完整藏文原文 · 德格版页 当前仅加载第 62 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་བ་མང་པོ་གྲངས་མེད་པར་ཕ་རོལ་ཏུ་ཕྱིན་པ་དང་། དེའི་དགེ་བའི་རྩ་བས་མ་སྐྱེས་པའི་སྐུར་གྱུར་ཏོ། །སོར་མོའི་ཕྲེང་བས་གསོལ་པ། བཅོམ་ལྡན་འདས་ཇི་ལྟར་ན་དེ་བཞིན་གཤེགས་པ་མ་བྱུང་བའི་སྐུར་གྱུར། བཅོམ་ལྡན་འདས་ཀྱིས་བཀའ་སྩལ་
D213.062.0172a01.01པ། སངས་རྒྱས་ཀྱི་ཞིང་འདི་ནས་བྱང་ཕྱོགས་སུ་གང་གཱའི་ཀླུང་གཉིས་ཀྱི་བྱེ་མ་སྙེད་ཀྱི་འཇིག་རྟེན་གྱི་ཁམས་འདས་པ་ན། འཇིག་རྟེན་གྱི་ཁམས་མ་བྱུང་བའི་གློག་གི་ཕྲེང་བ་ཞེས་བྱ་བ་དེ་ན་རྣམ་པར་སྣང་མཛད་ཅེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D213.062.0172a02.01རྫོགས་པའི་སངས་རྒྱས་ད་ལྟར་བཞུགས་ཏེ། འཚོ་ཞིང་གཞེས་སོ། །སོར་མོའི་ཕྲེང་བ་ཁྱོད་འཇམ་དཔལ་གཞོན་ནུར་གྱུར་པ་དང་ལྷན་ཅིག་ཏུ་མ་བྱུང་བའི་གློག་གི་ཕྲེང་བ་ཞེས་བྱ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D213.062.0172a03.01པའི་སངས་རྒྱས་རྣམ་པར་སྣང་མཛད་བཞུགས་པར་དེང་ལ། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་མི་མཇེད་ཀྱི་འཇིག་རྟེན་གྱི་ཁམས་ན་བཞུགས་ཏེ། ཡང་དག་པའི་མཐའ་ལ་ཇི་ལྟར་གནས་པ་དྲིས་ཤིག །དེ་ནས་འཇམ་དཔལ་གཞོན་ནུར་གྱུར་པ་དང་
D213.062.0172a04.01སོར་མོའི་ཕྲེང་བས་ལེགས་སོ་ཞེས་གསོལ་ནས། ངང་པའི་རྒྱལ་པོ་ལྟར་རྫུ་འཕྲུལ་གྱི་སྟོབས་ཀྱི་རྐང་པས་མ་བྱུང་བའི་གློག་གི་ཕྲེང་བའི་འཇིག་རྟེན་གྱི་ཁམས་དེར་དོང་ནས། བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D213.062.0172a05.01སངས་རྒྱས་ག་ལ་བ་དེར་སོང་སྟེ་ཕྱིན་ནས། དེ་བཞིན་གཤེགས་པ་ལ་དེ་བཞིན་དུ་ཞུས་པ་དང་། སྔ་མ་བཞིན་དུ་འདིར་ལྷགས་ནས། སོར་མོའི་ཕྲེང་བ་དང་། འཇམ་དཔལ་གཞོན་ནུར་གྱུར་པས་དེ་བཞིན་གཤེགས་པ་ལ་གསོལ་པ། བཅོམ་ལྡན་འདས་དེ་བཞིན་
D213.062.0172a06.01གཤེགས་པ་ཇི་ལྟར་ན་མ་བྱུང་བའི་མཐའ་ལ་གནས་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སོར་མོའི་ཕྲེང་བ་ངས་བསྐལ་པ་བརྒྱ་སྟོང་མང་པོར་ཕ་རོལ་ཏུ་ཕྱིན་པ་བཅུས་སེམས་ཅན་ཡང་དག་པར་བསྡུས་ཏེ། སྔོན་མ་བྱུང་བའི་བདེ་བ་ལ་རབ་
D213.062.0172a07.01