完整藏文原文 · 德格版页 当前仅加载第 71 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འབབ་ཆུ་ནས་འབབ་ཆུ་རྣམས་སུ་དང་། ཆུ་ཀླུང་དང་ཚང་ཚིང་ནས་ཆུ་ཀླུང་དང་ཚང་ཚིང་རྣམས་སུ་དང་། དཔག་བསམ་གྱི་ཤིང་གི་ནགས་ནས་དཔག་བསམ་གྱི་ཤིང་གི་ནགས་རྣམས་སུ་དང་། འཁྲི་ཤིང་གི་ཁང་པ་ནས་འཁྲི་ཤིང་གི་ཁང་པ་རྣམས་དང་།
D287.071.0084a01.01རིན་པོ་ཆེའི་ཁམས་སྣ་ཚོགས་པ་རྣམས་དང་ལྡན་པའི་རིའི་གསེབ་ནས་རིའི་གསེབ་རྣམས་སུ་རྩེད་མོ་རྩེ་བར་གྱུར་པས་ཐམས་ཅད་ཀྱང་རྔ་སྐད་ཡན་ལག་ལྔ་དང་ལྡན་ཞིང་དཔེ་མེད་པར་གྱུར་པའི་འདོད་པའི་ཡོན་ཏན་ལྔ་པོ་རྣམས་ཀྱང་རང་གི་ལས་ཀྱི་འབྲས་བུ་རྣམས་དང་འདྲ་བར་ཡང་དག་
D287.071.0084a02.01པར་ལྡན་པས་ཐམས་ཅད་ཀྱང་ཉེ་འཁོར་ཀུན་ནས་སྣང་བ་ཞེས་བྱ་བའི་རི་བོ་འདི་གང་ན་ཡོད་པ་དེར་ཉེ་བར་འགྲོ་བར་བྱེད་དོ། །གླུའི་སྒྲ་དེ་དག་ཐོས་ནས་ངོ་མཚར་བ་ཀུན་ཏུ་སྐྱེས་པའི་ཡིད་ཀྱིས་ལྷ་དེ་དག་རྣམས་མྱུར་བར་རི་བོ་དེ་གང་ན་ཡོད་པར་འཁོད་དེ། དེ་ཀུན་ཏུ་ལྟ་བ་ལ་ཆེད་ཆེར་གྱུར་
D287.071.0084a03.01པའི་ཕྱིར་རོ། །དེ་ནས་རིའི་མཆོག་དེ་ལ་འཁོད་པར་གྱུར་པའི་ལྷ་དེ་དག་རྣམས་གང་ཡིན་པ་རྣམས་ཀྱིས་ཉེ་འཁོར་རྣམས་ལས་ཀུན་ཏུ་སྣང་བར་བྱེད་པའི་རིའི་མཆོག་དེ་ལ་ལེགས་པར་གནས་ནས་ལྷ་དེ་དག་གིས་མངོན་པར་མཐོང་བར་གྱུར་ཏོ། །མཆོག་ཏུ་དགའ་བར་གྱུར་པས་
D287.071.0084a04.01སླར་ཡང་བྱ་བཞིན་དུ་ནམ་མཁའི་དཀྱིལ་དུ་འཕགས་ཏེ་རྒྱན་དང་ཆ་བྱད་དུ་མ་རྣམས་དང་། རང་གི་འོད་ཀྱིས་འབར་བར་གྱུར་པས་ཕན་ཚུན་དུ་ལྟ་བ་ལ་ཆེད་ཆེར་བྱེད་པར་འགྱུར་ཞིང་འདྲེས་པར་གྱུར་པས་དེ་དག་ཐམས་ཅད་ཀྱང་རི་བོའི་མཆོག་དེ་ན་དགའ་བར་གྱུར་པའི་ཆུ་ཀླུང་དང་འབབ་ཆུ་དང་
D287.071.0084a05.01རྫིང་བུ་དང་པད་མའི་ཚལ་དང་འཁྲི་ཤིང་གི་ཁང་པ་དང་དཔག་བསམ་གྱི་ཤིང་རྣམས་རིན་པོ་ཆེ་བདུན་རབ་ཏུ་འབར་བའི་འོད་དང་ལྡན་པ་དེ་དང་དེ་ན་ལྷ་རྣམས་ཐམས་ཅད་རཱ་ཛ་ནི་ན་རྒྱུ་བ་ན་དགའ་བར་བྱེད་པ་དང་རྩེ་བར་བྱེད་དེ། ཁ་ཅིག་ནི་པད་མའི་ཚལ་དུའོ། །ཁ་ཅིག་ནི་ཆུ་ཀླུང་དང་ཚང་ཚིང་
D287.071.0084a06.01དུའོ། །ཁ་ཅིག་ནི་ཨུད་པ་ལའི་ཚལ་དུའོ། །ཁ་ཅིག་ནི་དཔག་བསམ་གྱི་ཤིང་གི་ནགས་སུའོ། །ཁ་ཅིག་ནི་རིའི་ཁོང་པ་ནའོ། །ཁ་ཅིག་ནི་ནམ་མཁའི་དཀྱིལ་དུ་ཀུན་ནས་འཕགས་ནས་གང་ན་ལྷ་གཞན་རྣམས་ཡོད་པ་དེར་འགྲོ་བར་བྱེད་དོ། །ཁ་ཅིག་ནི་གླུ་མཁན་དང་བཅས་
D287.071.0084a07.01