完整藏文原文 · 德格版页 当前仅加载第 62 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ལ་གཟིགས་ན། ཇི་ལྟར་སྐྱོན་ཆགས་པའི་ཡ་མཚན་ཅན་རྣམས་ཀྱི་ཡན་ལག་གཅད་པར་བཀའ་སྩོལ་བར་འགྱུར། དེ་ནས་སོར་མོའི་ཕྲེང་བས། བརྒྱ་བྱིན་ལྷའི་དབང་པོ་ལ་འདི་སྐད་ཅེས་སྨྲས་སོ། །གསད་པ་དང་། མི་གསད་པའི་བྱེ་
D213.062.0143a01.01བྲག་བརྒྱ་བྱིན་ཁྱོད་ཀྱིས་ག་ལ་ཤེས། སྒྱུ་མ་བྱེད་པའི་སྒྱུ་མ་ཇི་ལྟར་ཞིང་པས་མི་ཤེས་པ་དེ་བཞིན་དུ་བྱང་ཆུབ་སེམས་དཔའི་ཡུལ་སྒྱུ་མ་ཡང་། བརྒྱ་བྱིན་བསྟན་པའི་ཕྱི་རོལ་དུ་གྱུར་པ་ཞིང་པ་ལྟ་བུས་ག་ལ་ཤེས། མི་གསད་པ་དང་། གསད་པ་ལ་ཡང་རྣམ་པ་གཉིས་ཡོད་དེ།
D213.062.0143a02.01བྱང་ཆུབ་སེམས་དཔའི་གསོད་པ་དང་། ཉན་ཐོས་ཀྱི་གསོད་པ་སྟེ། རྣམ་པ་དེ་གཉིས་ཀྱང་སྦྲང་བུ་ལྟ་བུ་ཁྱོད་ཀྱིས་ག་ལ་ཤེས། བྱང་ཆུབ་སེམས་དཔའི་ཡུལ་དང་། ཁྱོད་ཀྱི་ཡུལ་གྱི་ཁྱད་པར་ནི་ནམ་མཁའ་ལ་སྦྲང་བུའི་འཕུར་སྟབས་བཞིན་ནོ། །འདི་ལྟ་སྟེ་དཔེར་ན།
D213.062.0143a03.01དགེ་སྦྱོང་འདྲེས་ཟིན་པ་ལ་དགེ་སྦྱོང་རྣམས་འགོག་པར་ཞུགས་ན། སྐྱེ་བོ་མང་པོས་ཅིའི་ཕྱིར་འགོག་པ་ལ་ཞུགས་ཞེས་དྲིས་ན་བརྒྱ་བྱིན་ཁྱོད་ལ་དྲི་སྟེ། དེའི་ཚེ་དེ་ལྟར་འགོག་པའི་ཟློག་པ་དེ་མཆོག་ཡིན་ནམ། བསྒོ་བ་དེའི་ཚེ་གལ་ཏེ་འགོག་པ་དེས་ཤི་ན་སུ་ལ་སྡིག་པར་འགྱུར་
D213.062.0143a04.01ཏེ། གལ་ཏེ་གསོད་པའི་སེམས་སྦྱངས་ན། སུ་ལ་ཡང་སྡིག་པར་མི་འགྱུར་རོ། །དེ་བཞིན་དུ་སྐྱོན་ཆགས་པའི་ཡ་མཚན་ཅན་རྣམས་ཆད་པས་བཅད་པ་ལས་གལ་ཏེ་ཤི་ན་སུ་ལའང་སྡིག་པར་མི་འགྱུར་གྱི། བསོད་ནམས་ཀྱི་ཕུང་པོ་མང་དུ་སྐྱེད་དོ། །དེ་ལྟར་གསོད་པ་དང་།
D213.062.0143a05.01མི་གསོད་པའི་བྱེ་བྲག་ནི་ཤེས་པར་དཀའ་སྟེ། དེ་ནི་བྱང་ཆུབ་སེམས་དཔའ་རྣམས་ལ་གསོད་པའི་ཆོས་སུ་མི་འགྱུར་རོ། །དཔེར་ན། སྨན་པས་ནད་པའི་ལྕེའི་དྲུང་དུ་གཙགས་བུས་བཏབ་སྟེ། ཁྲག་ཕྱུང་བ་ལས་དེའི་འོག་ཏུ་དེ་གལ་ཏེ་ཤི་ན་ཅི་སྨན་པ་ལ་སྡིག་ཏུ་འགྱུར་རམ། སྨན་པ་
D213.062.0143a06.01ནི་མི་མང་པོ་ལ་ཕན་པར་བྱེད་པས་སྨན་པ་ལ་སྡིག་ཏུ་མི་འགྱུར་ཏེ། གསོད་པའི་སེམས་ནི་མ་གཏོགས་སོ། །དེ་བཞིན་དུ་སྐྱོན་ཆགས་པའི་ཡ་མཚན་ཅན་རྣམས་ཆད་པས་བཅད་པ་ལས་གལ་ཏེ་ཤི་ན་སུ་ལ་ཡང་སྡིག་པར་མི་འགྱུར་གྱི། བསོད་ནམས་ཀྱི་ཕུང་པོ་མང་དུ་འཕེལ་ཏེ།
D213.062.0143a07.01