完整藏文原文 · 德格版页 当前仅加载第 71 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
སྲིན་བུ་ཡང་ཕྱི་རོལ་དུ་རྒྱུ་བར་གྱུར་པར་རབ་ཏུ་འབྱུང་བར་འགྱུར་རོ། །བདག་གི་ཡན་ལག་དང་ཉིང་ལག་རྣམས་ཐམས་ཅད་ཀྱི་སྤུ་རྣམས་ཉིལ་བར་འགྱུར་རོ། །སྐྱེ་བོ་རྣམས་ཐམས་ཅད་ཀྱང་བདག་ལ་སྐྱུག་ལྡོག་པར་འགྱུར་རོ། །སྦྱིན་པ་པོ་དང་སྦྱིན་བདག་གི་ཁྱིམ་དུ་ཡང་བདག་སྨོད་པར་
D287.071.0145b01.01བྱ་བའི་གནས་སུ་འགྱུར་རོ། །སྦྲང་བུ་རྣམས་ཀྱང་བདག་གི་ལུས་ལ་རྟག་ཏུ་རྒྱུག་པར་འགྱུར་རོ། །ཆོས་གོས་ཀྱང་བདག་གི་ལུས་ལ་མི་བཟོད་དོ། །བདག་གི་སེན་མོ་རྣམས་ཀྱང་རྣམ་པར་ཉིལ་བར་འགྱུར་རོ། །བདག་ཉལ་བར་གྱུར་པ་ན་ཡང་ངར་ངར་པོའི་དབུགས་རྣམས་ཀུན་དུ་
D287.071.0145b02.01འབྱུང་ངོ་། །བདག་སྡུག་བསྔལ་བར་གྱུར་པས་ཀྱང་ཟས་ལ་སྲེད་པར་འགྱུར་རོ། །འོན་ཀྱང་འཇུ་བ་མ་ཡིན་ནོ། །བདག་གིས་བཏུང་བ་རྣམས་འཐུངས་པས་ཀྱང་ཁྱད་པར་དུ་ཚད་པ་སྐྱེད་པར་བྱེད་དོ། །བདག་གི་ལྕེ་ཡང་རྣམ་པར་འགྱུར་བ་སྐྱེད་དོ། །དེ་ལྟར་ཡན་ལག་དང་ཉིང་ལག་རྣམས་
D287.071.0145b03.01ཐམས་ཅད་ལ་གྲང་བར་བྱེད་པའི་རླུང་དག་གིས་དམན་པར་གྱུར་པས་ལུས་རྣམས་འཛག་པར་འགྱུར་རོ། །གལ་ཏེ་ཡང་བདག་གི་ཡན་ལག་དང་ཉིང་ལག་རྣམས་ཐམས་ཅད་ལ་གྲང་བར་བྱེད་པའི་རླུང་རབ་ཏུ་རྒྱས་པར་མ་གྱུར་ན་ནི་གྲང་བ་མ་ཡིན་པའི་རླུང་དེས་ལུས་མདོག་བཟང་བ་དང་། མཁྲེགས་
D287.071.0145b04.01པ་དང་། འཇམ་ཞིང་སྣུམ་བག་ཅན་དང་། དཀར་བ་དང་། མཉེན་པ་དང་། སྐྱེ་བོ་རྣམས་ཐམས་ཅད་དགའ་བར་འགྱུར་རོ། །རྔུལ་བ་རྣམས་ཐམས་ཅད་ནི་དྲོ་བར་འགྱུར་བ་ལ་རིགས་པས་ཡན་ལག་དང་ཉིང་ལག་རྣམས་ཐམས་ཅད་དང་། བ་སྤུའི་ཁུང་བུ་རྣམས་ནས་འབྱུང་བར་འགྱུར་རོ། །
D287.071.0145b05.01ཇི་སྐད་དུ་བཤད་པར་གྱུར་པའི་ནད་རྣམས་ཀྱང་རབ་ཏུ་འབྱུང་བར་མི་འགྱུར་རོ། །དེས་ཡན་ལག་དང་ཉིང་ལག་རྣམས་ཐམས་ཅད་ལ་གྲང་བར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ལུས་ཡང་དག་པ་ཇི་ལྟ་བ་བཞིན་དུ་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་
D287.071.0145b06.01བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་གིས་ལུས་ལ་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། བརྟན་པ་འཇིག་པར་བྱེད་པ་ཞེས་བྱ་བའི་རླུང་ལུས་ལ་འཁྲུགས་པར་
D287.071.0145b07.01