་ཤེས། དེ་བཞིན་
D213.062.0192a02.01གཤེགས་པ་རྟག་པ་ཉིད་དུ་ཤེས་པ། སྡིག་པ་དང་། སྡིག་པ་མེད་པ་དང་། བྱང་ཆུབ་སེམས་དཔའི་བྱ་བ་ལ་མཁས་པ། ཡུལ་དང་། དུས་དང་། ཡེ་ཤེས་དང་། བདག་གི་ནུས་པ་དང་། རབ་ཏུ་ཤེས་པ་སྟེ། མཚན་ཉིད་བརྒྱད་པོ་དེ་དག་དང་ལྡན་ན། བྱང་ཆུབ་སེམས་
D213.062.0192a03.01དཔའ་གསར་ཡིན་ནོ། །མཚན་ཉིད་བཞི་བཅུ་པོ་དེ་དག་དང་ལྡན་ཏེ། ལུས་དྲན་པའི་ཆོས་དང་ལྡན་པ་དེ་གང་ཡིན་པ་དེ་ནི་བྱང་ཆུབ་སེམས་དཔའ་གསར་ཞེས་བྱའོ། །གང་ལ་ཡོན་ཏན་བཞི་བཅུ་མེད་དེ་ཕྱེད་དམ། ཕྱེད་ཀྱི་ཡང་ཕྱེད་ཡོད་པ་དེ་ནི་ཐེག་པ་ཆེན་པོ་ལ་ཡང་དག་
D213.062.0192a04.01པར་ཞུགས་པའི་རིགས་ཀྱི་བུ་དང་། རིགས་ཀྱི་བུ་མོར་རིག་པར་བྱ་སྟེ། བྱང་ཆུབ་སེམས་དཔར་བརྩེ་བར་མི་གཏོགས་སོ། །དེ་བས་ན་བྱང་ཆུབ་སེམས་དཔའི་སྤྱོད་པ་ནི་ཤིན་ཏུ་དཀའ་བ་བྱེད་པའོ། །དེ་ལ་ཡོན་ཏན་གྱི་མཆོག་གང་ཞེ་ན། གཡེམ་པའི་འདུ་ཤེས་མེད་ཅིང་
D213.062.0192a05.01རྨི་ལམ་ན་ཡང་ཁུ་བ་མི་འབྱུང་བ་དེ་ནི་རྒྱུ་དང་བཅས་པའི་མིར་རིག་པར་བྱ་སྟེ། བྱང་ཆུབ་ཀྱི་ཡན་ལག་ཐམས་ཅད་ཀྱི་ཡོན་ཏན་གྱི་མཆོག་གོ། །འཇམ་དཔལ་གཞོན་ནུར་གྱུར་པས། སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །དེ་བཞིན་གཤེགས་པའི་སྙིང་པོ་དེ་བཞིན་
D213.062.0192a06.01གཤེགས་པའི་སྙིང་པོ་ཞེས་བཤད་པ་དེའི་དོན་ཅི། གལ་ཏེ་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་ན། སེམས་ཅན་ཐམས་ཅད་སངས་རྒྱས་སུ་འགྱུར་ཏེ། སེམས་ཅན་ཐམས་ཅད་ཀྱིས་སྲོག་གཅོད་པ་དང་། {བརྫུན་,རྫུན་}སྨྲ་བ་དང་། ཆང་འཐུང་
D213.062.0192a07.01