完整藏文原文 · 德格版页 当前仅加载第 62 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་བ་ཁྱོད་སུ་ཞིག །སོར་མོའི་ཕྲེང་བས་བདག་གི་གོས་བགོས་ནས། སོར་མོའི་ཕྲེང་བ་ཚུལ་ཁྲིམས་དང་བརྟུལ་ཞུགས་སྲུངས་ཤིག །སོར་མོའི་ཕྲེང་བ་ཡུན་རིང་དུ་ཚུལ་ཁྲིམས་སྲུངས་ཤིག་ཅེས་ང་ལ་བརྙས་ཤིང་སྨྲ་བ། ཚངས་པ་ངན་པ་ཚངས་པ་མ་ཡིན་པར་ཚངས་
D213.062.0144b01.01པའི་གཟུགས་སུ་འདིར་འོངས་ན་ཚངས་པ་ཚངས་པ་ཞེས་བྱ་བའི་དོན་ཅི། འཇིག་རྟེན་ན་ཚངས་པའི་ལས་གང་ཡིན། ངས་སྦྲང་བུ་ལྟ་བུ་ལས་གོས་བླངས་ཏེ་བགོས་ལ་ཚུལ་ཁྲིམས་དང་། བརྟུལ་ཞུགས་ཡུན་རིང་པོར་བསྲུང་ངམ། ང་ནི་སུའི་ཁོལ་པོ་ཡང་མ་ཡིན་ཏེ།
D213.062.0144b02.01ང་ནི་སུའི་དད་པ་ལ་ཡང་མི་འཇུག་གོ། །ང་ལ་སུའི་བུ་ལོན་ཡང་མ་ཆགས་ཏེ། ངས་ནི་སྔོན་སེམས་ཅན་དབུལ་པོ་རྣམས་ལ་ནོར་བྱིན་ཏོ། །དཔེར་ན་དཔྱིད་ཟླ་ར་བ་ལ་འཕྱང་མོ་ཉུག་པའི་ཐག་པས་བཏགས་ཏེ། རིང་དུ་སོང་ཡང་སླར་མྱུར་དུ་རང་གི་གནས་སུ་འཁོར་བ་དེ་
D213.062.0144b03.01བཞིན་དུ་ཚངས་པ་སྦྲང་བུ་ཁྱོད་ཀྱང་དཔྱིད་ཟླ་ར་བ་ལ་འཕྱང་ཐག་བཏགས་པ་ལྟར་ཚངས་པའི་འཇིག་རྟེན་གྱི་བདེ་བ་མྱོང་ནས་ཕྱིར་ལྟུང་བའི་ཆོས་ཅན་དུ་ལྟུང་བར་འགྱུར་རོ། །བྱང་ཆུབ་སེམས་དཔའི་ཡང་དག་པའི་དོན་ཡོན་ཏན་གྱི་འཐད་པ་མི་ཤེས་པར་གང་སྡིག་པ་དང་། སྡིག་
D213.062.0144b04.01པ་མ་ཡིན་པར་རྟོག་པ་ཁྱོད་འདྲ་བ་སྦྲང་བུ་ལྟ་བུ་དེ་དག་སྲིད་པ་དག་ན། མི་མཁས་ཤིང་མི་ལྡན་པ་འཁོར་བའི་སྡུག་བསྔལ་གྱི་ནང་ན་ཀུན་དུ་འཁྱམ་མོ། །ཀྱེ་མ་ཚངས་པ་སྡིག་པ་དང་སྡིག་པ་མ་ཡིན་པ་ངེས་པར་ཤེས་ན། སོར་མོའི་ཕྲེང་བས་གཏུམ་པོའི་ལས་བྱས་སོ་
D213.062.0144b05.01ཞེས་སྨྲོས་ཤིག །ཚངས་པ་ངན་པ་སྦྲང་བུ་ལྟ་བུ་ཁྱོད་མི་ཤེས་ཀྱིས། བྱང་ཆུབ་སེམས་དཔའི་སྤྱོད་པ་ལ་སློབས་ཤིག །དེ་ནས་ཚངས་པ་མི་མཇེད་ཀྱི་བདག་པོས། སོར་མོའི་ཕྲེང་བ་ལ་སླར་འདི་སྐད་ཅེས་སྨྲས་སོ། །སོར་མོའི་ཕྲེང་བ་མི་ཉིས་སྟོང་དུ་གཅིག་
D213.062.0144b06.01མ་ཚང་བ་བསད་དེ། མི་བཟད་པ་བྱས་པ་ནི་མངོན་སུམ་དུ་ད་དུང་ཡང་སྣང་ངོ་། །ཁྱོད་ཀྱི་དྲག་ཤུལ་གྱི་ལས་ནི་བྱ་རོག་དང་ཁྲས་ཀྱང་བྱེད་མི་ནུས་ཏེ། འདི་ལྟ་བུ་དྲག་ཤུལ་གྱི་ལས་མ་ཡིན་ན། དྲག་ཤུལ་གྱི་ལས་ཅི་ལྟ་བུ་ཡིན། གལ་ཏེ་འདི་ལྟ་བུ་བདུད་མ་
D213.062.0144b07.01