完整藏文原文 · 德格版页 当前仅加载第 71 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོའི་རིགས་གཞན་དག་ཡོད་དམ་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། ཆུ་ནག་པོ་ཞེས་བྱ་བའི་རྒྱ་མཚོ་ཆེན་པོ་དཔག་ཚད་སྟོང་ཕྲག་བཅུར་གྱུར་པ། གང་ལ་ལྷ་མ་ཡིན་རྣམས་ཀླུའི་བུ་མོ་དང་ལྷན་ཅིག་ཏུ་རྩེ་
D287.071.0179a01.01བར་བྱེད་པ་ཡིན་ནོ། །རྒྱ་མཚོ་འདིའི་ཀླུ་རྣམས་ཀྱང་མཐོང་ན་འཇིགས་སུ་རུང་བ་ཡིན་ནོ། །དེ་ལ་ཡང་གྲིབ་མའི་རྩེ་ལ་འབྱུང་བ་ཞེས་བྱ་བའི་སྲིན་མོས་ལྷ་མ་ཡིན་སྟོབས་དམན་པར་རྒྱུ་བར་བྱེད་པ་གང་དག་བཟུང་ནས་རྒྱ་མཚོར་འཕེན་པར་བྱེད་དོ། །ཆུ་ནག་པོ་ཆེན་པོ་དེའི་ཆུའི་ནང་
D287.071.0179a02.01རྣམས་ནི་རི་ཡིས་གང་བར་གྱུར་པ་སྤྲིན་ནག་པོ་ཆེན་པོ་དང་མཚུངས་པར་གྱུར་པ། ལྟོ་འཕྱེ་ཆེན་པོ་རྣམས་ཀྱིས་ཆེས་གང་བར་གྱུར་པ་རྣམས་ཀུན་དུ་མཐོང་བར་གྱུར་ནས་རྣལ་འབྱོར་སྤྱོད་པས་ཡང་དག་པ་ཇི་ལྟ་བ་བཞིན་ཕྱི་རོལ་རྣམས་ལ་རྣམ་པར་ལྟ་བར་བྱེད་དོ། །རྣལ་འབྱོར་སྤྱོད་པ་པས་
D287.071.0179a03.01ཆུ་ནག་པོ་དེ་ལས་ཡང་དག་པར་འདས་ནས་འདི་དག་ལས་ཕ་རོལ་ན་རིའི་རིགས་སུ་གྱུར་པའམ། རྒྱ་མཚོའི་རིགས་སུ་གྱུར་པ་ཡོད་དམ་ཞེས་ལྟ་བར་བྱེད་དོ། །དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། རིན་པོ་ཆེ་རྣམས་ཀྱིས་ཀུན་ཏུ་གང་
D287.071.0179a04.01བ་ཞེས་བྱ་བ་དང་གཞན་ནི་དམར་པོ་ཞེས་བྱ་བ་སྟེ། རྒྱ་མཚོ་དེ་དག་ན་ནི་འཛམ་བུ་ཞེས་བྱ་བ་འདིའི་ཤིང་རྣམས་ལས་ལྷག་པ་དཔག་ཚད་དགུ་བཅུའི་ཚད་དུ་གྱུར་པའོ། །དེ་ལ་ནི་རྡོ་རྗེའི་མཆུ་དང་ལྡན་པའི་བྱའི་རྒྱལ་པོ་ནམ་མཁའ་ལྡིང་འདི་གནས་པ་ཡིན་ནོ། །ལྗོན་ཤིང་དེ་ལས་ཉུང་བར་
D287.071.0179a05.01གྱུར་ན་ནི་དཔག་ཚད་བརྒྱ་ན་ཆུ་སྔོན་པོ་ཞེས་བྱ་བའི་རྒྱ་མཚོ་ཡོད་དོ། །དེ་ལ་རྒྱང་གྲགས་ཀྱི་ཚད་ཙམ་གྱི་སྲིན་མོ་མན་དེ་ཧ་ཞེས་བྱ་བ་ཡོད་དོ། །དེ་ནི་ཆུའི་ནང་གི་རིའི་མཆོག་རྣམས་ལ་རྒྱུ་བར་བྱེད་པ་ཡིན་ཏེ། རྒྱ་མཚོའི་ཆུའི་ནང་གང་དག་ན་རི་བོ་རྣམས་ཡོད་པར་གྱུར་པ་དེ་དག་རྣམས་ལ་
D287.071.0179a06.01རྣམ་པར་རྒྱུ་བར་བྱེད་དོ། །དེ་དག་ལས་འདས་པར་གྱུར་ནས་རིའི་རིགས་སུ་གྱུར་པའམ་ཆུ་ཀླུང་གི་རིགས་སུ་གྱུར་པ་གཞན་དག་རྒྱ་མཚོ་ན་ཡོད་དམ་ཞེས་རྣལ་འབྱོར་སྤྱོད་པ་པ་ཡུལ་རྣམས་ལ་ལྟ་བར་བྱེད་དོ། །དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་
D287.071.0179a07.01