完整藏文原文 · 德格版页 当前仅加载第 62 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པའི་གཏན་ཚིགས་ཐམས་ཅད་ཁྱེད་ལ་རྒྱ་ཆེར་བསྟན་ཏོ། །འཇིག་རྟེན་གྱི་ཁམས་འདི་ན་སྐྱེ་བོ་རྣམས་མི་དགེ་བས་ན། སངས་རྒྱས་ཐམས་ཅད་ཀྱང་འཇིག་རྟེན་གྱི་ཁམས་འདིའི་རྒྱལ་པོ་མི་བཞེད་དོ། །མི་དགེ་བ་དགེ་བ་ལ་བཀོད་པའི་ཕྱིར་ལུས་ཡང་དང་
D213.062.0184a01.01ཡང་བཏང་བས་ན། ངའི་ལུས་མ་སྐྱེས་པའི་སྐུར་གྱུར་ཏོ། །ངའི་ལུས་བསྐལ་པ་བྱེ་བ་གྲངས་མེད་པ་མང་པོར་དམ་པའི་ཆོས་བསྲུང་བའི་ཕྱིར། ངའི་ལུས་གང་གཱའི་ཀླུང་གི་བྱེ་མ་སྙེད་ཀྱི་ལུས་རེ་རེ་ཡང་བཅད་གཏུབས་བཅོམ་ནས་བྱིན་པས་ངའི་ལུས་མི་ཤིགས་པ་འདུས་མ་
D213.062.0184a02.01བྱས་ཀྱི་ལུས་མཚུངས་པ་མེད་པར་གྱུར་ཏོ། །བསྐལ་པ་བྱེ་བ་མང་པོར་དཔའ་བོ་ལྟར་འདུག་སྟེ། གནས་མང་པོར་གང་གཱའི་ཀླུང་གི་བྱེ་མ་སྙེད་ཀྱི་ལུས་མང་པོ་བཏང་སྟེ། ལུས་རེ་རེ་ཡང་བསྐལ་པ་བྱེ་བ་མང་པོར་དཔའ་བོ་ལྟར་འདུག་ཅིང་དཀའ་བ་སྤྱད་པས་ངའི་ལུས་རྒ་བ་མེད་པའི་སྐུར་
D213.062.0184a03.01གྱུར་ཏོ། །བསྐལ་པ་བྱེ་བ་མང་པོ་གྲངས་མེད་པར་ང་ནད་ཀྱི་བསྐལ་པ་བར་མར་སྐྱེས་ཏེ། ངའི་ལུས་རེ་རེ་ཡང་སྨན་དམ་པར་གྱུར་ནས། གང་གཱའི་ཀླུང་གི་བྱེ་མ་སྙེད་ཀྱི་སེམས་ཅན་རྣམས་ལ་ཕན་བཏགས་པས་ན། ངའི་ལུས་ནད་མེད་པའི་སྐུར་གྱུར་ཏོ། །ང་ཚེ་རབས་མང་པོ་
D213.062.0184a04.01གང་གཱའི་ཀླུང་གི་བྱེ་མ་སྙེད་ཀྱི་བསྐལ་པ་བྱེ་བ་མང་པོ་གྲངས་མེད་པར་སེམས་ཅན་བྱེ་བ་མང་པོ་ལྟོགས་པའི་ནད་ཞི་བར་བྱས་ཏེ། ཐེག་པ་གཅིག་པའི་ཁུ་བ་བླུད་པས་ན། ངའི་ལུས་མི་འཆི་བའི་སྐུར་གྱུར་ཏོ། །ངས་བསྐལ་པ་བྱེ་བ་མང་པོ་གྲངས་མེད་པར་སེམས་ཅན་བྱེ་བ་མང་
D213.062.0184a05.01པོ་ཉོན་མོངས་པ་བྱེ་བ་མང་པོའི་དྲི་མ་བསལ་ནས། ཤིན་ཏུ་དཀའ་བ་བསྟན་ཏེ་དེ་བཞིན་གཤེགས་པའི་སྙིང་པོ་བསྟན་པས་ན། ངའི་ལུས་ཉོན་མོངས་པ་མེད་པའི་སྐུར་གྱུར་ཏོ། །ང་ཚེ་རབས་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་སེམས་ཅན་ཡི་
D213.062.0184a06.01དགས་བྱེ་བ་མང་པོ་སྐོམ་ཞིང་ལྟོགས་པའི་སྡུག་བསྔལ་རབ་ཏུ་ཞི་བར་བྱས་ཏེ། ཐེག་པ་གཅིག་པའི་ཆོས་ཚིམ་པར་བྱས་པས་ན། གང་གཱའི་ཀླུང་མང་པོའི་བྱེ་མ་སྙེད་དུ་ངའི་ལུས་ཟག་པ་མེད་པའི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་
D213.062.0184a07.01