完整藏文原文 · 德格版页 当前仅加载第 71 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས། །ཡུལ་རྣམས་ཀྱིས་ནི་འཕེལ་བར་བྱེད། །སྐྱེས་བུ་མྱུར་དུ་གཞོམ་པ་ནི། །དམྱལ་དང་{ཡི་དགས་,ཡི་དྭགས་}རིགས་རྣམས་ལ། །སྡུག་བསྔལ་ལ་སོགས་བདེན་པ་ཡང་། །གང་ཚེ་ཤེས་པས་རྟོགས་པ་ཡི། །དེ་ཚེ་སྐྱེས་བུ་བླ་མེད་ཀྱིས། །བདེ་ལེགས་ཤིས་
D287.071.0069a01.01པའི་གནས་ཐོབ་འགྱུར། །སྐྱོན་རྣམས་རྩད་ནས་གདོན་པ་དང་། །ཡོན་ཏན་སྤེལ་ལ་ཀུན་ཏུ་སྤྱོད། །སྡིག་པའི་གྲོགས་པོ་མི་བྱ་ཞིང་། །ལེ་ལོ་ཅན་ཁ་ཕྱིར་ཕྱོགས་(གྱིས་,ཀྱིས་)། །བརྩོན་འགྲུས་བརྩམས་ཤིང་དྲན་དང་ལྡན། །དགེ་སྦྱོང་ཤེས་རབ་དཔུང་གཉེན་ཅན། །རྒ་དང་འཆི་
D287.071.0069a02.01བ་སྤངས་པ་ཡི། །བླ་ན་མེད་པའི་གནས་སུ་འགྲོ། །དབང་པོ་དང་ནི་དབང་དོན་ཡང་། །གང་ཚེ་དེ་ཉིད་ཁོ་ན་རིག །དེ་ཚེ་ཤེས་རབ་ལ་བརྟེན་ནས། །སྲིད་པའི་རྒྱ་མཚོ་ལས་རྒལ་ལོ། །ང་རྒྱལ་ཅན་དང་ལེ་ལོ་ཅན། །ཐམས་ཅད་ལ་ནི་རྟག་དོགས་ཅན། །ཁེངས་དང་སྡིག་བློ་ཅན་
D287.071.0069a03.01རྣམས་ནི། །མཁས་པས་གྲོགས་པོ་བྱ་བ་མིན། །ཤིན་ཏུ་བརྩོན་ལྡན་རང་བཞིན་འཇམ། །ཆོས་ལ་གནས་དང་སྐྱོན་སྤངས་པ། །ཡང་དག་ལྟ་དང་རྩབ་ཧྲལ་མེད། །གྲོགས་པོར་བསྟེན་གྱིས་མཛེས་པ་ཡིན། །སྡིག་ཅན་གྲོགས་པོའི་སྣོད་མ་ཡིན། །སྣོད་ནི་བླ་མེད་སྐྱེས་བུ་ཡིན། །
D287.071.0069a04.01བླ་མེད་སྣོད་དུ་བྱས་པ་ན། །སྐྱོན་རྣམས་ཀྱིས་ནི་འཇིགས་པ་མེད། །སྐད་ཅིག་ཐང་ཅིག་ཡུད་ཙམ་དང་། །ཉིན་དང་མཚན་མོ་དེ་བཞིན་དུས། །འཆི་བ་སོམས་དང་བརྟན་པ་རྣམས། །དེ་ལས་བཟློག་ཐབས་མེད་པ་ཡིན། །གང་འདི་འཆི་བ་འབྱུང་བ་ནི། །དྲན་པའི་མཆོག་ཏུ་རབ་
D287.071.0069a05.01ཏུ་བསྔགས། །དེ་བསྟེན་པ་ནི་ཞི་བའི་མཆོག །རྙོག་དང་བྲལ་བར་འགྲོ་བ་ཡིན། །འཆི་བདག་འཇིགས་པ་དྲན་ནས་ནི། །སྐྱོན་ལ་ཇི་ལྟར་ཡིད་རྒྱུག་འགྱུར། །སྐྱོན་མེད་པས་ཀྱང་དྲི་མ་རྣམས། །ཐམས་ཅད་རྟག་ཏུ་ཞི་བར་འགྱུར། །བག་ཡོད་གོ་འཕང་འདི་མཆོག་ཏུ། །
D287.071.0069a06.01དེ་བཞིན་གཤེགས་པ་རྣམས་ཀྱིས་གསུངས། །གང་ཡང་འཆི་བདག་རྟག་དྲན་དང་། །མི་དགེ་རྣམས་ཀྱང་སྤང་བར་གྱིས། །ཞེས་བྱའོ། །དེ་ལྟར་རྨ་བྱ་རྣམས་ཀྱི་མངའ་བདག་དེས་དགའ་ལྡན་གྱི་ལྷ་དེ་དག་རྣམས་དང་འཐབ་བྲལ་བ་དེ་དག་རྣམས་ལ་ཆོས་སྟོན་པར་བྱེད་དོ། །ཆོས་
D287.071.0069a07.01