完整藏文原文 · 德格版页 当前仅加载第 62 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་བ་འགོག་པ་མྱ་ངན་ལས་བཟླ་བར་ཡོངས་སུ་མྱ་ངན་ལས་བཟླས་སོ། །ཡོངས་སུ་མྱ་ངན་ལས་འདས་པས། དེ་ལས་ངའི་ལུས་མྱ་ངན་ལས་འདས་པ་མི་གཡོ་བ་བདེ་བའི་སྐུར་གྱུར་ཏོ། །སོར་མོའི་ཕྲེང་བ་བསྐལ་པ་གྲངས་མེད་པ་བྱེ་བ་མང་པོར་འདི་ཉིད་ན་
D213.062.0189a01.01འདུག་བཞིན་དུ་ང་ནི་ཐམས་ཅད་ན་གནས་ཏེ། མྱ་ངན་ལས་འདས་པ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པ་ཉིད་དོ། །དེ་ནས་སོར་མོའི་ཕྲེང་བས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མའོ་སངས་རྒྱས་བཅོམ་ལྡན་
D213.062.0189a02.01འདས་ནི་དཀའ་བ་མཛད་པ་སྟེ། སེམས་ཅན་ཐམས་ཅད་ལ་རྗེས་སུ་ཐུགས་བརྩེ་བའོ། །བཅོམ་ལྡན་འདས་ཀྱིས་བཀའ་སྩལ་པ། སོར་མོའི་ཕྲེང་བ་དེ་བཞིན་གཤེགས་པ་ཡང་ཤིན་ཏུ་དཀའ་བ་མཛད་པ་ཡིན་ཏེ། ནམ་མ་འོངས་པའི་དུས་ན་དམ་པའི་ཆོས་ལོ་བརྒྱད་ཅུའི་
D213.062.0189a03.01བར་དུ་གནས་པར་འགྱུར་བ་དེའི་ཚེ། ཐེག་པ་ཆེན་པོའི་མདོ་སྡེ་དེ་བཞིན་གཤེགས་པའི་སྙིང་པོ་སྟོན་པ་དེ་ནི་སེམས་ཅན་ཐམས་ཅད་ལ་ཕན་པར་སྟོན་ཅིང་ཤིན་ཏུ་བྱ་དཀའ་བ་བྱེད་པའོ། །སེམས་ཅན་གང་དག་དེའི་ཕྱོགས་འཛིན་པ་དེ་དག་ཀྱང་ཤིན་ཏུ་བྱ་དཀའ་བ་བྱེད་པར་བསྟན་
D213.062.0189a04.01ཏོ། །སེམས་ཅན་གང་རྣམས་དེ་བཞིན་གཤེགས་པའི་སྙིང་པོ་ཐོས་ནས། དེ་བཞིན་ཉིད་དུ་ནན་ཏན་བྱེད་པའི་སེམས་ཅན་དེ་དག་ཀྱང་ཤིན་ཏུ་བྱ་དཀའ་བ་བྱེད་པའོ། །སོར་མོའི་ཕྲེང་བས་གསོལ་པ། ཤིན་ཏུ་དཀའ་བ་བགྱིད་པ་དེ་ཇི་ལྟ་བུ་ལགས། བཅོམ་ལྡན་འདས་
D213.062.0189a05.01ཀྱིས་བཀའ་སྩལ་པ། འདི་ལྟ་སྟེ་དཔེར་ན། ས་ཆེན་པོ་ནི་ཁུར་ཆེན་པོ་བཞི་ཁྱེར་ཏེ། ཁུར་བཞི་གང་ཞེ་ན། ཆུའི་ཕུང་པོ་ཆེན་པོའི་ཁུར་དང་། རིའི་ཁུར་དང་། ཕྱི་རོལ་གྱི་རྩྭ་དང་། ཤིང་གེལ་པ་དང་། ཤིང་གི་ཁུར་དང་། སེམས་ཅན་ཐམས་ཅད་ཁུར་དུ་ཁྱེར་བ་སྟེ།
D213.062.0189a06.01དེ་ལྟར་ན་ས་ནི་ཁུར་ཆེན་པོ་བཞི་ཁྱེར་བའོ། །སོར་མོའི་ཕྲེང་བས་གསོལ་པ། ལྕིའོ། །བཅོམ་ལྡན་འདས་ཀྱིས་བཀའ་སྩལ་པ། ས་ནི་ཁུར་ཆེན་པོ་ཁྱེར་བ་མ་ཡིན་ཏེ། དེ་ཅིའི་ཕྱིར་ཞེ་ན། ས་བས་གཞན་ལྷག་པར་ཁུར་ཁྱེར་བ་ཡོད་དོ། །གསོལ་པ། བཅོམ་ལྡན་
D213.062.0189a07.01