完整藏文原文 · 德格版页 当前仅加载第 62 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་ལེགས་སོ། །སོར་མོའི་ཕྲེང་བ་ལེགས་སོ། །སོར་མོའི་ཕྲེང་བ་ཁྱོད་དེ་བཞིན་གཤེགས་པས་དགེ་སློང་སོར་མོའི་ཕྲེང་བ་ཁྱོད་ཚུར་ཤོག །དགེ་སློང་སོར་མོའི་ཕྲེང་བ་ཁྱོད་ཚུར་ཤོག་ཅེས་བཀའ་སྩལ་པ་དང་། སོར་མོའི་ཕྲེང་བ་དགེ་སློང་ལོ་མང་དུ་ལོན་པ་བཞིན་དུ་
D213.062.0169b01.01ཐམས་ཅད་དགེ་སྦྱོང་དང་འཐུན་པར་སྤྱོད་ལམ་མཛེས་པར་གྱུར་ཏོ། །དེ་ནས་སོར་མོའི་ཕྲེང་བས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་བཞིན་དུ་མཆིའོ་ཞེས་ཁའི་སྒོ་ནས་ཚིག་བྱུང་མ་ཐག་ཏུ་དེར་འབྲས་བུའི་མཆོག་དགྲ་བཅོམ་པ་ཐོབ་བོ། །
D213.062.0169b02.01བཅོམ་ལྡན་འདས་ཀྱིས་བཀའ་སྩལ་པ། སོར་མོའི་ཕྲེང་བ་ཚུར་ཤོག །ཛེ་ཏའི་ཚལ་དུ་སེམས་ཅན་བྱེ་བ་མང་པོ་སྒྲོལ་ཞིང་ངང་པའི་རྒྱལ་པོ་བཞིན་དུ་འདོང་ངོ་། །དེ་ནས་དེ་བཞིན་གཤེགས་པ་སོར་མོའི་ཕྲེང་བ་དང་ཐབས་ཅིག་ཏུ་ཤཱ་རིའི་བུ་དང་། མཽང་གལ་གྱི་བུ་དང་།
D213.062.0169b03.01འཇམ་དཔལ་གཞོན་ནུར་གྱུར་པ་ལ་སོགས་པས་མདུན་དུ་བདར་ཅིང་བསྐོར་ཏེ། ནམ་མཁའ་ལ་ཟླ་བ་ཉ་ལ་གཟས་བསྐོར་བ་བཞིན་དུ། དེ་བཞིན་གཤེགས་པ་ཤིང་མྱ་ངན་མེད་པའི་དྲུང་ནས་ནམ་མཁའ་ལ་ཏ་ལ་བདུན་སྲིད་དུ་འཕགས་ཏེ། གང་དུ་དེ་བཞིན་གཤེགས་པ་
D213.062.0169b04.01དང་། སོར་མོའི་ཕྲེང་བར་རྩོད་པའི་ས་ནས་ཛེ་ཏའི་ཚལ་གྱི་བར་དུ་གནག་པའི་དགོངས་བཞི་བཅུར་འདོམ་གང་མེད་པའི་བར་དུ་གཤེགས་སོ། །དེ་ནས་སོར་མོའི་ཕྲེང་བའི་མ་དང་། ལྷ་དང་། ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་
D213.062.0169b05.01པོས་མཆོད་པ་ཆེར་བྱས་ཏེ། ཛེ་ཏའི་ཚལ་དུ་འོངས་སོ། །དེ་ནས་བཅོམ་ལྡན་འདས་ངང་པའི་རྒྱལ་པོ་བཞིན་དུ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་གཤེགས་ཏེ། དེ་བཞིན་གཤེགས་པ་སེང་གེའི་ཁྲི་ལ་བཞུགས་སོ། །དེ་ནས་སྟོང་གསུམ་
D213.062.0169b06.01གྱི་སྟོང་ཆེན་པོའི་འཇིག་རྟེན་གྱི་ཁམས་ལག་མཐིལ་བཞིན་དུ་གྱུར་ཅིང་། གོས་ཀ་ཙ་ལིན་དི་ཀ་ལྟར་རེག་ན་བདེ་བ་འཇིག་རྟེན་གྱི་ཁམས་བདེ་བ་ཅན་བཞིན་དུ་གྱུར་ཏོ། །དེ་ནས་ཕྱོགས་ཐམས་ཅད་ཀྱི་བྱང་ཆུབ་སེམས་དཔའ་སོ་སོའི་དེ་བཞིན་གཤེགས་པས། དེང་དེ་བཞིན་
D213.062.0169b07.01