完整藏文原文 · 德格版页 当前仅加载第 62 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ཅིག །དེ་ནས་འཇིག་རྟེན་སྐྱོང་བ་བཞིས་སྣང་བ་ཆེན་པོ་ཕྱུང་སྟེ། དེ་བཞིན་གཤེགས་པ་དང་། སོར་མོའི་ཕྲེང་བ་ལ་མཆོད་པ་ཆེན་པོ་བྱས་ནས། བཅོམ་ལྡན་འདས་དང་སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །ཀྱེ་མ་སྐྱེས་བུ་སྟག་གི་འཐབ་མོ་མཆོག །
D213.062.0145b01.01དོན་དམ་རྒལ་ཞིང་ལན་ལྡོན་ཤིན་ཏུ་མཛེས། །ཀྱེ་མ་སྟོན་པ་མི་འདུལ་ཁ་ལོ་སྒྱུར། །དེ་ཕྱིར་མཐའ་ཡས་སྟོབས་འཛིན་སངས་རྒྱས་ལགས། །ཞབས་མཆོག་པད་མ་ལྟ་བུར་མཉེན་ཞིང་འཇམ། །རྡུལ་གྱིས་མི་རེག་པ་ལ་ཕྱག་འཚལ་ཏེ། །ལན་མང་སྐྱབས་མཆིས་
D213.062.0145b02.01དེ་བཞིན་གཤེགས་པ་ལ། །གསོལ་བ་བདག་གི་ལྷུང་བཟེད་སོར་ཕྲེང་སྩོལ། །སོར་མོའི་ཕྲེང་བ་དེང་མཛེས་ཏེ། །ནམ་མཁའ་ལ་ནི་ཟླ་ལྟར་མཛེས། །སོར་ཕྲེང་ཚུལ་ཁྲིམས་ཡོན་ཏན་དང་། །བརྟུལ་ཞུགས་གཟི་བརྗིད་རྫོགས་པ་མཛེས། །དེ་ནས་སོར་མོའི་ཕྲེང་བས་
D213.062.0145b03.01འཇིག་རྟེན་སྐྱོང་བ་བཞི་ལ་སླར་སྨྲས་པ། སྦྲུལ་ལྟ་བུའི་འཇིག་རྟེན་སྐྱོང་བ་ཕྲ་མོ་ཁྱོད་སུ་དག་ཅིག །འཇིག་རྟེན་སྐྱོང་བ་འཇིག་རྟེན་སྐྱོང་བ་སྙམ་སྟེ། ང་རྒྱལ་གྱིས་ཁེངས་པས་བདག་གི་ལྷའི་ལྷུང་བཟེད་སྦྱིན་ནོ་ཞེས་ང་ལ་འདྲིད་ཅིང་། {ཡི་དགས་,ཡི་དྭགས་}ལྟར་འཇུངས་པ་དག་ཡུད་ཙམ་
D213.062.0145b04.01གཞན་གྱི་ཚེ་ངའི་ཡ་ང་བ་དག་ལྟོས་ཤིག །གྱོ་མོའི་སྣོད་ནི་སུ་ལ་ཡང་མི་དགོས་ན། འཇིག་རྟེན་གྱི་མགོན་པོ་སྙམ་དུ་སེམས་པས་བདག་གི་ལྷའི་ཁ་ཕྱིས་ང་ལ་སྦྱིན་ནམ། གང་འཇིག་རྟེན་ན་མ་རུངས་པའི་ཡ་མཚན་ཅན་རྣམས་ཐལ་བར་བྱེད་པ་ན་འཇིག་རྟེན་སྐྱོང་བ་ཞེས་
D213.062.0145b05.01གྲགས་ཏེ། །ཆོས་ཡང་དག་པར་བསྐྱང་བར་བྱའི། འཇིག་རྟེན་བསྐྱང་བར་མི་བྱའོ། །ཡང་དཔེར་ན་ལ་ལས་ཁུ་བྱུག་གི་སྒྲ་ཐོས་སམ། ཁ་དོག་ཕུན་སུམ་ཚོགས་པ་མཐོང་བ་དང་དེ་ནས་ཡུད་ཙམ་ན། བྱ་རོག་སྐད་འབྱིན་པ་མཐོང་ནས་ཁུ་བྱུག་ཁུ་བྱུག་ཅེས་ནོར་
D213.062.0145b06.01བ་དེ་བཞིན་དུ་ཁྱོད་ཀྱང་ཆོས་སུ་སེམས་ཤིང་ཆོས་མ་ཡིན་པ་སྲུང་ངོ་། །ནགས་ཁྲོད་ན་འདུག་པའི་བྱ་རོག་སྐད་འབྱིན་པ་མཐོང་ནས། ཁུ་བྱུག་སྙམ་དུ་སེམས་པ་བཞིན་དུ་འཇིག་རྟེན་སྐྱོང་བ་ཁྱེད་བཞིས་ཆོས་སྐྱོངས་ལ་འཇིག་རྟེན་མ་སྐྱོང་ཤིག །འཇིག་རྟེན་སྐྱོང་བ་
D213.062.0145b07.01