完整藏文原文 · 德格版页 当前仅加载第 62 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པའི་སྐུ། ཐེར་ཟུག་གི་སྐུ་རྟག་པའི་སྐུ། དོན་དམ་པའི་སྐུ། ཆོས་ཀྱི་སྐུ། ཞི་བའི་སྐུ། དོན་དམ་པའི་སྐུ། ཆོས་ཀྱི་སྐུ། དེ་ཁོ་ན་ལས་སྐྱེས་པའི་སྐུ། དེ་ཇི་ལྟར་སྟོན། དེ་བས་ན་མི་བདེན་པའི་ཆོས་ཀྱིས་འབྱུང་ངོ་། །བཅོམ་ལྡན་འདས་ཀྱི་བསྟན་པ་ཐམས་ཅད་ནི་མི་བདེན་པ་
D213.062.0166b01.01དང་བྲལ་བ་སྟེ། དེ་བས་ན་སངས་རྒྱས་ཞེས་བྱའོ། །དཔེར་ན། བ་ལང་རྫི་དག་བེའུ་ཤི་བའི་པགས་པས་བེའུ་ལྟར་བྱས་ཏེ་བྲིད་ནས། བེའུ་གཞན་ལེན་དུ་འཇུག་པ་དེ་བཞིན་དུ། འཇིག་རྟེན་གྱི་རྗེས་སུ་འབྲང་ཞིང་སྤྱོད་པ་ན། སངས་རྒྱས་ནི་འོན་པ་ལྟ་བུར་གྱུར་ནས་ཆོས་སྟོན་ཏེ།
D213.062.0166b02.01བ་ལང་རྫི་དང་བ་ལྟར་འོན་པ་རྣམས་ཀྱང་བདག་ཅག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོན་པ་ཡང་འཇིག་རྟེན་དུ་བྱུང་སྟེ། བདག་ཅག་ཀྱང་འོན་པའོ་སྙམ་སྟེ་ཤིན་ཏུ་དགའོ། །བཅོམ་ལྡན་འདས་ཀྱང་འོན་པ་སྙམ་དུ་སེམས་ཤིང་
D213.062.0166b03.01བདག་ཅག་ཀྱང་འཇིག་རྟེན་གྱི་གཙོ་བོར་འགྱུར་རོ་སྙམ་དུ་སེམས་སོ། །ཆོས་དེ་ཁོ་ནའི་གནས་ལ་དེས་བདག་ཉིད་བསྐུལ་ཏེ། དེ་བཞིན་གཤེགས་པ་འཇིག་རྟེན་གྱི་ཆོས་ཐམས་ཅད་ཆོས་ལ་འགོད་པ་དེ་བཞིན་གཤེགས་པ་མཛེས་སོ། །གལ་ཏེ་བེའུ་དངོས་པོ་སླར་བསྟན་ན་
D213.062.0166b04.01བཞོར་ཡང་མི་རུང་། ལེན་དུ་ཡང་མི་རུང་སྟེ། བ་ལང་རྫིས་བེའུ་གསོ་བ་བསྟན་ཏེ། རྩྭ་སྤར་གང་བྱིན་ནས་མི་བདེན་པའི་ཆོས་ལ་དུལ་བར་བྱེད་དོ། །དེ་བཞིན་དུ་གལ་ཏེ་སངས་རྒྱས་ཀྱིས་ངོ་བོ་ཉིད་དོན་དམ་པའི་སྐུ་འཇིག་རྟེན་དུ་བསྟན་དུ་ཟིན་ན། སྐུ་དེ་སུས་མཐོང་བར་ནུས་
D213.062.0166b05.01ཏེ། ཇི་ལྟར་བ་ལ་རྩྭའི་ཆང་པ་ལྟར་འཇིག་རྟེན་ཐམས་ཅད་ཀྱི་རྗེས་སུ་འབྲང་བར་བྱེད་པས་ཆོས་རྣམས་བདེན་པ་མ་ཡིན་ནོ། །དེ་བས་ན་སངས་རྒྱས་རྣམས་འཇིག་རྟེན་དུ་ཡན་ལག་གང་དང་གང་གིས་སེམས་ཅན་རྣམས་ཆོས་ལ་རྩོམ་པར་སེམས་ཅན་མང་པོ་ཡོངས་སུ་སྨིན་པར་མཛད་
D213.062.0166b06.01དེ། དེ་ནི་སངས་རྒྱས་རྣམས་ཀྱི་ཆོས་ཉིད་དོ། །དེའི་ཕྱིར་བདག་ཀྱང་མི་བདེན་པའི་ཆོས་ལ་སྤྱོད་དེ། ཇི་ཙམ་དུ་སེམས་ཅན་ཐམས་ཅད་མི་བདེན་པ་ཡིན་པ་དེ་ཙམ་དུ་བདག་ཀྱང་{བརྫུན་,རྫུན་}སྨྲ་བ་སྤང་བའི་ཆོས་མི་འཛིན་ཏོ། །དེའི་ཚེ་བདག་གི་ཚུལ་ཁྲིམས་ཡོངས་སུ་དག་པར་
D213.062.0166b07.01