完整藏文原文 · 德格版页 当前仅加载第 62 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱང་ཡུངས་འབྲུའི་སྦུ་གུར་འཇུག་སྟེ། སེམས་ཅན་གང་ལ་ཡང་གནོད་པར་མི་འགྱུར་རོ། །ཡང་དེ་ནས་ཕྱུང་སྟེ། གནས་ཇི་ལྟ་བ་བཞིན་དུ་འཇོག་པར་ཡང་སྟོན་ཏོ། །རྒྱ་མཚོའི་ཆུ་དང་། ཆུའི་ཕུང་པོ་དང་། རིའི་ཕུང་པོ་དང་།
D213.062.0161b01.01རི་རབ་ལ་སོགས་པ་སངས་རྒྱས་ཀྱི་སྤུའི་ཁུང་བུ་གཅིག་ཏུ་འཇུག་ཀྱང་སེམས་ཅན་གཅིག་ལ་ཡང་གཙེས་པར་མི་འགྱུར་ཞིང་ཕྱིས་སོ་སོའི་ཕྱོགས་སུ་འགོད་དོ། །རྐང་པའི་མཐེ་བོས་ཕྱོགས་བཅུའི་འཇིག་རྟེན་གྱི་ཁམས་གཡོ་བར་བྱས་ཀྱང་སེམས་ཅན་གཅིག་ལ་ཡང་གཙེ་བ་བྱས་
D213.062.0161b02.01པར་མི་འགྱུར་ཏེ། དེ་ནི་སངས་རྒྱས་རྣམས་ཀྱི་ཆོས་ཉིད་ཀྱི་མཛད་པའོ། །རྣམ་པ་གང་དང་གང་གིས་སེམས་ཅན་ལ་ཕན་པར་འགྱུར་བ་བྲན་དང་སློབ་མར་ཡང་འགྱུར་རོ། །དེ་བཞིན་དུ་གྲོང་མི་དང་། དེད་དཔོན་དང་། མདུན་ན་འདོན་དུའང་འགྱུར་རོ། །རྒྱལ་པོ་དང་། བློན་པོ་
D213.062.0161b03.01དང་། གཞོན་ནུ་དང་། གྲོང་དཔོན་དང་། ཚོགས་ཐམས་ཅད་ཀྱི་ནང་དུ་ཡང་སེམས་ཅན་རྣམས་ལ་ཕན་པར་བྱ་བའི་ཕྱིར། བདག་ཉིད་འདུམ་པར་སྦྱར་བ་དང་འཐུན་པར་བྱེད་དོ། །ལྷ་ཐམས་ཅད་དུའང་འགྱུར་ཏེ། དེ་དག་གི་ལྟ་བ་བཟློག་པའི་ཕྱིར་ཐམས་ཅད་དུ་སྐྱེ་བ་སྟོན་
D213.062.0161b04.01པས། དེའི་ཕྱིར་སྐྱེས་པའི་རབས་ཞེས་བྱའོ། །སྒྱུ་མ་བྱེད་པའི་སྒྱུ་མ་མཐོང་ན། ཀྱེ་མ་སྒྱུ་མ་བྱེད་པ་ནི་སྡིག་པ་སྟེ། གཅད་པ་དང་། གཏུབ་པ་བྱེད་ཅིང་གཞན་ལ་གསོད་དོ་ཞེས་ཚོགས་ཐམས་ཅད་ལ་མི་བརྗོད་པ་དེ་བཞིན་དུ་སངས་རྒྱས་ཀྱང་འཇིག་རྟེན་ན་སྒྱུ་མ་བྱེད་པའི་
D213.062.0161b05.01རང་བཞིན་ཡིན་པར་བལྟ་སྟེ། དེ་བཞིན་དུ་ངས་སེམས་ཅན་རྣམས་བསད་པ་ཡང་ཤེས་པར་བྱའོ། །སྒྱུ་མ་བྱེད་པས་སྒྱུ་མ་བྱེད་པའི་སྐྱེས་བུ་ཇི་ལྟ་བ་དེ་བཞིན་དུ་སྒྱུ་མ་སྤྲུལ་པ་ཉིས་སྟོང་དུ་གཅིག་མ་ཚང་བ་ཡང་དེ་ལྟ་བུས་འདུལ་བའི་དབང་གིས་སྒྱུ་མ་སྤྲུལ་ཏོ། །འཇམ་དཔལ་
D213.062.0161b06.01ཇི་ལྟར་མཚོན་གྱི་བསྐལ་པ་བར་མ་ལ་ངས་ཀྱང་བྱང་ཆུབ་སེམས་དཔའི་སྤྱོད་པའི་སྒྱུ་མ་འདི་དག་སྤྲུལ་ཏོ། །ཀྱེ་མ་བཙུན་པ་འཇམ་དཔལ་ནི་སྦྲང་བུ་ལྟ་བུའི་སྤྱད་པ་སྤྱོད་དེ། མིའི་གླང་པོ་ཆེ་ཤེས་ཀྱང་མི་འདོད་དོ། །ཤེས་ཀྱང་མི་འདོད་པ་དེ་ནི་སྦྲང་བུ་ལྟ་བུ་སྟེ་སྨད་པ་ཞེས་བྱའོ། །
D213.062.0161b07.01