完整藏文原文 · 德格版页 当前仅加载第 62 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཁ་དོག་དཔག་ཏུ་མེད། འཇིག་རྟེན་ན་དཔེ་དང་། རྒྱུ་དང་བྱེད་པ་མེད་དེ། རྟག་ཏུ་དགའ་ཞིང་མོས་པ་དང་། དཔེ་མེད་པ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་
D213.062.0205a01.01པའི་རྒྱལ་པོ་ད་ལྟར་བཞུགས་ཏེ། འཚོ་ཞིང་གཞེས་པ་དེ་ལ་རྒྱལ་པོ་ཆེན་པོ་ཐལ་མོ་སྦྱོར་ཏེ་རྗེས་སུ་ཡི་རང་བར་བྱོས་ཤིག །དེ་བཞིན་གཤེགས་པ་དེ་གཞན་མ་ཡིན་གྱི། འཇམ་དཔལ་གཞོན་ནུར་གྱུར་པ་འདི་ཉིད་ཡིན་ནོ། །འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བ་གཉིས་ཀྱི་མིང་
D213.062.0205a02.01གང་གིས་ཐོས་སམ། དེ་ལ་རྟག་ཏུ་ཕྱག་འཚལ་ན། སེམས་ཅན་དེ་དག་གི་ཁྱིམ་ཉིད་དུ་དགའ་བ་ཅན་གྱི་འཇིག་རྟེན་མཐོང་སྟེ། ངན་འགྲོ་རྣམ་པ་བཞིའི་སྒོ་གཅད་པར་འགྱུར་རོ། །དེ་གཉིས་ཀྱི་མིང་ཐོས་ནས་ཕྱི་རོལ་པ་རྣམས་དང་། ཕས་ཕམ་པ་དང་། མཚམས་མེད་པར་གྱུར་
D213.062.0205a03.01པས་འཕྱ་བའམ། སྟིང་བའམ། འདྲན་ཏོར་རམ། གཞན་གྱིས་བཟླས་སམ། རྙེད་པ་དང་། བཀུར་སྟི་དང་། ཚིགས་བཅད་ཀྱི་ཕྱིར་ཡང་རུང་སྟེ། དེ་དག་གིས་ངན་འགྲོ་བཞིའི་སྒོ་གཅད་པར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་གིས་འདི་གཉིས་ཀྱི་མིང་
D213.062.0205a04.01གིས་བསྲུང་བར་བྱས་ན་དགོན་པ་ཐམས་ཅད་དང་། འཇིགས་པའི་དུས་ཐམས་ཅད་དུའང་བསྲུང་བར་འགྱུར་རོ། །ཕྱིས་འཇིགས་པ་ཐམས་ཅད་ཀྱང་བསྲུང་བར་འགྱུར། འཇིགས་པ་བྱུང་བ་ཐམས་ཅད་ཀྱང་ཞི་བར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་
D213.062.0205a05.01ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ཤ་ཟས་ཀྱང་མི་ཚུགས་སོ། །ཡང་བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ་རྒྱལ་ལ་བཀའ་སྩལ་པ། སངས་རྒྱས་ཀྱི་ཚིག་ནི་ཆེ་བའི་བདག་ཉིད་དོ། །བྱང་ཆུབ་སེམས་དཔའི་སྤྱོད་པའི་ཆེ་བའི་བདག་ཉིད་ནི་དེ་ལྟའོ། །
D213.062.0205a06.01སོར་མོའི་ཕྲེང་བ་དང་། འཇམ་དཔལ་གཞོན་ནུར་གྱུར་པའི་ཆེ་བའི་བདག་ཉིད་གླང་པོ་ཆེ་འདི་གཉིས་ལ་རྗེས་སུ་ཡི་རང་བར་གྱིས་ལ། བྱང་ཆུབ་སེམས་དཔའི་སྤྱོད་པ་ཡང་སྐྱེད་ཅིག །སོར་མོའི་ཕྲེང་བའི་མ་ཡང་མ་བརྗེད་པར་གསོས་ཤིག །ངས་སོར་མོའི་ཕྲེང་བའི་ལག་ནས་དེའི་
D213.062.0205a07.01