完整藏文原文 · 德格版页 当前仅加载第 71 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གནས་པ་ལ་མངོན་པར་དགའ་བས་སོ། །དོན་མེད་པར་སྨྲ་བ་ནི་ངག་ཡང་དག་པར་བསྡམས་པས་སོ། །རྩབ་ཧྲལ་ཉིད་ནི་བརྟན་པས་སོ། །དབུལ་པོ་རྣམས་ཀྱང་སྦྱིན་པས་སོ། །མི་ཤེས་པ་ནི་ཤེས་པས་སོ། །ཆོས་བཅུ་གཅིག་པོ་དེ་དག་རྣམས་ནི་ཀུན་ནས་ཉོན་མོངས་
D287.071.0016b01.01པ་རྣམས་ཀྱི་དྲི་མ་དང་ཀུན་ནས་ཉོན་མོངས་པ་ཅན་གྱི་འཆིང་བར་གྱུར་པ་བག་མེད་པར་གྱུར་པའི་ལྗོན་ཤིང་རྣམས་ཀྱི་ཡལ་ག་རྒྱས་པར་གྱུར་པ་ཡིན་པས་བདུད་ཀྱི་ཡུལ་ལས་འདའ་བར་འདོད་པ་རྣམས་དང་འཁོར་བའི་འཇིགས་པས་སྐྲག་པ་རྣམས་དང་བག་མེད་པ་ཕམ་པར་བྱ་འདོད་པ་
D287.071.0016b02.01རྣམས་ཀྱིས་སྤང་བར་བྱའོ། །འཁོར་བ་རྣམས་ཐམས་ཅད་ནི་བག་མེད་པའི་རྩ་བ་ལས་ཡིན་ནོ། །བག་ཡོད་པའི་རྩ་བ་ལས་ནི་ཐར་པ་ཡིན་ནོ། །འཁོར་བ་ལས་འབྲོས་པར་འདོད་པ་རྣམས་ཐམས་ཅད་ལ་འདི་ཉིད་བཅོམ་ལྡན་འདས་ཀྱིས་གསུངས་པ་ཡིན་ནོ། །དེ་ལ་འདུལ་བ་
D287.071.0016b03.01ལ་མངོན་པར་དགའ་བ་རྣམས་དང་། འདུལ་བ་འདོད་པ་རྣམས་དང་། སེམས་ཅན་རྣམས་ཐམས་ཅད་སྡུག་པ་དང་འཐུན་པ་དང་ཡིད་དུ་འོང་བར་གྱུར་པ་དེ་དག་རྣམས་ཐམས་ཅད་ཀྱིས་ཀྱང་ཞེ་ལྡོག་པར་ལྟ་བའི་ཆོས་རྒོད་པ་ཞེས་བྱ་བ་གང་དག་ཞེ་ན། འདུལ་བ་ལ་མངོན་པར་དགའ་བ་དེ་དག་
D287.071.0016b04.01དང་དེ་དག་རྣམས་ཀྱིས་ཀྱང་སྡིག་པའི་ཆོས་འདི་དག་རབ་ཏུ་སྤང་བར་བྱའོ། །དེ་ལ་རྒོད་པ་ཡང་རྣམ་པ་ལྔ་ཡིན་ནོ། །འདི་ལྟ་སྟེ་གྲོང་དང་གྲོང་ཁྱེར་དུ་འཇུག་པ་རྣམས་ལ་མགྱོགས་པར་ལམ་དུ་འགྲོ་བ་དང་། འགྲོ་བར་བྱེད་པ་ན་ཡང་ཀུན་ནས་མ་བསྡམས་པ་དང་། ཁ་ཅིག་ནི་ལམ་
D287.071.0016b05.01དུ་འགྲོ་བ་ན་གོས་ཚགས་ལྷོད་པ་དང་། ཁ་ཅིག་ནི་ལམ་ན་གོས་རྣམ་པར་འཕྱར་བར་བྱེད་པ་དང་། འཁྲུལ་པ་ཡང་དང་ཡང་དུ་འབྱུང་བའམ་སེམས་མཉམ་པར་མ་བཞག་པའོ། །རྣམ་པ་དེ་ལྟ་བུ་དེ་དག་རྣམས་གཞན་གྱིས་མཐོང་བར་གྱུར་ན། དེ་མ་ཐག་ཏུ་རྣམ་པར་སྡང་བར་
D287.071.0016b06.01འགྱུར་རོ། །དེ་ལྟར་འགྲོ་བར་བྱེད་པ་རྣམས་ཀྱི་ཀུན་ནས་མ་བསྡམས་པའི་འགྲོས་འདི་ཡང་གང་ལས་ཡིན་ན། ཆུང་དུ་ན་འདི་ནི་རྒྱགས་པའམ་ཡིད་ལ་བྱེད་པ་དང་བྲལ་བ་ཡིན་ཏེ། །དེ་བཞིན་དུ་རྒོད་པ་རྣམས་ནི་རྣམ་པ་དུ་མ་ལས་ཡིན་ནོ། །དེ་དག་རྣམས་ཀྱང་ཀུན་ནས་བསྡམས་པའི་
D287.071.0016b07.01