完整藏文原文 · 德格版页 当前仅加载第 71 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པའི་རླུང་གིས་འཇོམས་པར་བྱེད་དོ། །ཨོའུ་ཊྷིང་ཀའི་སྲིན་རྣམས་ནི་གཞང་ལ་རྒྱུ་བའི་རླུང་གིས་འཇོམས་པར་བྱེད་དོ། །ཀུན་དུ་རྟོགས་པས་དགའ་བའི་སྲིན་རྣམས་ནི་དྲན་པ་ཀུན་ནས་སུན་འདོན་པའི་རླུང་གིས་འཇོམས་པར་བྱེད་དོ། །གཞན་ཡང་རྣལ་
D287.071.0169a01.01འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། རྟག་པར་ཀུན་དུ་མཐོང་བ་མ་ཡིན། གཙང་མར་མཐོང་བ་མ་ཡིན། བདག་ཏུ་མཐོང་བ་མ་ཡིན་ནོ། །སྔོན་གྱི་སྲིན་གཅིག་ནི་མཁལ་མ་སུན་འདོན་པར་བྱེད་པའི་རླུང་གིས་འཇོམས་པར་བྱེད་དོ། །སྲིན་
D287.071.0169a02.01འདི་དག་རྣམས་ནི་འཆི་བའི་དུས་དང་འཆི་བའི་དུས་སུ་རླུང་རྣམས་ཀྱིས་འཇོམས་པར་བྱེད་དོ། །དེ་དེ་ལྟར་ན་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པར་བྱེད་པ་ཡིན་ཏེ། དགེ་སློང་གིས་ཐོག་མ་མེད་པའི་དུས་ནས་རབ་ཏུ་བཞུགས་པར་གྱུར་པའི་མུན་པ་རྣམས་ལྷག་མ་
D287.071.0169a03.01ལུས་པ་མེད་པར་འཇོམས་པར་འགྱུར་རོ། །ཟག་པ་མེད་པ་ཤིན་ཏུ་མཐར་ཐུག་པར་གྱུར་པ་གཞན་རྣམས་དང་མི་འདྲ་བར་གྱུར་པ་འཇིག་རྟེན་ལས་འདས་པའི་སྣང་བ་རྣམས་ཀྱང་འདི་ལ་རབ་ཏུ་འབྱུང་བར་འགྱུར་རོ། །རྗེས་སུ་དྲན་པ་རྣམས་ཀྱང་རྣམ་པ་བདུན་དུ་གྱུར་པ་ལས་འཆི་བ་རྗེས་
D287.071.0169a04.01སུ་དྲན་པ་ནི་མཆོག་ཏུ་བསྟན་པ་ཡིན་ནོ། །འདི་ལྟ་སྟེ། སངས་རྒྱས་རྗེས་སུ་དྲན་པ་དང་། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ལྷ་རྗེས་སུ་དྲན་པ་དང་། མི་རྟག་པ་རྗེས་སུ་དྲན་པའོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་
D287.071.0169a05.01ལུས་ཀྱི་རྗེས་སུ་ལྟ་ཞིང་གནས་ཏེ། ཆོས་རྣམས་ཐམས་ཅད་ལ་རྒུད་པ་འབྱུང་བར་བྱེད་པའི་འཆི་བ་རྣམ་པ་དུ་ཞིག་ཡོད་ཅེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། འཆི་བ་ནི་རྣམ་པ་བཞི་ཡིན་ནོ། །འདི་ལྟ་སྟེ། སའི་ཁམས་མ་
D287.071.0169a06.01སྙོམས་པས་བསྐྱེད་པ་དང་། ཆུའི་ཁམས་མ་སྙོམས་པས་བསྐྱེད་པ་དང་། མེའི་ཁམས་མ་སྙོམས་པས་བསྐྱེད་པ་དང་། རླུང་གི་ཁམས་མ་སྙོམས་པས་བསྐྱེད་པའོ། །དེ་ལ་ཇི་ལྟར་ན་སའི་ཁམས་མ་སྙོམས་པས་བསྐྱེད་པའི་འཆི་བས་འཆི་བར་འགྱུར་བ་ཡིན་ཞེ་ན། གང་
D287.071.0169a07.01