完整藏文原文 · 德格版页 当前仅加载第 62 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེན་པོ་ངའང་འགྲོའམ། རྒྱལ་པོས་གསོལ་པ། བཅོམ་ལྡན་འདས་གཤེགས་སོ་ཞེས་བཀའ་སྩལ་པ་ནི་སེམས་ཅན་མང་པོ་ལ་སྐལ་བ་མཆིས་པ་ལྟ་སྟེ། ད་ནི་སོར་མོའི་ཕྲེང་བ་དེ་ཡང་གུམ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་གལ་ཏེ་
D213.062.0203a01.01སོར་མོའི་ཕྲེང་བ་འདིར་འོངས་ན་ཇི་ལྟར་བྱ། དེ་ནས་ཡན་ལག་བཞི་པའི་དཔུང་གི་ཚོགས་སྙིང་རབ་ཏུ་དངངས་སྐྲག་ནས་རྒྱལ་པོས་དེ་བཞིན་གཤེགས་པའི་ཆེ་བའི་བདག་ཉིད་ཤེས་པས་སྙིང་དགའ་སྟེ། མི་འཇིགས་ནས་རྒྱལ་པོས་གསོལ་པ། སོར་མོའི་ཕྲེང་བ་གལ་ཏེ་འདིར་མཆིས་ན།
D213.062.0203a02.01གཅིག་པུ་ལུས་པར་འགྱུར་ལགས་གྲང་། དེ་ནས་བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ་རྒྱལ་ལ་བཀའ་སྩལ་པ། རྒྱལ་པོ་ཆེན་པོ་སོར་མོའི་ཕྲེང་བ་འདིའི་དཔལ་ལ་ལྟོས། དེ་ནས་མཛོད་འཛིན་གྱི་རྒྱལ་པོ་གསལ་རྒྱལ་གྱིས་སོར་མོའི་ཕྲེང་བ་ལ་རིང་ཞིག་ཏུ་མིག་མི་
D213.062.0203a03.01འཛུམས་པར་བལྟས་ན། སོར་མོའི་ཕྲེང་བ་མིག་དམར་ལ་བདག་ཉིད་ཆེ་བའི་གཟུགས་མཐོང་ནས། མཛོད་འཛིན་གྱི་རྒྱལ་པོ་གསལ་རྒྱལ་ཤིན་ཏུ་འཇིགས་ཤིང་སྐྲག་སྟེ་བ་སྤུ་ཡང་ལངས་ནས། {ཡི་དགས་,ཡི་དྭགས་}འདུལ་བ་ལྟར་གོ་ཆ་རྣམས་ཞིག་ཅིང་མཚོན་ཐམས་ཅད་ཤུབས་ནས་བྱུང་
D213.062.0203a04.01སྟེ། མདའ་སྟེའུ་ཀ་ལྟར་ཐམས་ཅད་དུ་ལྟུང་བ་ཡང་བྱི་ལ་ལྟར་དེ་བཞིན་གཤེགས་པའི་སེང་གེའི་ཁྲིའི་དྲུང་དུ་མཆིས་སོ། །དེ་བཞིན་གཤེགས་པ་སྒྲ་གཅན་འཛིན་བཞིན་དུ་སྙོམས་པར་གཟིགས་པ་ལ་སྐྱབས་སུ་མཆིའོ། །དེ་ནས་ཡན་ལག་བཞི་པའི་དཔུང་གི་ཚོགས་ཐམས་ཅད་
D213.062.0203a05.01སྒྲ་དེ་ཐོས་ནས། གླང་པོ་དང་། རྟ་དང་། བལ་གླང་དང་། རྐང་ཐང་པའི་དམག་དེ་རྣམས་སྡེ་གྱེས་པ་བཞིན་དུ་ཉམས་ཏེ། ལ་ལ་ནི་བརྒྱལ། ལ་ལ་ནི་འགྱེལ། ལ་ལ་ནི་འཆི་ལ་ཐུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ་རྒྱལ་ལ་བཀའ་སྩལ་
D213.062.0203a06.01པ། རྒྱལ་པོ་ཆེན་པོ་ཚིགས་སུ་བཅད་པ་འདི་ཉོན་ཅིག་དང་། གནོད་པ་མེད་པར་འགྱུར་གྱིས་མ་སྐྲག་ཅིག །གང་ཞིག་སྔ་ན་བག་མེད་པ། །བག་ཡོད་པར་ནི་ཕྱིས་གྱུར་ན། །སྤྲིན་ལས་བྱུང་བའི་ཟླ་བ་བཞིན། །འཇིག་རྟེན་འདི་ན་སྣང་བར་བྱེད། །དེ་ནས་བཅོམ་ལྡན་འདས་ཀྱིས་
D213.062.0203a07.01