完整藏文原文 · 德格版页 当前仅加载第 62 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། དེ་བཞིན་གཤེགས་པ་དང་། སོར་མོའི་ཕྲེང་བ་ལ་ལྷའི་མཆོད་པ་ཆེན་པོ་བྱས་ནས། བཅོམ་ལྡན་འདས་དང་། སོར་མོའི་ཕྲེང་བ་ལ་ཚིག་འདི་སྐད་ཅེས་སྨྲས་སོ། །ཀྱེ་མ་བདག་གིས་གཡུལ་ཆེན་
D213.062.0144a01.01རབ་མཐོང་སྟེ། །སེང་གེ་གཉིས་ནི་དྲག་ཏུ་འཐབ་པ་བཞིན། །ཀྱེ་མ་སངས་རྒྱས་མི་འདུལ་ཁ་ལོ་སྒྱུར། །དེ་བཞིན་གཤེགས་པས་སོར་ཕྲེང་དགེ་བར་བཏུལ། །སྦྲུལ་གྱིས་སྨན་པ་མཐོང་ནས་ཤིན་ཏུ་སྒྲ་འབྱིན་ཅིང་། །མི་འཇིགས་ཁ་རླངས་འབྱིན་པ་ཞི་བར་མྱུར་
D213.062.0144a02.01བཏུལ་ལྟར། །དེ་བཞིན་འཇིག་རྟེན་གསུམ་གྱི་སྨན་པ་མཐོང་ནས་ནི། །སོར་ཕྲེང་གཏུམ་རབ་ལས་བགྱིད་ཤིན་ཏུ་དུལ་བར་གྱུར། །ཁམས་གསུམ་སྨན་པ་ཁྱོད་ལ་ཕྱག་འཚལ་ལོ། །གྱད་མཆོག་རྒྱལ་པོ་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་
D213.062.0144a03.01ཐབས་ཀྱི་སྐུ་མངའ་བ། །བསམ་ཡས་སྟོབས་འཆང་ཁྱོད་ལ་ཕྱག་འཚལ་ལོ། །ཆོས་ཉིད་ལ་ཡང་སོར་ཕྲེང་བཞག་པ་ནི། །དེ་རིང་ལྷ་ཁྱོད་ཤིན་ཏུ་རྣམ་པར་མཛེས། །དེ་ལྟར་ཤིན་ཏུ་མཛེས་པ་དཔེ་མི་རྙེད། །དེ་ཕྱིར་དེ་བཞིན་གཤེགས་པ་དཔེ་མ་མཆིས། །སོར་
D213.062.0144a04.01ཕྲེང་ཚུལ་ཁྲིམས་དེང་གནས་ཤིན་ཏུ་མཛེས། །དུལ་ཞིང་བྱང་ལ་འཇིགས་པ་མ་མཆིས་ཤིང་། །གཟུགས་ནི་རང་བཞིན་གྱིས་ཀྱང་གསེར་འདྲ་སྟེ། །འཛམ་བུའི་ཆུ་བོའི་གསེར་འབར་མདོག་ལྟར་མཛེས། །དེ་བཞིན་གཤེགས་ལ་བདག་གསོལ་བདག་ལ་ཐུགས་
D213.062.0144a05.01བརྩེ་བས། །བདག་གི་འཕྲུལ་གོས་དེ་བཞིན་གཤེགས་པས་དེང་བཞེས་ཏེ། །སོར་མོའི་ཕྲེང་བའི་ལྷ་ཡི་ཆོས་གོས་བགྱི་བར་གསོལ། །དེ་ཡི་འབྲས་བུས་བདག་ཀྱང་བྱང་ཆུབ་མཆོག་ཐོབ་ཤོག །སོར་ཕྲེང་ཆོས་གོས་བདག་གི་གོས་བགོས་ནས། །ཚངས་
D213.062.0144a06.01པའི་སྤྱོད་པ་སེམས་བརྟན་རྫོགས་པར་ཤོག །བཅོམ་ལྡན་འདས་ལ་སོར་མོའི་ཕྲེང་བ་ཡང་། །ཚངས་པར་སྤྱོད་པ་ཕུན་སུམ་ཚོགས་པར་སྲུངས། །དེ་ནས་སོར་མོའི་ཕྲེང་བས་ཚངས་པ་མི་མཇེད་ཀྱི་བདག་པོ་ལ་སླར་འདི་སྐད་ཅེས་སྨྲས་སོ། །ཕྲ་མ་ཅན་ཅལ་ཅོལ་
D213.062.0144a07.01