完整藏文原文 · 德格版页 当前仅加载第 62 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཅན་རྣམས་བསྡུས་ཏེ། རབ་ཏུ་སྦྱངས་པས་དམ་པའི་ཆོས་ལ་བཀོད་པས་ན། ངའི་ལུས་ཤག་ཤིག་མེད་དེ། ཤག་ཤིག་མེད་པའི་ཆོས་ཀྱི་སྐུར་གྱུར་ཏོ།། །།བམ་པོ་དྲུག་པ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་
D213.062.0185a01.01བྱེ་བ་མང་པོ་གྲངས་མེད་པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་དབུལ་པོར་གྱུར་པ་རྣམས་ཆོས་ཀྱི་ནོར་དང་གཏེར་བྱིན་པས་ན། ངའི་ལུས་ཚུལ་མེད་པ་ལས་ཚུལ་གྱི་ཆོས་ཀྱི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་
D213.062.0185a02.01པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་འདོད་པའི་དབང་དུ་གྱུར་པ་རྣམས་ཉོན་མོངས་པ་མེད་པ་ལ་བཀོད་པས་ན། ངའི་ལུས་གཙེ་བ་དང་བྲལ་ཞིང་གཙེ་བ་མེད་པའི་ཆོས་ཀྱི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་
D213.062.0185a03.01མེད་པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་ཉོན་མོངས་པ་སྤྲུགས་ཤིང་། སྦྲུལ་གདུག་པའི་དུག་མེད་པར་བྱས་པས་ན། ངའི་ལུས་ནད་འགོ་བ་མེད་ཅིང་ནད་འགོ་བ་དང་བྲལ་བའི་ཆོས་ཀྱི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་
D213.062.0185a04.01གྲངས་མེད་པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་འཇིག་རྟེན་ན་རྩ་ལག་མེད་པ་ལ་ཕ་རོལ་དུ་ཕྱིན་པའི་ཆོས་ཀྱིས་རྩ་ལག་ཏུ་བྱས་པས། ངའི་ལུས་མ་བྱས་པའི་ཆོས་གསལ་བའི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་
D213.062.0185a05.01གྲངས་མེད་པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་རྣམས་ལ། དེ་བཞིན་གཤེགས་པའི་སྙིང་པོ་ཤིན་ཏུ་རྣམ་པར་དག་པའི་ཆོས་ཀྱི་གཏམ་བསྙད་པས་ན། ངའི་ལུས་ཅི་ཡང་མེད་པའི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་
D213.062.0185a06.01མང་པོ་གྲངས་མེད་པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་རྣམས། དེ་བཞིན་གཤེགས་པའི་གསལ་བ་དང་ངོ་མཚར་ལ་བཀོད་པས་ན། ངའི་ལུས་ངོ་མཚར་གྱི་སྐུར་གྱུར་ཏོ། །ང་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་
D213.062.0185a07.01