完整藏文原文 · 德格版页 当前仅加载第 62 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པའི་སྙིང་པོ་ལ་གནས་པའོ། །ཅི་གཉིས་ཞེ་ན། མིང་དང་གཟུགས་ཀྱི་ཚིག་ཉན་ཐོས་ཀྱི་ཐེག་པ་ལས་འབྱུང་བ་སྟེ། ཐེག་པ་ཆེན་པོ་ལ་མ་ལགས་སོ། །མིང་དང་གཟུགས་ནི་དེ་ལྟ་ལགས་ཏེ། མིང་དང་གཟུགས་རྣམ་པ་གཞན་མ་ལགས་
D213.062.0168a01.01སོ། །ཉན་ཐོས་དང་། རང་སངས་རྒྱས་རྣམས་ཀྱི་ཐར་པ་ནི་མིང་ཙམ་སྟེ། གཟུགས་དང་དབྱིབས་མི་རིག་གོ། །སངས་རྒྱས་བཅོམ་ལྡན་འདས་རྣམས་ཀྱི་ཐར་པ་ནི་ལག་མཐིལ་ན་སྐྱུ་རུ་རའི་གཟུགས་བཞིན་ནོ། །ཅི་གསུམ་ཞེ་ན། ཚོར་བ་གསུམ་ཉན་ཐོས་ཀྱི་ཐེག་
D213.062.0168a02.01པ་ལས་འབྱུང་སྟེ། ཐེག་པ་ཆེན་པོ་པ་རྣམས་ཀྱི་མ་ལགས་སོ། །ཚོར་བ་འདི་གསུམ་སྟེ། གང་དེ་བཞིན་གཤེགས་པ་རྟག་པའི་མཆོག་ལ་མི་རྟག་པར་འགྱུར་རོ་ཞེས་བགྱི་བའི་དོན་ཐོས་པ་ནི་ཚོར་བའོ། །དམ་པའི་ཆོས་ནུབ་པར་འགྱུར་རོ་ཞེས་བགྱི་བའི་དོན་ཐོས་པ་
D213.062.0168a03.01ནི་ཚོར་བའོ། །དགེ་འདུན་མི་སྣང་བར་འགྱུར་རོ་ཞེས་བགྱི་བའི་དོན་ཐོས་པ་ནི་ཚོར་བ་སྟེ། དེ་གསུམ་ཐེག་པ་ཆེན་པོའི་ཚོར་བའོ། །ཅི་བཞི་ཞེ་ན། འཕགས་པའི་བདེན་པ་བཞི་ཞེས་ཉན་ཐོས་ཀྱི་ཐེག་པ་ལ་གྲགས་པའི་ཚིག་སྟེ། ཐེག་པ་ཆེན་པོ་ལ་དེ་ལྟ་བུའི་
D213.062.0168a04.01རྣམ་པ་མ་མཆིས་སོ། །འདི་ལྟ་བུའི་རང་བཞིན་དང་བྱེད་པ་རྣམས་ནི་བདེན་པ་བཞི་སྟེ། དེ་བཞིན་གཤེགས་པ་རྟག་ཅེས་བགྱི་བ་དེ་ནི་ཐེག་པ་ཆེན་པོ་ལ་ཤིན་ཏུ་བདེན་པ་སྟེ། སྡུག་བསྔལ་ནི་བདེན་པ་མ་ལགས་སོ། །དེ་བཞིན་གཤེགས་པ་ཐེར་ཟུག་གོ་ཞེས་
D213.062.0168a05.01བགྱི་བ་དེ་ནི་ཤིན་ཏུ་བདེན་ཏེ། ཀུན་འབྱུང་བ་ནི་མ་ལགས་སོ། །དེ་བཞིན་གཤེགས་པ་ནི་ཐེར་ཟུག་གི་མཆོག་གོ་ཞེས་བགྱི་བ་ནི་ཤིན་ཏུ་བདེན་གྱི་འགོག་པ་ནི་མ་ལགས་སོ། །དེ་བཞིན་གཤེགས་པ་ཞི་བའོ་ཞེས་བགྱི་བ་དེ་ནི་ཤིན་ཏུ་བདེན་གྱི་ལམ་ནི་མ་ཡིན་ཏེ།
D213.062.0168a06.01ཐེག་པ་ཆེན་པོ་ལ་འཕགས་པའི་བདེན་པ་དེ་བཞིའོ། །སྡུག་བསྔལ་གྱི་བྱ་བ་བདེན་པ་མ་ལགས་སོ། །སྡུག་བསྔལ་གྱི་བྱ་བ་བདེན་དུ་ལགས་ན། སྡུག་བསྔལ་རྣམ་བཞི་བདེན་པར་འགྱུར་ཏེ། དུད་འགྲོ་དང་། {ཡི་དགས་,ཡི་དྭགས་}དང་། ལྷ་མ་ཡིན་དང་། གཤིན་
D213.062.0168a07.01