完整藏文原文 · 德格版页 当前仅加载第 62 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
པོས་མི་ཤེས་ཏེ། སངས་རྒྱས་ཉིད་ཀྱིས་སངས་རྒྱས་ཀྱི་སྒྱུ་མ་མཁྱེན་ཏེ། དེ་བཞིན་གཤེགས་པ་སངས་རྒྱས་ནི་སྒྱུ་མའི་རྒྱལ་པོའོ། །མཁན་པོའི་ཆུང་མ་དགའ་བྱེད་མས་སྨྲས་པ། ཀྱེ་མ་སེམས་ཅན་འདི་བྲམ་ཟེའི་བུ་མོ་འཇོ་མའི་དཀུ་མཐོང་ཡང་སངས་རྒྱས་ཀྱི་ཆེ་བ་ཡིན་པར་མི་ཤེས་སོ། །ཇི་ལྟར་ཙན་
D213.062.0206a01.01ཙ་སྒྱུ་མ་ཡིན་པ་དེ་བཞིན་དུ་བདག་ཀྱང་སངས་རྒྱས་ཀྱིས་སྒྱུ་མ་སྤྲུལ་པའོ། །དེ་བས་ན་མཛོད་འཛིན་གྱི་རྒྱལ་པོ་གསལ་རྒྱལ་ལ་བདག་གིས་བསྙད་དོ། །གདོལ་པས་ཁྱོད་ལ་བསྙེན་པར་མི་ནུས་ན། རྒྱལ་པོ་སེམས་ཅན་མང་པོ་དང་འགྲོ་བའི་དཔལ་དང་། བྱིན་གྱིས་བརྒྱལ་བར་འགྱུར་ན། མདུན་དུ་
D213.062.0206a02.01འདུག་པ་ལྟ་ཅི་སྨོས། དེ་ལྟར་མིས་མིའི་དྲུང་དུ་བསྟན་པར་མི་ནུས་ན། ལྷ་དང་མི་རྣམས་ཀྱིས་བཅོམ་ལྡན་འདས་ལ་བསྟན་པར་བྱ་བ་དང་། དེ་བཞིན་གཤེགས་པའི་ཐུགས་བསྒྱུར་བར་ལྟ་ག་ལ་ནུས་ཏེ། དེ་བཞིན་གཤེགས་པ་ལ་རིམ་གྲོ་བྱེད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་འམ་ཅི་དང་།
D213.062.0206a03.01ལྟོ་འཕྱེ་ཆེན་པོ་དང་། ཤ་ཟ་དང་། ལྷ་མ་ཡིན་ཚད་མེད་པ་དང་། ནམ་མཁའ་ལྡིང་གིས་དེ་ལ་གནོད་པར་བྱེད་དོ། །གལ་ཏེ་འདི་ལྟ་བུའི་སེམས་འབྱུང་ན། བཅོམ་ལྡན་འདས་ཀྱང་སྡིག་བྱེད་པ་རྣམ་པ་མང་པོ་སྟོན་ཏེ། མ་འོངས་པའི་སེམས་ཅན་འདི་ལྟ་བུའི་སྡིག་མ་རུངས་པ་བྱེད་པ་འབྱུང་བ་དག་ལ་ཡང་དེ་
D213.062.0206a04.01བཞིན་གཤེགས་པ་ནི་སངས་རྒྱས་ཀྱི་སྒྱུ་མ་ཆེན་པོའི་ཐབས་ཀྱི་སྐུ་སྟོན་ཏོ་ཞེས་ཟེར་ནས་མི་སྣང་བར་གྱུར་ཏོ། །དེ་ནས་ཡང་རྒྱལ་པོ་ཤིན་ཏུ་ངོ་མཚར་དུ་གྱུར་ཏེ། བཅོམ་ལྡན་འདས་ལ་གསོལ་པ། བཅོམ་ལྡན་འདས་ཅི་སྒྱུ་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་མཁན་པོ་དང་། མཁན་
D213.062.0206a05.01པོའི་ཆུང་མ་དང་། དེའི་མ་སྒྱུ་མ་གསུམ་གྱིས་སྨྲས་པ་བཞིན་ཏེ། ངའི་སྒྱུ་མ་ནི་བསམ་གྱིས་མི་ཁྱབ་པས་ན་རྣམ་པ་དེ་གསུམ་དུ་སྤྲུལ་པ་ཡིན་ཏེ། སེམས་ཅན་བྱེ་བ་མང་པོ་བསྒྲལ་བའི་ཕྱིར་སོར་མོའི་ཕྲེང་བ་དེ་ལྟར་བྱོན་པ་ཡིན་ནོ། །རྒྱལ་པོས་གསོལ་པ་བཅོམ་ལྡན་འདས་བདག་གིས་དགུང་བདུན་ནས་སྦྱིན་པ་ཆེན་
D213.062.0206a06.01པོ་སྩལ་ན། དེ་བཞིན་གཤེགས་པ་སོར་མོའི་ཕྲེང་བ་ལྷོ་ཕྱོགས་ལོགས་ཀྱི་སྦྱིན་གནས་སུ་གྱུར་ཅིག །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་བཞིན་དུ་གྱུར་ཅིག །དེ་ནས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་མགྲིན་གཅིག་ཏུ་ཚིགས་སུ་བཅད་པ་འདི་
D213.062.0206a07.01