完整藏文原文 · 德格版页 当前仅加载第 62 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་སྤྱོད་པ་ཡང་ཅིའི་ཕྱིར་རིན་ཐང་མེད་པའི་གོས་མི་གྱོན། ཅིའི་ཕྱིར་ཁང་པའི་གནས་མལ་སྤངས་ཤིང་གནས་བརྟན་འོད་སྲུང་ཆེན་པོ་བདུད་རྩི་ལྟ་བུའི་ཁ་ཟས་སྣ་ཚོགས་དང་། ཤའི་རོའི་ཁ་ཟས་སྤངས་ཏེ། ཤ་མེད་པར་བརྟུལ་ཞུགས་ཀྱི་སྤྱོད་པ་ལ་ཡང་དག་པར་སྤྱོད། ཁྱིམ་ནས་
D213.062.0142b01.01ཁྱིམ་དུ་རྒྱུ་ཞིང་ལྐུགས་པ་མ་ཡིན་པར་ལྐུགས་པར་འདུ་ཤེས་པས་མདུན་དང་། རྒྱབ་དང་། གློ་ནས་མེད་ཅེས་ཟེར་རམ་གཤེ་ན་ཡང་བདེ་བར་གྱུར་ཅིག་ཅེས་བརྟན་པར་ཕྱིར་འབྱུང་ངོ་། །ཡོད་ཅེས་ཟེར་ན་ཡང་གནས་བརྟན་ཆགས་པར་མི་འགྱུར་ཏེ། བདེ་བར་གྱུར་ཅིག་ཅེས་བརྟན་པར་
D213.062.0142b02.01ཕྱིར་འབྱུང་ལ་བུམ་པ་རེ་རེས་ཀྱང་མ་འོངས་པའི་དགེ་སྦྱོང་རྣམས་ནམ་འཚོའི་བར་དུ་བཟའ་བ་དང་། བཅའ་བ་དང་། བལྡག་པ་སྤྱད་པར་འགྱུར་ན། ཅིའི་ཕྱིར་དེ་ལྟ་བུའི་ལོངས་སྤྱོད་ཀྱི་ཕུང་པོ་ཆེན་པོ་དགེ་འདུན་གྱི་ནོར་དུ་མ་བཞག་སྟེ། བདག་གིར་བྱ་བ་སྤངས་ཤིང་བཏང་ནས་ཡི་
D213.062.0142b03.01དགས་དང་། དབུལ་པོ་དང་། བཀྲེན་པ་དང་། སློང་བ་ལ་སོགས་པའི་གཏེར་ཟད་མི་ཤེས་པར་བྱས་པ་དེ་ལྟ་བུ་ནི་བརྒྱ་བྱིན་དགེ་སྦྱོང་གི་ཆོས་ཏེ། ཏིལ་ཙམ་གྱི་བག་སོགས་པ་དེ་ཡང་དགེ་སྦྱོང་གི་ཆོས་མ་ཡིན་ནོ། །བྲན་ཕོ་དང་། བྲན་མོ་དང་། ནོར་རྣམ་པ་མང་པོ་དང་།
D213.062.0142b04.01ཞིང་གི་དངོས་པོ་དང་། དེ་བཞིན་དུ་ཉོ་བ་དང་། འཚོང་བ་དེ་ནི་དགེ་སྦྱོང་གི་ཆོས་དང་འཐུན་པ་མ་ཡིན་ཏེ། དེ་དག་ནི་ཁྱིམ་ན་གནས་པ་རྣམས་ཀྱི་ནོར་ལྟ་བུ་ཡིན་ནོ། །སྔར་སྨོས་པའི་ནོར་དེ་དག་ལེན་པ་གང་ཡིན་པ་དང་། རུང་བ་མ་ཡིན་པའི་ནོར་སྦྱིན་པར་བྱེད་པ་གང་ཡིན་པ་དེ་དག་
D213.062.0142b05.01ནི་བླུན་པོར་མཚུངས་ཏེ། འབྲས་མ་རུང་བར་བྱེད་པའི་ཞིང་གི་ངོ་དང་འདྲ་བར་སྐྱོན་ཆགས་པའི་ཡ་མཚན་ཅན་དེ་དག་ང་ཆད་པས་གཅད་པར་བྱའོ། །གང་ངས་བསད་ནས་སོར་མོའི་ཕྲེང་བར་བྱས་པ་དེ་དག་ཐམས་ཅད་ཀྱང་བསྟན་པ་ལ་སུན་འབྱིན་པ་ཤ་སྟག་སྟེ། དགེ་བསྙེན་ནམ།
D213.062.0142b06.01དགེ་བསྙེན་མའམ། དགེ་སྦྱོང་ངམ། དགེ་སྦྱོང་མ་གཅིག་ཀྱང་མེད་དོ། །དེ་ནས་ལྷའི་དབང་པོ་བརྒྱ་བྱིན་གྱིས་སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །ཆོས་ནི་བསད་པ་མེད་པའི་མཚན་ཉིད་དེ། དེ་བཞིན་གཤེགས་པ་ཡང་སྲས་གཅིག་པོ་སྒྲ་གཅན་ཟིན་བཞིན་དུ་
D213.062.0142b07.01