完整藏文原文 · 德格版页 当前仅加载第 62 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་འདུལ་བའི་ཆོས་བཅས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་ནི་འདུ་ཤེས་གཞན་ཏེ། འཇིག་རྟེན་གྱི་འདུ་ཤེས་ཀྱི་མིང་དུ་བཏགས་སོ། །དེ་བཞིན་གཤེགས་པས་སེམས་ཅན་ཐམས་ཅད་སངས་རྒྱས་ཀྱི་གནས་ལ་བཀོད་ཀྱང་སྒྲ་གཅན་འཛིན་གྱི་
D213.062.0196b01.01ཚུལ་དུ་འཛིན་པར་མི་འགྱུར་རོ། །སངས་རྒྱས་ཀྱི་འདུ་ཤེས་དང་། འཇིག་རྟེན་གྱི་འདུ་ཤེས་ཀྱང་ཐ་དད་པ་དེ་དྲི་བ་འདི་ནི་མི་དྲི་བ་ཞེས་བྱའོ། །འཇམ་དཔལ་སེམས་ཅན་ཐམས་ཅད་ཀྱི་དབྱིངས་ཡིན་པས་ན། སྲོག་གཅོད་པ་སྤངས་པ་ནི་སངས་རྒྱས་སོ། །རིགས་ཀྱི་བུ་ཇི་ལྟར་
D213.062.0196b02.01བདག་གསོད་པ་ལྟར་འཇིག་རྟེན་ན་སྲོག་གཅོད་པ་ཡང་དེ་བཞིན་ཏེ། བདག་ཉིད་ཀྱི་དབྱིངས་འཇོམས་པའོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཅིའི་སླད་དུ་སྒྲ་གཅན་འཛིན་བཞིན་དུ་མཚུངས་པར་གཟིགས་ལ། བདག་ཉིད་ཀྱི་དབྱིངས་འཆང་བ་སྐྱོན་ཆགས་པ་
D213.062.0196b03.01ཡ་མཚན་ཅན་རྣམས་ཆད་པས་བཅད་ཅིང་བསད་པར་བསྟན། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་སྐད་མ་ཟེར་ཅིག །དེ་བཞིན་གཤེགས་པ་ནི་སྒྲ་གཅན་འཛིན་དང་མཚུངས་པར་གཟིགས་སོ། །འདི་ལྟ་སྟེ། འཇམ་དཔལ་སྐྱེས་བུ་ཆོས་འདོད་པ་
D213.062.0196b04.01ཞིག་བདག་ཉིད་དུས་གཉིས་སུ་ཟ་བ་ལས་ལ་ལ་ཞིག་གིས་བསྟན་ཏེ། ཟས་ལན་ཅིག་པར་གྱུར་ན། སྲིན་བུའི་རིགས་བརྒྱད་ཅུ་གསོད་པར་འགྱུར་རོ། །ཇི་སྟེ་དེ་ལྟར་གྱུར་ན་དེ་དག་ལ་སྲོག་གཅོད་པ་དག་པར་མི་འགྱུར་རོ། །གཞན་ཡང་འཇམ་དཔལ་ཤིན་ཏུ་བདེ་བ་འདོད་
D213.062.0196b05.01པའི་བདེ་བ་དེ་ལས་ཕྱིར་ཕྱོགས་པའི་འཕགས་པ་འདོད་པ་འཇོམས་པ་ནི་བདག་གསོད་པའོ། །གལ་ཏེ་འཕགས་པ་རྣམས་དེ་ལྟར་གྱུར་ན། བདག་གསོད་པའི་སྡིག་པར་འགྱུར་རོ། །གལ་ཏེ་འདོད་པའི་སེམས་སྐྱེད་ཅིང་གཞན་གྱི་དྲུང་དུ་གནས་ཏེ། བདག་འདོད་པའི་
D213.062.0196b06.01སེམས་སྐྱེས་ན་ཇི་ལྟར་བྱ་ཞེས་མ་ཟེར་ཅིག །དེ་ལས་ངོ་ཚ་བ་སྐྱེ་བར་འགྱུར་རོ། །ངའི་ལུས་གཅིག་ཡོད་ཀྱང་རུང་། མེད་ཀྱང་རུང་དཔའ་བོ་ལྟར་འདུག་པས་བདག་གསོད་པ་ནི་བདག་གི་ཁམས་འཇོམས་པར་འགྱུར་རམ། དེ་མ་ལགས་སོ། །བཅོམ་ལྡན་འདས་
D213.062.0196b07.01