完整藏文原文 · 德格版页 当前仅加载第 62 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཉིས་སྟོང་དུ་ཚང་བར་བྱའོ་སྙམ་ནས། དེ་རབ་ཏུ་དགའོ་ཞེས་གྲག་གིས་མ་རུངས་པ་སྡིག་ཅན་གཏུམ་པོ་འདི་བསད་ན། གདོད་བདག་ཅག་གྲོང་དང་། གྲོང་ཁྱེར་དང་། རི་ཁྲོད་ཀྱི་གྲོང་དང་། ལུང་པའི་གནས་ན་དམག་མི་ཐམས་ཅད་ཀྱང་རང་གི་ཁྱིམ་ནས་འབྱུང་ངོ་། །
D213.062.0202a01.01དེ་བས་ན་བྱ་ཁྲས་བྱ་རོག་དང་། བྱ་བྲན་སྐྲག་པ་བཞིན་དུ་བདག་ཅག་གི་སྐྱེ་བོ་ཐམས་ཅད་དང་། ཤིང་ཐུན་དང་། རྩྭ་རྔ་བ་དང་། ཡུལ་གཞན་གྱི་མི་དང་། སྐྱེ་བོ་འདྲོན་པའི་རྣམས་ཀྱང་དེའི་མིང་ཙམ་གྱིས་མི་རྒྱུ་ཞིང་མི་སྨྲ་བར་གྱུར་ཅིང་འདུག་གིས་མྱུར་དུ་སྦྲོན་པ་ཁྱེར་ཏེ། ཡུལ་མཛོད་
D213.062.0202a02.01འཛིན་གྱི་རྒྱལ་པོ་གསལ་རྒྱལ་ཡན་ལག་བཞི་པའི་དཔུང་གི་ཚོགས་དང་ལྷན་ཅིག་ཏུ་ཆས་ཏེ། སྲིན་པོ་མ་རུངས་པ་གཏུམ་པོ་སོར་མོའི་ཕྲེང་བ་བསད་པར་བྱིན་གྱིས་བཀྲབས་པ་ཐམས་ཅད་ཀྱང་རལ་གྲི་དང་། གཞུ་དང་། རྡོ་རྗེ་རྩེ་གཅིག་པ་དང་། མདུང་ཐུང་དང་། ཕུབ་ལག་ན་ཐོགས་ཏེ།
D213.062.0202a03.01མཚོན་ཆ་དང་། ལག་ཆ་ཐམས་ཅད་རྣོན་པོར་བྱོས་ཏེ། ལེགས་པར་ཆོས་ལ་གཤེགས་ཤིག །གང་གིས་སྲིན་པོ་མ་རུངས་པ་སོར་མོའི་ཕྲེང་བ་བསད་དམ། མཚོན་གྱིས་བཏབ་བམ། བལ་གླང་ཞོན་པ་དག་སྨས་སམ། གང་དག་སྨས་ཀྱང་གཡུལ་ལས་ཕྱིར་མི་ལྡོག་ན་བལ་
D213.062.0202a04.01གླང་འདོད་ན་ཡང་བལ་གླང་གི་མཆོག་སྦྱིན་ནོ། །རྟ་འདོད་ན་ཡང་རྟ་བཞོན་པ་སྦྱིན་ནོ། །གསེར་འདོད་ན་ཡང་གསེར་དང་གསེར་གྱི་དོང་ཙེ་དང་ནམ་ས་ཡ་སྦྱིན་ནོ། །དངུལ་འདོད་ན་ཡང་དངུལ་ས་ཡ་སྦྱིན་ནོ། །རྡོ་རྗེ་དང་། ནོར་བུ་དང་། དུང་དང་། མན་ཤེལ་དང་། བྱི་རུ་དང་། རིན་
D213.062.0202a05.01པོ་ཆེ་སྣ་བདུན་ས་ཡ་སྙེད་སྦྱིན་ནོ། །གོས་འདོད་པ་ལ་ཡང་ལྷའི་གོས་དང་། དར་དང་། རས་ཕྲན་ཀོ་ཏམ་པ་དང་། ཡུལ་བང་གི་རས་དང་། ཡུལ་མ་ཏུ་ར་དང་། བ་རུ་ཀ་ཙ་དང་། བ་རིང་དྲ་དང་། ལྷོ་ཕྱོགས་པ་དང་། སང་ཀ་ཤི་ཀ་དང་། ཀུ་རུ་པན་ཙ་ལའི་རས་བམ་རྣམ་པ་མང་པོ་
D213.062.0202a06.01སྦྱིན་ནོ། །ཞིང་དོར་དང་། གྲོང་དང་། མ་ཧེ་དང་། བུད་མེད་འདོད་པའང་ཐམས་ཅད་ཀྱི་མཆོག་སྦྱིན་ནོ་ཞེས་བསྒྲགས་སོ། །དེ་ནས་སོར་མོའི་ཕྲེང་བའི་མིང་ཙམ་གྱིས་ཞམ་རིང་བ་ལ་གཏོགས་སོ་ཅོག་སྐྲག་སྟེ། གཅིག་ཀྱང་ཕྱིར་མ་བྱུང་ངོ་། །བཙུན་མོའི་འཁོར་དང་། ཞམ་རིང་པ་ཡང་
D213.062.0202a07.01