完整藏文原文 · 德格版页 当前仅加载第 71 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་རྣམས་ན་ཡང་པད་མའི་རྫིང་བུ་རྣམས་ཀྱིས་ཉེ་བར་མཛེས་པ། འགྲམ་དུ་སྐྱེས་པའི་ལྗོན་ཤིང་རྣམས་ཀྱིས་ཀྱང་ཉེ་འཁོར་རྣམས་རབ་ཏུ་ཁྱབ་པར་གྱུར་པ་ཡང་ནགས་ཀྱི་གསེབ་རྣམས་རྣམ་པར་རྒྱུ་བར་བྱེད་པའི་རྣམ་པ་སྣ་ཚོགས་པའི་རབ་ཀྱི་ཕུལ་དུ་ཕྱིན་པ་སྒྲ་རྣམས་
D287.071.0008a01.01དང་ལྡན་པའི་བྱ་རྣམས་ཀྱིས་ཉེ་བར་མཛེས་པར་བྱས་པས་ཀྱང་མཚོ་འདི་ནི་མཛེས་པར་གྱུར་པ་ཡིན་ནོ། །མཛེས་པར་གྱུར་པ་དེ་དག་རྣམས་མངོན་སུམ་དུ་མཐོང་བར་གྱུར་ནས། གཞན་ཡང་རབ་ཏུ་ཞུགས་པར་གྱུར་པ་ན་ལྷ་གསར་དུ་སྐྱེས་པས་ནགས་དེ་ན་མཐོང་བ་རྣམས་ལ་ཨུད་པ་ལའི་
D287.071.0008a02.01ཚལ་རྣམས་ལྷའི་བུང་བས་ཉེ་བར་མཛེས་པར་གྱུར་པ་རྣམས་དང་། རིན་པོ་ཆེ་བདུན་གྱི་རང་བཞིན་གྱི་སྒྲོ་རྣམ་པར་བཀྲ་བ་ཆུ་ལ་རྒྱུ་བ་རྣམ་པ་སྣ་ཚོགས་པའི་བྱ་རྣམས་ཀྱིས་བསྟེན་པར་བྱས་པ་ལེགས་པར་རབ་ཏུ་བརྩོན་པ་རྣམས་ཀྱིས་འདམ་དང་ངེས་པར་བྲལ་བའི་ཆུ་ཡན་ལག་བདུན་གྱི་ཡོན་
D287.071.0008a03.01ཏན་ཕུན་སུམ་ཚོགས་པ་དང་། ཙཀྲ་བཱ་ཀའི་ཡོན་ཏན་ཕུན་སུམ་ཚོགས་པ་དང་། ཙཀྲ་བཱ་ཀའི་ཚོགས་རྣམས་ཟུང་དུ་གྱུར་པ་རྣམས་ཀྱིས་ཡོངས་སུ་གང་བ་དང་། ཉེ་འཁོར་ན་ཡང་ཀླུང་དུ་སྐྱེས་པར་གྱུར་པ་མཆོག་ཏུ་དྲི་ཞིམ་པ་དབྱིབས་སྣ་ཚོགས་རྣམས་སུ་སྐྱེས་པའི་འདབ་མའི་ཤིང་གིས་
D287.071.0008a04.01ཉེ་བར་མཛེས་པ་སྟེ། དེ་དག་རྣམས་ཀྱིས་ཨུད་པ་ལའི་ཚལ་འདི་དག་རྣམས་མང་པོར་ལྷང་ངེར་གྱུར་པ་ཡིན་ནོ། །གཞན་ཡང་ལྷ་གསར་དུ་སྐྱེས་པ་དེ་ནགས་དེ་ཉིད་དུ་ཞུགས་པར་གྱུར་པ་ན་ལྷ་རྫས་ཀྱི་བདུད་རྩིས་རབ་ཏུ་གང་བའི་ཆུ་བོ་ཉེ་འཁོར་ན་ལེགས་པར་འབབ་པ་མཐོང་བར་གྱུར་ཏེ།
D287.071.0008a05.01གཞན་ཡང་ཞུགས་པར་གྱུར་པ་ན་ལྷ་གསར་དུ་སྐྱེས་པས་དེ་དག་ཉིད་ལས་གཞན་པ་རྣམས་མཐོང་བ་ལ་དེ་བཞིན་དུ་རྣམ་པ་སྣ་ཚོགས་པའི་ཁ་དོག་གི་བདུད་རྩི་དེ་དག་རྣམས་འདམ་གྱིས་ཤིན་ཏུ་གཙང་བ་སྒྲ་སི་ལི་ལི་སྒྲོགས་པའི་བཏུང་བའི་ཆུ་བོ་བརྒྱ་ཕྲག་རྣམས་དང་ཅི་སྟེ་ན་སྟོང་ཕྲག་རྣམས་ཀྱང་ཉེ་འཁོར་
D287.071.0008a06.01དག་ན་རབ་ཏུ་འབབ་པ་དང་། བཏུང་བ་མྱོས་པར་འགྱུར་བ་རྣམས་ལ་ཀུན་ཏུ་ཆགས་པའི་བྱ་རྣམས་ཀྱིས་ཉེ་བར་མཛེས་པ་རྣམས་ཡིན་ནོ། །གཞན་ཡང་རབ་ཏུ་ཞུགས་པར་གྱུར་པ་ཉིད་ན་ལྷ་གསར་དུ་སྐྱེས་པ་དེ་མ་ཡིན་པ་རྣམས་རབ་ཏུ་མཐོང་བ་ནི། ཐང་ལ་སྐྱེས་པར་གྱུར་པ་རྣམ་པ་སྣ་ཚོགས་པ་
D287.071.0008a07.01