完整藏文原文 · 德格版页 当前仅加载第 62 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ལེགས་སོ་ལེགས་སོ། །ཁྱོད་ཀྱིས་འཐུན་ཞིང་རྗེས་སུ་དགོངས་པའི་བསོད་ནམས་བྱས་པ་ང་དགའོ། །སོར་མོའི་ཕྲེང་བ་མྱུར་དུ་གུས་པར་བསླབ་པ་ཟུང་ཤིག །དེ་ནས་སོར་མོའི་ཕྲེང་བས། སྒྲ་གཅན་ཟིན་ལ་སླར་སྨྲས་པ། བཙུན་པ་སྒྲ་གཅན་ཟིན་ཁྱོད་
D213.062.0149b01.01བསླབ་པ་ལ་དགའ་ཞིང་གུས་པའི་མཆོག་ཏུ་དེ་བཞིན་གཤེགས་པས་གསུངས་ན། འཇིག་རྟེན་ན་བསླབ་པ་ལ་གུས་པ་གང་ཡིན། དེ་བཞིན་གཤེགས་པའི་སྲས་ཕངས་པ་མྱུར་དུ་སྨྲོས་ལ་ངའི་ཐེ་ཙོམ་ཆོད་ཅིག །དེ་ནས་གནས་བརྟན་སྒྲ་གཅན་ཟིན་གྱིས་སོར་མོའི་
D213.062.0149b02.01ཕྲེང་བ་ལ་ཚིགས་སུ་བཅད་པས་སྨྲས་པ། སངས་རྒྱས་གསུང་རྣམས་ཤིན་ཏུ་གུས་པར་གཟུང་། །དེ་ནས་བསླབ་ལ་གུས་ཤིང་ཚུལ་ཁྲིམས་ལྡན། །ཁོང་དཔའ་དབང་གྱུར་ཁོང་དཔའ་མཆོག་འཛིན་པ། །སོར་མོའི་ཕྲེང་བ་དེ་ལྟར་ཤེས་པར་གྱིས། །སོར་མོའི་ཕྲེང་
D213.062.0149b03.01བས་སྒྲ་གཅན་ཟིན་ལ་སླར་འདི་སྐད་ཅེས་སྨྲས་སོ། །འཇིག་རྟེན་ན་དེ་བཞིན་གཤེགས་པ་ནི་མཆོག་ཏུ་རྟག་པའོ་ཞེས་གུས་པས་བསྟན་པ་ནི་གུས་པའི་མཆོག་ཅེས་བྱ་སྟེ། བཙུན་པ་སྒྲ་གཅན་ཟིན་སྟོན་པ་དེ་ནི་འཇིག་རྟེན་ན་བསླབ་པ་ལ་གུས་པའི་མཆོག་ཏུ་ཤེས་པར་
D213.062.0149b04.01གྱིས་ཤིག །ཀྱེ་བཙུན་པ་སྒྲ་གཅན་ཟིན་ནི་སྦྲང་བུའི་སྤྱད་པ་སྤྱོད་དེ། སྦྲང་བུ་ལྟ་བུ་ཁྱོད་བསླབ་པ་ལ་གུས་པར་མི་ཤེས་སོ། །སྦྲང་བུ་ལ་ཡང་གུས་པ་ཡོད་ཀྱིས། སྦྲང་བུ་ལྟ་བུ་ཁྱོད་ཅང་མ་ཟེར་ཅིག །དེ་ནས་གནས་བརྟན་མ་འགགས་པ། བཅོམ་ལྡན་
D213.062.0149b05.01འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །ལེགས་སོ་ལེགས་སོ། །སོར་མོའི་ཕྲེང་བ་ཁྱོད་ཀྱིས་འཐུན་ཞིང་རྗེས་སུ་དགོངས་པའི་བསོད་ནམས་བྱས་
D213.062.0149b06.01པ་ང་དགའོ། །སོར་མོའི་ཕྲེང་བ་ད་རིང་པོར་མི་ཐོགས་པར་ལྷའི་མིག་ཅན་དུ་གྱིས་ཤིག །དེ་ནས་ཚེ་དང་ལྡན་པ་མ་འགགས་པ་ལ་སོར་མོའི་ཕྲེང་བས་སླར་འདི་སྐད་ཅེས་སྨྲས་སོ། །བཙུན་པ་མ་འགགས་པ་ཁྱོད་དེ་བཞིན་གཤེགས་པས་ལྷའི་མིག་ཅན་གྱི་
D213.062.0149b07.01