完整藏文原文 · 德格版页 当前仅加载第 62 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་དང་ལྡན་པ། ཡིད་དང་འཐད་པ། གཟུགས་དང་། མདོག་དང་། སྟོབས་དང་། སྙེམས་པ་ཕུན་སུམ་ཚོགས་པ། བློ་གྲོས་དང་། དྲན་པ་དང་། ཡིད་རྣོ་བར་ལྡན་པ། དབྱངས་ཡིད་དུ་འོང་ཞིང་མཐོང་ན་དགའ་བ། རྒྱལ་པོ་དང་། བློན་པོ་དང་། རྒྱལ་བུ་དང་། འཁོར་
D213.062.0156b01.01ལོས་སྒྱུར་བ་དང་། དེ་བཞིན་དུ་དགེ་ཞིང་ང་རྒྱལ་མེད་པའི་སེམས་ཅན་མིག་གཉིད་ཐུལ་བ། བཤོར་བ་བག་ཡོད་པ། དེ་ལ་སོགས་པ་མཐོ་རིས་དང་། སའི་སྟེང་གི་ཕུན་སུམ་ཚོགས་པ་ལྷའི་དབང་པོ་དང་། ཚངས་པའི་དབང་པོ་དང་། འཇིག་རྟེན་སྐྱོང་བ་ལ་སོགས་
D213.062.0156b02.01པར་འགྱུར་རོ། །དེ་བཞིན་གཤེགས་པའི་སྙིང་པོ་ཐོས་པའི་བསོད་ནམས་ཀྱི་རྒྱུས་ནད་མེད་པ་དང་། གཙེ་བ་མེད་པ་དང་། ཚེ་རིང་བ་དང་། འགྲོ་བ་ཐམས་ཅད་དགའ་བར་འགྱུར་རོ། །དེ་བཞིན་གཤེགས་པ་རྟག་པ་གཡུང་དྲུང་ཐེར་ཟུག་སྟེ། ཡོངས་སུ་མྱ་ངན་ལས་
D213.062.0156b03.01འདས་པ་ཡང་འཆི་བ་མེད་པར་ཐོས་པས་ཐམས་ཅད་འབྱོར་ཅིང་ཡུན་རིང་དུ་སྲ་བ་དང་། རྟག་པར་འགྱུར་རོ། །སངས་རྒྱས་ནི་འཇིག་རྟེན་ཐམས་ཅད་དང་རྗེས་སུ་འཐུན་པར་འཇུག་པས་རོལ་པ་ཡིན་པར་ཤེས་ཤིང་། གང་དེ་བཞིན་གཤེགས་པ་འཁྲིག་པ་ལས་བྱུང་བ་
D213.062.0156b04.01མ་ཡིན་ནོ་ཞེས་སྟོན་པ་དེ་དག་ནི་ཡེ་ཤེས་དང་ཡོན་ཏན་རྙེད་པའི་བསོད་ནམས་ཀྱིས་བུ་མང་ཞིང་ཕ་མ་རིང་དུ་འཚོ་བ་རྙེད་པར་འགྱུར་རོ། །དེ་བཞིན་གཤེགས་པའི་སྙིང་པོ་རྟག་པ་སེམས་ཅན་ཐམས་ཅད་ལ་ཡོད་པར་ཤེས་པའི་རྒྱུས་འཇིག་རྟེན་ན་བདེ་བའི་རྣམ་པའི་མཆོག་
D213.062.0156b05.01རྣམས་དང་། ཕུན་སུམ་ཚོགས་པ་ཇི་སྙེད་ཡོད་པ་ཐམས་ཅད་རྙེད་པར་འགྱུར་རོ། །དེ་བཞིན་གཤེགས་པའི་སྙིང་པོ་རྟག་པར་ཐོས་པས་སྔོན་བྱུང་བ་དང་། ད་ལྟར་དང་། མ་འོངས་པ་དང་། དུས་གསུམ་དུ་ཡང་ཕུན་སུམ་ཚོགས་པ་ཐམས་ཅད་དང་མཐོ་རིས་དང་།
D213.062.0156b06.01སའི་སྟེང་གི་བདེ་བ་ཐམས་ཅད་རྟག་ཏུ་ཐོབ་པར་འགྱུར་རོ། །དེ་བཞིན་གཤེགས་པའི་སྙིང་པོ་ལ་བརྙས་པའི་རྒྱུས་ནི་འགྲོ་བ་ལྔའི་གནས་ཐམས་ཅད་ན་ཡན་ལག་མ་ཚང་བར་འགྱུར་རོ། །འཁོར་བ་སྡུག་བསྔལ་བར་འཁྱམ་པ་ན་སྡུག་བསྔལ་བ་མྱོང་བར་འགྱུར་རོ། །
D213.062.0156b07.01