完整藏文原文 · 德格版页 当前仅加载第 71 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་སོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། ཟས་ཆེན་པོ་ཞེས་བྱ་བའི་སྲིན་ལུས་ལ་གནས་ཏེ་དེས་ལུས་རང་བཞིན་དུ་གནས་པའམ། རང་
D287.071.0128b01.01བཞིན་དུ་མི་གནས་པ་ཅི་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བ་ནི་ཟས་ཆེན་པོ་ཞེས་བྱ་བའི་སྲིན་ཟས་ཀྱི་སྐྱོན་གྱིས་གལ་ཏེ་ཁྲོས་པར་གྱུར་ན་དེ་ངའི་མཁྲིས་པའི་ནང་ན་གནས་པས་ཟས་ཟོས་པ་དང་དེ་ལྟར་ཚ་བ་སྐྱེད་པར་བྱེད་དོ། །དེ་ཆེན་པོར་གྱུར་པས་
D287.071.0128b02.01བདག་གི་ལུས་རླན་པར་འགྱུར་ཞིང་ཞིམ་པར་གྱུར་ནས་ཡན་ལག་དང་ཉིང་ལག་རྣམས་ཐམས་ཅད་དང་། མིག་དང་། རྣ་བ་དང་། སྣ་དང་། བདག་གི་ལྕེའི་དབང་པོ་རྣམས་ཀྱང་ཉམས་པར་འགྱུར་རོ། །རང་དང་རང་གི་ཡུལ་རྣམས་ལ་ཡང་ལྟ་བར་མི་ནུས་པར་འགྱུར་བ་དང་། ཟས་ཀྱི་སྐྱོན་གྱིས་
D287.071.0128b03.01བདག་གི་དབང་པོ་ལྔ་པོ་རྣམས་ལམ་ངན་པ་ལ་རབ་ཏུ་གནས་པར་ཡང་འགྱུར་རོ། །དེས་ཟས་ཆེན་པོའི་སྲིན་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་འགྱུར་རོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་
D287.071.0128b04.01གནས་པ་ན། དེས་ཐོས་པ་ལས་བྱུང་བའི་ཤེས་རབ་དག་གིས་སམ་ལྷའི་མིག་གིས་མཐོང་བར་གྱུར་པ། དྲོ་བ་ལས་རྒྱུ་བ་ཞེས་བྱ་བའི་སྲིན་ནི་རྟག་ཏུ་ཟས་དྲོ་བ་ལ་དགའ་བར་གྱུར་པ། ཟས་གྲང་བ་རྣམས་ལ་རབ་ཏུ་སྡང་བ་ཡིན་ནོ། །དེས་བདག་ལ་རང་བཞིན་དུ་གནས་པའམ་རང་
D287.071.0128b05.01བཞིན་དུ་མི་གནས་པ་ཅི་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། གལ་ཏེ་བདག་ཟས་སུ་གྱུར་པ་དག་གམ་བཟའ་བ་དང་། བཏུང་བ་དང་། བཅའ་བ་དང་། མྱང་བ་ཡང་རུང་སྟེ་གྲང་མོ་དག་ཟ་བར་གྱུར་ན་དེ་ང་ལ་
D287.071.0128b06.01ཁྲོས་པར་གྱུར་ནས་ངའི་ཁ་ལ་ལྡག་པར་བྱེད་པའམ། ལུས་རླན་པའམ། ལྕི་བའམ། ཉམ་ཆུང་བའམ། འགག་པའམ། སྙིང་ལ་ཡང་ལྡག་པའམ། ལུས་ཐམས་ཅད་ཀྱི་སྐྱོན་དུ་གྱུར་པ་སྟེ། དེས་ལུད་པ་དམར་པོར་བྱེད་པའམ། མགྲིན་པ་ལ་ལྡག་པར་ཡང་བྱེད་དོ། །
D287.071.0128b07.01