完整藏文原文 · 德格版页 当前仅加载第 62 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་ཐམས་ཅད་མཁྱེན་པ་ཐམས་ཅད་གཟིགས་པས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་སོར་མོའི་ཕྲེང་བས་ཇི་སྐད་ཟེར་བ་དེ་བཞིན་ཏེ། བྱང་ཆུབ་སེམས་དཔའི་སྤྱོད་པ་ནི་དེ་ལྟའོ། །འཇམ་
D213.062.0162a01.01དཔལ་སོར་མོའི་ཕྲེང་བ་འདི་ནི་ཐ་མལ་པ་མ་ཡིན་ཏེ། དེ་ལྟ་བུས་འདུལ་བའི་དབང་གིས་བྱང་ཆུབ་སེམས་དཔའ་མིའི་གླང་པོ་ཆེས་བདག་ཉིད་དེ་ལྟར་སྤྲུལ་ཏོ། །འཇམ་དཔལ་ཡུད་ཙམ་ཞིག་སྡོད་ཅིག་དང་། སོར་མོའི་ཕྲེང་བ་ཡང་ཁྱོད་དང་འདྲ་སྟེ། སོར་མོའི་ཕྲེང་བའི་བདག་
D213.062.0162a02.01ཉིད་ཆེན་པོ་ཤིན་ཏུ་རྒྱས་པར་བསྟན་གྱིས། དེའི་གཏམ་བརྗོད་པ་ལས་སོར་མོའི་ཕྲེང་བའི་ཆེ་བ་ཤེས་པར་གྱིས་ཤིག །དེ་ནས་བཅོམ་ལྡན་འདས་ཀྱིས་སོར་མོའི་ཕྲེང་བ་ལ་འདི་སྐད་ཅེས་བཀའ་སྩལ་ཏོ། །མིའི་གླང་པོ་ཆེ་སེམས་ཅན་ཐམས་ཅད་ལ་ཕན་པའི་དོན་དུ་བརྩོན་
D213.062.0162a03.01འགྲུས་བསྟན་པ་ལེགས་སོ་ལེགས་སོ། །བདག་ཉིད་མྱུར་དུ་དགྲ་བཅོམ་པ་ཐོབ་པར་གྱིས་ཤིག་དང་། དེའི་ཡོན་ཏན་འདི་འདྲའོ། །དེའི་ལས་འདི་འདྲའོ། །བརྩོན་འགྲུས་འདི་འདྲའོ་ཞེས་སེམས་ཅན་ཐམས་ཅད་ལ་ཕན་པ་དང་། བདེ་བའི་ཕྱིར་བརྗོད་པར་
D213.062.0162a04.01བྱའོ།། །།བམ་པོ་བཞི་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་ཐམས་ཅད་ལ་ཕན་པ་དང་ཐུགས་བརྩེ་བའི་སླད་དུ་དགྲ་བཅོམ་པ་རང་གི་ལུས་འདི་ཉིད་ཀྱིས་ཐོབ་པར་
D213.062.0162a05.01འཚལ་བའི་ཡོན་ཏན་འདི་འདྲ། ལས་འདི་འདྲ། བརྩོན་འགྲུས་འདི་འདྲའོ་ཞེས་སེམས་ཅན་ཐམས་ཅད་ལ་ཕན་པ་དང་བདེ་བའི་སླད་དུ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ནམ་ཕ་མ་ཕྲད་དེ། དུས་སུ་མའི་རུམ་དུ་བུ་ཆགས་མ་ཐག་ཏུ་ཕ་མ་
D213.062.0162a06.01དག་དགའ་བར་འགྱུར་རོ། །བདག་གིས་མྱོང་བའི་ཡོན་ཏན་གྱིས་ཐོབ་པས་བརྩོན་འགྲུས་དང་། གཟི་བརྗིད་གཞན་དུ་འགྱུར་རོ། །འཇིག་རྟེན་ཀྱང་འབྱོར་པ་དང་། མོད་པར་འགྱུར། འཇིག་རྟེན་ཁྲག་ཁྲུག་མེད་པར་འགྱུར། རྒྱལ་པོ་ཡང་ཤིན་ཏུ་བདེ་བར་འགྱུར།
D213.062.0162a07.01