完整藏文原文 · 德格版页 当前仅加载第 62 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
མི་སྟོང་དགུ་བརྒྱ་བཀུམ་ལགས་ཏེ། །ཀྱེ་མ་བདག་གིས་མི་ཟད་བགྱིས། །བདག་གིས་སྡིག་ཕུང་མང་པོ་རྙེད། །མ་ཁྱོད་བདག་གི་རྟེན་ལགས་ཏེ། །སངས་རྒྱས་ཤིན་ཏུ་སྐྱབས་སུ་གདའ། །ཁྱོད་ཀྱི་ཞབས་ནི་མགོར་བཞག་སྟེ། །རབ་འབྱུང་
D213.062.0141a01.01བསྙེན་པར་རྫོགས་པར་གསོལ། །དེ་ནས་མས་རང་གི་བུ་ལ་ཚིགས་སུ་བཅད་པས་ཕྱིར་སྨྲས་པ། ངས་ནི་བུ་ཁྱོད་བཏང་ཟིན་གྱིས། །རབ་བྱུང་འཇིག་རྟེན་ཕ་རོལ་སྤྱོད། །བདག་ཀྱང་རྫོགས་པའི་སངས་རྒྱས་ལ། །དེ་བཞིན་རབ་ཏུ་འབྱུང་བར་གསོལ། །
D213.062.0141a02.01ཀྱེ་མ་བཅོམ་ལྡན་བསམ་མི་ཁྱབ། །དེ་བཞིན་གཤེགས་པ་དཔེ་མེད་དེ། །སངས་རྒྱས་བདག་གི་བུ་སྒྲོལ་བ། །འཇིག་རྟེན་ཀུན་ལ་ཐུགས་ཀྱང་བརྩེ། །མགོན་པོ་ཁྱོད་ཀྱི་གཟུགས་རྣམས་དང་། །ཡོན་ཏན་དཔེ་ཡང་འགྲོ་ལ་མེད། །བདག་གིས་ཆུང་
D213.062.0141a03.01ཟད་བརྗོད་ནུས་ཏེ། །དེ་བཞིན་གཤེགས་པ་ལྷ་ཡི་ལྷ། །དེ་ནས་བཅོམ་ལྡན་འདས་ཀྱིས་རྒན་མོ་ལ་ཚིགས་སུ་བཅད་པ་འདི་སྐད་གསུངས་སོ། །ཁྱོད་ཀྱི་བུ་ནི་ང་མདུན་དུ། །རབ་ཏུ་འབྱུང་བར་གནང་བ་ནི། །ལེགས་སོ་བུད་མེད་ཉོན་མོངས་མ། །རྒྱུན་མི་ཆད་
D213.062.0141a04.01པར་བདེ་བར་ཤོག །ཁྱོད་ནི་རབ་ཏུ་བྱུང་བ་ཡི། །དུས་ལས་ཤིན་ཏུ་ཡོལ་ཟིན་གྱིས། །དགེ་བསྙེན་མ་ཡི་ཆོས་རྣམས་ཀྱིས། །རྒན་མོ་བདག་ཉིད་དབུགས་ཕྱུང་ཤིག །སྐད་ཅིག་ཙམ་དུ་འདིར་སྡོད་དེ། །རྒྱལ་པོ་གསལ་རྒྱལ་ཇི་སྲིད་ན། །འདི་དག་ཏུ་ནི་
D213.062.0141a05.01མཐོང་གྱུར་པ། །དེ་ཙམ་དུ་ཡང་བདེ་བར་འདུག། །།བམ་པོ་གཉིས་པ། །དེ་ནས་ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་དང་། ལྷའི་བུ་མོའི་ཚོགས་དང་བཅས་པས་བསྐོར་ཅིང་མདུན་དུ་བདར་ཏེ། སྣང་བ་ཆེན་པོས་མཉན་དུ་ཡོད་པའི་ཡུལ་
D213.062.0141a06.01ཐམས་ཅད་སྣང་བར་བྱས་ནས། དེ་བཞིན་གཤེགས་པ་དང་། སོར་མོའི་ཕྲེང་བ་གཉིས་མི་ལྟར་འཐབ་པ་དང་། ཅང་ཤེས་ལྟར་འཐབ་པ་མཐོང་སྟེ། རབ་ཏུ་དགའ་ནས་བཅོམ་ལྡན་འདས་དང་སོར་མོའི་ཕྲེང་བ་གཉིས་ལ་ཚིགས་སུ་བཅད་པ་འདི་སྐད་ཅེས་སྨྲས་སོ། །ཀྱེ་མ་མི་
D213.062.0141a07.01