完整藏文原文 · 德格版页 当前仅加载第 62 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་མ་འཇིག་རྟེན་རྣམས་ནི་བདག་ཉིད་མི་ཤེས་ཏེ། བདག་གི་ཉེས་པ་མི་མཐོང་གི །གཞན་གྱི་ཉེས་པ་མཐོང་ངོ་། །སོར་མོའི་ཕྲེང་བས་སྡིག་པ་ཇི་སྙེད་ཅིག་བྱས། དེ་ནས་སོར་མོའི་ཕྲེང་བས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་
D213.062.0161a01.01སོ། །ཀྱེ་མ་འཇིག་རྟེན་ན་དམ་པའི་ཆོས་འཇིག་པའི་སྐྱེས་བུ་གཉིས་ཡོད་དེ། གང་ཤིན་ཏུ་སྟོང་པ་ཉིད་དུ་ལྟ་བ་དང་། གང་འཇིག་རྟེན་ན་བདག་ཏུ་སྨྲ་བ་འདི་གཉིས་ནི་དམ་པའི་ཆོས་འཇིག་པ་དང་། དམ་པའི་ཆོས་ཁས་འབུབ་པའོ། །ཀྱེ་མ་བཙུན་པ་འཇམ་དཔལ་ནི་སྡིག་
D213.062.0161a02.01པ་དང་། མི་སྡིག་པ་མི་ཤེས་སོ། །ཀྱེ་མ་བྱང་ཆུབ་སེམས་དཔའི་སྤྱོད་པ་ཡང་མི་ཤེས་སོ། །ཀྱེ་མ་བྱང་ཆུབ་སེམས་དཔའ་སྟག་རྣམས་འཇིགས་པ་མེད་པའོ་སྙམ་དུ་སེམས་ན། ཀྱེ་མ་བཙུན་པ་འཇམ་དཔལ་ནི་སྦྲང་བུ་དང་། །སེང་གེའི་བྱེ་བྲག་ཀྱང་མི་ཤེས་སོ། །
D213.062.0161a03.01བཙུན་པ་འཇམ་དཔལ་དེ་བཞིན་གཤེགས་པས་བསྔགས་པའི་བྱང་ཆུབ་སེམས་དཔའི་སྤྱོད་པ་ཉོན་ཅིག །དཔེར་ན། སྒྱུ་མའི་རྒྱལ་པོས་སྒྱུ་མ་ལ་འདུས་པའི་དབུང་དུ་ཇི་ལྟར་གཅོད་པ་དང་། གཏུབ་པ་སྟོན་ཏེ་སྒྱུ་མ་བྱེད་པས་བཟའ་བ་དང་། རྙིས་པ་ཡང་སྟོན། སྒྱུ་མ་བྱེད་
D213.062.0161a04.01པ་རྣམ་པ་མང་པོ་སྒྱུ་མའི་མཆོག་སྒྱུ་མ་བྱེད་པའི་སྒྱུ་མ་ཇི་ལྟ་བ་དེ་བཞིན་དུ། སངས་རྒྱས་རྣམས་ཀྱི་བསྟན་པ་ཡང་དེ་བཞིན་ཏེ། བྱང་ཆུབ་སེམས་དཔའ་སྟག་རྣམས་ཀྱང་བདག་ཉིད་སྐྱེ་བ་དང་། ཡོངས་སུ་མྱ་ངན་ལས་འདའ་བ་ལྟ་བུར་སྒྱུ་མ་རྣམ་པ་མང་པོ་སྟོན་ཏོ། །
D213.062.0161a05.01ནད་ཀྱི་བསྐལ་པ་བར་མ་ལ་བདག་ལ་ནད་མེད་དོ་ཞེས་སེམས་ཅན་རྣམས་ན་བའི་ཕྱིར་ཟས་ཀྱི་མཆོག་ཏུ་འགྱུར་རོ། །མེའི་བསྐལ་པ་བར་མ་ལ་ས་རྣམས་སྲེག་ཅིང་རྟག་པར་འདུ་ཤེས་པའི་སེམས་ཅན་རྣམས་ལ་མི་རྟག་པར་སྟོན་ཏོ། །མཚོན་གྱི་བསྐལ་པ་བར་མ་ལ་སེམས་ཅན་
D213.062.0161a06.01རྣམས་ཀྱི་ཕྱིར་བདག་གིས་བསྟན་ཏོ་སྙམ་སྟེ། ཐམས་ཅད་མཚོན་དང་། ལྕགས་སུ་བྱས་ནས། སངས་རྒྱས་ཀྱིས་ཕན་ཚུན་དུ་གསོད་པ་བསྟན་ཀྱང་སེམས་ཅན་གཅིག་ལ་ཡང་གནོད་པར་མི་འགྱུར་ཏེ། དེ་དག་ནི་སྒྱུ་མ་སྤྲུལ་པ་བཞིན་ནོ། །སངས་རྒྱས་ནི་སྟོང་གསུམ་
D213.062.0161a07.01