完整藏文原文 · 德格版页 当前仅加载第 62 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འདི་ལྟ་སྟེ་དཔེར་ན། འཇམ་དཔལ་སྤྲིན་དང་། ཁུག་རྣ་དང་། བ་མོའི་དྲི་མ་དང་། ཉེས་པ་རྣམས་ནི་ཇི་ཙམ་དུ་ཉི་མ་མ་ཤར་བ་དེ་ཙམ་དུ་འཇིག་རྟེན་ལ་སྒྲིབ་ཀྱི། ཉི་མ་ཤར་མ་ཐག་ཏུ་སེ་གོལ་གཏོགས་པ་སྲིད་ཀྱིས་ཟད་པར་འགྱུར་རོ། །དེ་བཞིན་དུ་སྡིག་
D213.062.0193b01.01པའི་ཕུང་པོ་གྲངས་མེད་པར་བྱས་པ་ཡང་མདོ་སྡེ་འདིའི་ཉི་མ་མ་ཤར་བ་དེ་ཙམ་དུ་སེམས་ཅན་ཐམས་ཅད་འཁོར་བ་བྱེ་བར་ཀུན་དུ་འཁོར་གྱི་མདོ་སྡེ་འདིའི་ཉི་མ་ཤར་མ་ཐག་ཏུ་སྡིག་པའི་ཕུང་པོ་གྲངས་མེད་པར་བྱས་པ་ཡང་སེ་གོལ་གཏོགས་པ་སྲིད་ཀྱིས་ཟད་པར་འགྱུར་
D213.062.0193b02.01རོ། །དེ་བཞིན་གཤེགས་པའི་སྙིང་པོ་ལ་འཕྱས་པའམ། སྟིང་བའམ། ཁ་གཅུས་པའམ། གཞན་གྱི་ཕྱིར་འབྲང་བའམ། འདི་ལས་ཕྱི་རོལ་པར་གྱུར་པའམ། ཕས་ཕམ་པའམ། མཚམས་མེད་པ་བྱས་པར་གྱུར་པ། གྲངས་མེད་པར་སྡིག་པ་བྱས་པ་དེ་
D213.062.0193b03.01ཡང་ཐང་ཅིག་ཙམ་གྱིས་ཟད་པར་འགྱུར་རོ། །དེ་ཅིའི་ཕྱིར་ཞེ་ན། གང་དེ་བཞིན་གཤེགས་པ་ཤཱཀྱ་ཐུབ་པའི་མཚན་ཐོས་པ་ཙམ་གྱིས་ཀྱང་སེམས་མ་བསྐྱེད་པ་ཡང་བྱང་ཆུབ་སེམས་དཔར་འགྱུར་རོ། །དེ་བས་ན་དེ་བཞིན་གཤེགས་པ་དེའི་སྨོན་ལམ་གྱི་བྱེ་
D213.062.0193b04.01བྲག་གིས་བདག་དང་འཇིག་རྟེན་གྱི་ཕྱིར་བདག་གྲོལ་ནས་དགྲོལ་ལོ། །འཁོར་བ་བྱེ་བ་ན་གཉིད་ཀྱིས་ལོག་པའི་སེམས་ཅན་རྣམས་དམ་པའི་ཆོས་བྱེ་བས་སད་པར་བྱས་ཏེ། འཇམ་དཔལ་དེའི་ཕྱིར་དེ་བཞིན་གཤེགས་པའི་མཚན་ཐོས་པས། བྱང་ཆུབ་སེམས་དཔར་
D213.062.0193b05.01འགྱུར་ཏེ། བདག་ཉིད་ཀྱིས་ཉོན་མོངས་པ་བྱེ་བ་གཅད་པའི་ཕྱིར་རིངས་པར་བྱའོ། །དེ་ལས་ངའི་ལུས་འཛིན་པར་འགྱུར་རོ། །འཇམ་དཔལ་ངས་བཤད་པ། ངས་ནི་མྱ་ངན་གྱི་ཟུག་རྔུ་བཅད་པའི་ལམ་བསྟན་ཏེ། དེ་བཞིན་གཤེགས་པ་སྟོན་པ་ཡིན་གྱིས་ད་ཁྱེད་ཀྱིས་
D213.062.0193b06.01ནན་ཏན་གྱིས་ཤིག་ཅེས་ངས་ལམ་བསྟན་ཏོ། །ལམ་བསྟན་པ་རྣམ་པ་གཉིས་ཏེ། རྣམ་པ་གཉིས་གང་ཞེ་ན། ཉན་ཐོས་ཀྱི་ཐེག་པའི་ལམ་དང་། བྱང་ཆུབ་སེམས་དཔའི་ལམ་མོ། །དེ་ལ་ཉན་ཐོས་ཀྱི་ཐེག་པའི་ལམ་ཞེས་བྱ་བ་ནི་འཕགས་པའི་ལམ་ཡན་ལག་བརྒྱད་པའོ། །
D213.062.0193b07.01