完整藏文原文 · 德格版页 当前仅加载第 62 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
སྨོད་ཅིང་འཕྱ་བའི་སེམས་ཅན་དེ་དག་ནི་ད་དུང་མཆུ་དང་རྐན་སྐམས་ཤིང་། {ཡི་དགས་,ཡི་དྭགས་}རིད་པ་ཁ་ནས་མེ་ལྕེ་འབྱུང་བའི་སྲོག་ཆགས་སུ་འགྱུར་རོ། །མ་འོངས་པ་ན་ཡང་སེམས་ཅན་གང་ལུས་ཤིན་ཏུ་རིད་པ་དེ་བཞིན་གཤེགས་པའི་སྙིང་པོ་ལ་སྨོད་ཅིང་འཕྱ་
D213.062.0155a01.01བ་དེ་དག་ནི་བཙུན་པ་གང་པོ་གཞན་མ་ཡིན་ཏེ། ངེས་པར་{ཡི་དགས་,ཡི་དྭགས་}ཁ་ནས་མེ་ལྕེ་འབྱུང་བ་ཉམ་ཆུང་བ་ཡིན་ནོ། །དེ་དག་སྔོན་ཡང་སེམས་ཅན་གང་དེ་བཞིན་གཤེགས་པའི་སྐུ་རྟག་པ་ལ་མི་རྟག་པར་ལྟ་བ་རྣམས་མཛེ་ན་བར་འགྱུར་ཏེ། ད་དུང་ཡང་སེམས་ཅན་
D213.062.0155a02.01གང་ཞན་ཅིང་མཛེ་ན་བར་འགྱུར་བ་དེ་དག་ནི་ངེས་པར་དེ་བཞིན་གཤེགས་པའི་སྐུ་རྟག་པ་ལ་སྨོད་པ་ཡིན་ནོ། །མ་འོངས་པ་ན་ཡང་སེམས་ཅན་གང་དག་དེ་བཞིན་གཤེགས་པའི་སྐུ་རྟག་པ་ལ་མི་རྟག་པར་ལྟ་བ་མཛེན་བར་འགྱུར་བ་དེ་དག་ནི་གཞན་མ་ཡིན་ཏེ། བཙུན་པ་
D213.062.0155a03.01གང་པོ་དེ་བཞིན་གཤེགས་པའི་སྐུ་རྟག་པ་ལ་སྨོད་པ་ཡིན་ནོ། །སྔོན་གང་དེ་བཞིན་གཤེགས་པ་ཞི་བའི་སྐུ་ལ་མ་ཞི་བར་ལྟ་བ་རྣམས་ནི་བོང་ཆེན་པོར་གྱུར་ཏེ། ད་དུང་ཡང་བོང་ཆེ་ཞིང་ཞན་པ་དེ་དག་ནི་ངེས་པར་དེ་བཞིན་གཤེགས་པ་ཞི་བའི་སྐུ་ལ་མ་ཞི་བར་ལྟ་བའོ། །མ་
D213.062.0155a04.01འོངས་པ་ན་ཡང་སེམས་ཅན་གང་དེ་བཞིན་གཤེགས་པ་ཞི་བའི་སྐུ་ལ་མ་ཞི་བར་ལྟ་བ་དེ་དག་ནི་གཞན་མ་ཡིན་ཏེ། བཙུན་པ་གང་པོ་བོང་ཆེན་པོ་དེ་དག་ནི་ངེས་པར་དེ་བཞིན་གཤེགས་པ་ཞི་བའི་སྐུ་ལ་སུན་འབྱིན་པའོ། །གང་སྔོན་ཕུན་སུམ་ཚོགས་པའི་དུས་ན་རྒུད་
D213.062.0155a05.01པར་གྱུར་ཏེ། ནད་མང་བའི་སེམས་ཅན་རྣམ་པ་མང་པོ་དེ་དག་ནི་དེ་བཞིན་གཤེགས་པའི་གཡུང་དྲུང་གི་སྐུ་ལ་གཡུང་དྲུང་མ་ཡིན་པར་ལྟ་བ་ཡིན་ནོ། །ད་དུང་ཡང་ཕུན་སུམ་ཚོགས་པའི་དུས་ན་རྒུད་པར་གྱུར་པའི་སེམས་ཅན་དེ་དག་ནི་དེ་བཞིན་གཤེགས་པའི་གཡུང་དྲུང་གི་སྐུ་ལ་
D213.062.0155a06.01གཡུང་དྲུང་མ་ཡིན་པར་ལྟ་བ་ཡིན་ནོ། །མ་འོངས་པ་ན་ཡང་སེམས་ཅན་གང་ཕུན་སུམ་ཚོགས་པའི་དུས་ན་རྒུད་པར་འགྱུར་བ་དེ་དག་ནི་དེ་བཞིན་གཤེགས་པའི་གཡུང་དྲུང་གི་སྐུ་ལ་གཡུང་དྲུང་མ་ཡིན་པར་ལྟ་བ་སྟེ། བཙུན་པ་གང་པོ་དེ་དག་ནི་ངེས་པར་གཞན་མ་ཡིན་གྱི་དེ་བཞིན་
D213.062.0155a07.01