完整藏文原文 · 德格版页 当前仅加载第 71 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །ཐེག་པ་ཆེན་པོ་ལ་རབ་ཏུ་གནས་པའི་དགེ་སྦྱོང་ངམ་བྲམ་ཟེ་ལ་ཡང་ཇི་ལྟར་གཅེས་པར་བྱ་བར་གྱུར་པའི་ཆོས་གཞན་དེ་ཡང་གང་ཞེ་ན། འདི་ལྟ་སྟེ། ལས་ལ་དད་པ་དང་ལྡན་པའོ། །ལས་དང་འབྲས་བུ་ལ་དད་པ་དང་ལྡན་པ་ཞེས་བྱ་བའི་ཆོས་ནི་ཆེན་པོར་གྱུར་པ་ཡིན་
D287.071.0056b01.01ནོ། །གང་ཡང་དགེ་སྦྱོང་ངམ་བྲམ་ཟེའམ་དེ་དག་དང་མཚུངས་པར་གྱུར་པ་རྣམས་ཀྱང་རུང་སྟེ། ལས་དང་འབྲས་བུ་ལ་དད་པ་དང་ལྡན་པར་གྱུར་པའི་ཡིད་ཅན་དེས་ནི་ལུས་ཀྱི་ཉེས་པ་སྤྱོད་པར་བྱེད་པ་ན་ཤེས་པར་བྱེད་དེ་ཇི་ལྟར། ལུས་ཀྱི་ཉེས་པར་སྤྱད་པ་འདི་བསྟེན་ཅིང་
D287.071.0056b02.01བསྒོམས་ལ་ལན་མང་དུ་བྱས་པས་ནི། མི་འདོད་པ་མི་སྡུག་པ་ཡིད་དུ་མི་འོང་བའི་རྣམ་པར་སྨིན་པ་རྣམས་བདག་ལ་འབྱུང་བར་འགྱུར་བ་ཡིན་ཏེ། དམྱལ་བ་དང་{ཡི་དགས་,ཡི་དྭགས་}དང་དུད་འགྲོའི་འགྲོ་བའི་ཡུལ་རྣམས་ལ་འབྲས་བུ་མི་འདོད་པ་མི་སྡུག་པ་ཡིད་དུ་མི་འོང་བའི་
D287.071.0056b03.01སྡུག་བསྔལ་རྣམས་སོ་སོར་མྱོང་བར་འགྱུར་ཏ་རེ། དེ་བཞིན་དུ་རང་ཉིད་ངག་གི་ཉེས་པར་སྤྱོད་པ་རྣམས་སྤྱོད་པ་ན་ཡང་འདི་ལྟར་ཡིད་ལ་བྱེད་དོ། །ཇི་ལྟར་བདག་གི་ངག་གི་ཉེས་པར་སྤྱོད་པ་འདི་ཉིད་བསྟེན་ཅིང་བསྒོམས་ལ་ལན་མང་དུ་བྱས་པས་ནི། མི་འདོད་པ་མི་སྡུག་པ་
D287.071.0056b04.01ཡིད་དུ་མི་འོང་བའི་འབྲས་བུ་རྣམ་པར་སྨིན་པ་འབྱུང་བར་འགྱུར་ཏེ། དམྱལ་བ་དང་{ཡི་དགས་,ཡི་དྭགས་}དང་དུད་འགྲོའི་འགྲོ་བ་རྣམས་སུ་མི་དགེ་བའི་ལས་ཀྱིས་སྐྱེ་བ་རབ་ཏུ་མྱོང་བར་འགྱུར་རོ། །དེ་བཞིན་དུ་ཡིད་ཀྱིས་ཉེས་པར་སྤྱོད་པ་ཡང་བྱེད་པ་དང་བསྟེན་ཅིང་བསྒོམས་ལ་ལན་མང་དུ་བྱས་
D287.071.0056b05.01པར་གྱུར་པས་ནི། མི་སྡུག་ཅིང་ཡིད་དུ་མི་འོང་ལ་མི་འདོད་པ་མི་སྡུག་པ་ཡིད་དུ་མི་འོང་པའི་འབྲས་བུ་དམྱལ་བ་དང་{ཡི་དགས་,ཡི་དྭགས་}དང་དུད་འགྲོའི་ཡུལ་རྣམས་སུ་འབྱུང་བར་འགྱུར་ཏེ། དགེ་སྦྱོང་ངམ་བྲམ་ཟེའམ་དེ་དག་དང་མཚུངས་པར་གྱུར་པ་གཞན་རྣམས་སམ། གང་ཡང་
D287.071.0056b06.01དེ་དག་དང་འདྲ་བར་གྱུར་པ་རྣམས་ཀྱིས་གང་སྔོན་གྱི་དུས་ན་སྡིག་པའི་ལས་བྱས་པར་གྱུར་པ་རྣམས་དྲན་པར་བྱས་ནས་བཤགས་པར་བྱེད་དོ། །འགྱོད་པར་ཡང་བྱེད་དོ། །སངས་རྒྱས་ལ་རྗེས་སུ་སྟེན་པར་བྱེད་དོ། །ཇི་ལྟར་བདག་ཅག་གི་ལས་ཀྱི་འབྲས་བུ་ཉེས་པར་བྱས་པ་
D287.071.0056b07.01