完整藏文原文 · 德格版页 当前仅加载第 62 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཤཱ་རིའི་བུ་ནི་སྦྲང་བུའི་སྤྱད་པ་སྤྱོད་དེ། སྦྲང་བུ་ལྟ་བུར་འགྲོ་བ་ཁྱོད་ནི་ཤེས་རབ་དང་ལྡན་པ་མི་ཤེས་སོ། །སྦྲང་བུ་ལྟ་བུའི་ཤེས་རབ་ཅན་ཁྱོད་ཅང་མ་ཟེར་ཅིག །བཙུན་པ་ནི་སྦྲང་བུ་ལྟ་བུའི་ཤེས་རབ་ཅན་ནོ། །དེ་ནས་དེའི་ཚེ་ཀུན་དགའ་བོ་དེར་འོངས་ནས།
D213.062.0149a01.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །ལེགས་སོ་ལེགས་སོ། །སོར་མོའི་ཕྲེང་བ་ཁྱོད་ཀྱིས་འཐུན་ཞིང་རྗེས་སུ་དགོངས་པའི་བསོད་ནམས་བྱས་པ་ང་དགའོ། །སོར་མོའི་ཕྲེང་བ་མྱུར་དུ་གསུང་རབ་ཡན་
D213.062.0149a02.01ལག་དགུ་པ་ལྷོགས་ཤིག །དེ་ནས་གནས་བརྟན་ཀུན་དགའ་བོ་ལ། སོར་མོའི་ཕྲེང་བས་སླར་འདི་སྐད་ཅེས་སྨྲས་སོ། །ཁྱོད་མང་དུ་ཐོས་པའི་མཆོག་ཏུ་དེ་བཞིན་གཤེགས་པས་གསུངས་ན། བཙུན་པ་ཀུན་དགའ་བོ་ཁྱོད་ལ་དྲི་ཡིས་སྨྲོས་ཤིག །འཇིག་
D213.062.0149a03.01རྟེན་ན་མང་དུ་ཐོས་པ་གང་། ཇི་ལྟར་ན་མང་དུ་ཐོས་པར་འབྱུང་། བཙུན་པ་ཀུན་དགའ་བོ་ངས་དེ་སྐད་དྲིས་པ་མྱུར་དུ་སྨྲོས་ཤིག །དེ་ནས་ཚེ་དང་ལྡན་པ་ཀུན་དགའ་བོས། སོར་མོའི་ཕྲེང་བ་ལ་སླར་འདི་སྐད་ཅེས་སྨྲས་སོ། །མདོ་སྡེ་ཡན་ལག་དགུ་པ་
D213.062.0149a04.01ཀློག་པ་དང་། གཞན་ལ་ཡང་སེར་སྣ་མེད་པར་རབ་ཏུ་སྟོན་པ་དེ་ལས་མང་དུ་ཐོས་ཤིང་བསམ་གྱིས་མི་ཁྱབ་པའི་གཟུངས་ཕུན་སུམ་ཚོགས་པ་ཐོས་པར་འགྱུར་རོ། །དེ་ནས་སོར་མོའི་ཕྲེང་བས་གནས་བརྟན་ཀུན་དགའ་བོ་ལ་སླར་འདི་སྐད་ཅེས་སྨྲས་སོ། །འཇིག་
D213.062.0149a05.01རྟེན་ན་དེ་བཞིན་གཤེགས་པ་ནི་ཐེར་ཟུག་གཡུང་དྲུང་ངོ་ཞེས་བསྟན་པ་སྟོན་པ། བསྟན་པ་དེ་ནི་འཇིག་རྟེན་ན་མང་དུ་ཐོས་པ་ཡིན་ཏེ། མང་དུ་ཐོས་པ་དེ་ལྟ་བུར་ཤེས་པར་གྱིས་ཤིག །ཀྱེ་མ་བཙུན་པ་ཀུན་དགའ་བོ་ནི་སྦྲང་བུའི་སྤྱད་པ་སྤྱོད་དེ། མང་དུ་ཐོས་པ་འབྱུང་
D213.062.0149a06.01བའི་སྒོ་མི་ཤེས་སོ། །སྦྲང་བུ་ལ་ཡང་མང་དུ་ཐོས་པ་ཡོད་ཀྱིས། སྦྲང་བུ་ལྟ་བུའི་མང་དུ་ཐོས་པ་ཁྱོད་ཅང་མ་ཟེར་ཅིག །དེ་ནས་གནས་བརྟན་སྒྲ་གཅན་ཟིན། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། སོར་མོའི་ཕྲེང་བ་ལ་འདི་སྐད་ཅེས་སྨྲས་སོ།
D213.062.0149a07.01