完整藏文原文 · 德格版页 当前仅加载第 62 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
མས་བསོད་ནམས་དམ་པའི་རྨི་ལམ་ཡང་རྙེད་དེ། ནམ་ཁྱེའུ་བཙས་པ་དེའི་ཚེ། རིགས་འཕེལ་བར་འགྱུར་རོ་ཞེས་མི་མཛའ་བ་རྣམས་ཀྱང་ཤིན་ཏུ་བྱམས་པར་འགྱུར་རོ། །ནམ་ཁྱེའུ་དེ་ལོ་བདུན་ནམ། བརྒྱད་དམ། དགུ་ལོན་ནས། ཡི་གེའི་གྲར་ཞུགས་པའི་ཚེ་ཁྱིམ་ན་
D213.062.0162b01.01འཐབ་པ་དང་། རྩོད་པ་མི་འབྱུང་། བྲན་པོ་དང་བྲན་མོ་རྣམས་ཀྱང་དགའ་མགུ་རངས་པར་གྱུར་ནས། ཡང་དག་པའི་ལས་ཀྱིས་ཁྱིམ་དུ་འཕེལ་བར་བྱེད་དོ། །ནམ་ཁྱེའུ་དེ་ལོ་ཉི་ཤུ་ལོན་པ་དེའི་ཚེ་ཁྱིམ་དེའི་བ་ལང་དང་། མ་ཧེ་དང་། ལུག་ལ་སོགས་པ་རྐང་པ་བཞི་པ་
D213.062.0162b02.01རྣམས་ཀྱང་འཐབ་པ་མེད་དེ། ཕ་མ་ལྟ་བུར་སྡུག་པར་འགྱུར་རོ། །བ་ཡང་ཞོ་བདམ་མོ། །ཁྱེའུ་དེ་ལ་འདོད་ཆགས་དང་། ཕྲག་དོག་དང་། འཚིག་པ་དང་། གཡོ་དང་། སྒྱུ་དང་། {བརྫུན་,རྫུན་}སྨྲ་བ་དང་། ཚིག་རྩུབ་པོ་དང་། བྱིས་པའི་ཚུལ་དང་། ཆོ་ག་མ་ཡིན་པ་
D213.062.0162b03.01མེད་ཅིང་མི་དགེ་བའི་ཕྱོགས་ཀྱི་བྱ་བ་ཐམས་ཅད་མི་འབྱུང་སྟེ། ཕ་མ་ལ་མཆོད་པ་དང་། སློབ་དཔོན་དང་། མཁན་པོ་ལ་མཆོད་པའི་སེམས་སྐྱེའོ། །རྒན་རབས་མཐོང་ན་ལག་པ་ཐལ་མོ་སྦྱོར་རོ། །བར་མ་མཐོང་ན་པང་གིས་མཁྱུད་དེ་དམ་དུ་འཇུའོ། །ཁྱེའུ་དང་
D213.062.0162b04.01བུ་མོ་བདག་དང་འདྲ་བ་དང་ལྷན་ཅིག་ཏུ་བུས་པའི་རྩེད་མོ་རྩེ་ན་སྦྱིན་པ་དང་། རི་མོར་བྱ་བ་དང་། གཏོང་བ་སེམས་སོ། །ཕོངས་པ་ལ་བུ་བཞིན་དུ་བྱེད་དོ། །བྱ་བ་ཀུན་ལ་ངོ་ཚ་ཤེས་ཏེ། འཇིགས་ཤིང་སྐྲག་པ་ཡིན། དམ་པའི་ཆོས་ཀྱི་བྱ་བ་ལ་མོས་ཀྱི། གར་དང་སྒྱུ་མ་
D213.062.0162b05.01བྱེད་པ་ལ་མོས་པ་མ་ཡིན། གཉིད་དང་སྙོམ་ལས་བྱེད་པ་མ་ཡིན། སངས་རྒྱས་མཐོང་བར་འདོད་ཅིང་རྟག་ཏུ་གླེགས་བམ་ཀློག །བསླབ་པ་ལ་སོགས་པ་བཟོ་རྣམ་པ་མང་པོ་ལ་དགའི། རྒྱན་པོ་དང་། རྩེད་མོ་དང་། ཆང་འཐུང་བ་ལ་དགའ་བ་མ་ཡིན། ལྷ་ལས་ལྷུར་
D213.062.0162b06.01བྱེད་པའི་སྐྱེ་བོ་དགེ་བ་རྣམས་ཀྱིས་བཀུར་བ། མིག་གཉིད་ཐུལ་བ། ཟས་མང་དུ་མི་ཟ། གཙང་སྦྲ་ཆུང་བ་མ་ཡིན། ཕྱི་རོལ་གྱི་འགྲོ་བ་ཐམས་ཅད་ཀྱང་དགའ་བ། ཆོས་ཀྱི་བྱ་བ་ལ་སྙིང་སྟོབས་ཆེ་ཞིང་བློ་གྲོས་ཆེ་བ་ལ་སོགས་པ་དེ་ལྟ་བུའི་ཡོན་ཏན་ཤིན་ཏུ་མང་བས་
D213.062.0162b07.01