完整藏文原文 · 德格版页 当前仅加载第 62 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཡུལ་མ་ལགས་སོ། །བཀའ་སྩལ་པ། དེ་ནི་སྟོབས་དང་ལྡན་པའང་མ་ཡིན། དཀའ་བ་བྱེད་པའང་མ་ཡིན་ཏེ། རྒྱ་མཚོའི་ཆུ་ཐམས་ཅད་རྡུལ་ཕྲ་མོའི་རྩེ་མོའི་ཆ་ཤས་ཀྱིས། ལོ་བྱེ་བ་དང་། བསྐལ་པ་མང་པོར་ཕྱགས་ཏེ། བ་ལང་གི་རྗེས་ཀྱི་ཆུ་ཙམ་དུ་བྱེད་
D213.062.0190b01.01ནུས་ཤིང་། ས་དང་། རི་རབ་དང་། ཆུ་བོ་དང་། རྒྱ་མཚོར་བཅས་ཏེ། བསྐལ་པ་མང་པོར་ཁུར་ཁྱེར་ནུས་ཀྱང་། མ་འོངས་པའི་དུས་ན། ནམ་དམ་པའི་ཆོས་ལོ་བརྒྱད་ཅུའི་བར་དུ་གནས་པར་འགྱུར་བ་དེའི་ཚེ་སྐྱེ་བོ་ཕལ་པས་ཀྱང་དམ་པའི་ཆོས་སྟོན་མི་ནུས། དེ་བཞིན་གཤེགས་
D213.062.0190b02.01པའི་སྙིང་པོ་ཡང་འཆད་མི་ནུས་པ་དེའི་ཚེ། བྱང་ཆུབ་སེམས་དཔའ་མིའི་གླང་པོ་སེམས་ཅན་ཐམས་ཅད་ལ་ཕན་པར་སྟོན་པ་རྣམས་དེ་བཞིན་གཤེགས་པའི་སྙིང་པོ་སྟོན་ཅིང་། དམ་པའི་ཆོས་འཛིན་པར་འགྱུར་ཏེ། དེ་ནི་ཤིན་ཏུ་དཀའ་བ་བྱེད་པར་བསྟན་ཏོ། །གཞན་ཡང་
D213.062.0190b03.01སོར་མོའི་ཕྲེང་བ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མེའི་ཕུང་པོ་རབ་ཏུ་འབར་བ་ལ་ཁྱོར་བའི་ཆུས་ཞི་བར་ནུས་སམ། གསོལ་པ། མ་ལགས་སོ། །བཅོམ་ལྡན་འདས་ཅིའི་སླད་དུ་ཞེ་ན། རྒྱ་མཚོའི་ཆབ་ཀྱིས་ཀྱང་མེ་དེ་ཞི་བར་མི་ནུས་ཏེ། ཁྱོར་བའི་ཆབ་
D213.062.0190b04.01ཀྱིས་ནི་ཁྱིམ་རབ་ཏུ་འབར་བ་ལ་ཡང་ཞི་བར་མི་ནུས་ན། སྟོང་གསུམ་གྱི་སྟོང་ཆེན་པོ་ལྟ་ག་ལ་ནུས། བཀའ་སྩལ་པ། སོར་མོའི་ཕྲེང་བ་དེ་བཞིན་དུ་མ་འོངས་པའི་དུས་ན། ཚུལ་ཁྲིམས་དང་ལྡན་པའི་ཕྱོགས་བྲི། ངང་ཚུལ་ངན་པའི་ཕྱོགས་འཕེལ་བའི་དུས་
D213.062.0190b05.01ན། ནམ་དམ་པའི་ཆོས་ལོ་བརྒྱད་ཅུའི་བར་དུ་གནས་པར་འགྱུར་བ་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་སྲོག་ཀྱང་བཏང་། བྲན་ཕོ་དང་། བྲན་མོ་དང་། བ་ལང་དང་། མ་ཧེ་ལ་སོགས་པའི་ནོར་ངན་པ་རྣམ་པ་མང་པོ་ཡང་བྱིན་ནས་
D213.062.0190b06.01དམ་པའི་ཆོས་ཕྱུང་སྟེ། དེ་བཞིན་གཤེགས་པའི་སྙིང་པོ་སྟོན་པའི་སྐྱེས་བུ་དམ་པ་དེ་ཅི་འདྲ། གསོལ་པ། བཅོམ་ལྡན་འདས་ཉིད་མཁྱེན་ཏེ། ཉན་ཐོས་དང་། རང་སངས་རྒྱས་ཀྱིས་མི་རིག་གོ། །དེའི་དུས་ན་འཇིག་རྟེན་གྱི་ཆོས་རྣམ་པར་དག་པ་ཡང་བཤད་
D213.062.0190b07.01