完整藏文原文 · 德格版页 当前仅加载第 71 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡོད་དེ། དེ་ལ་རྣམ་པ་སྣ་ཚོགས་པའི་བྱ་རྣམས་དང་། ནགས་དང་ཉེ་བའི་ནགས་རྣམས་ཀྱང་ཡོད་དེ་ཤིན་ཏུ་དགའ་བ་ཡིན་ནོ། །གླིང་དེ་ན་ཡང་རིག་པ་འཛིན་པ་རྣམས་ཀུན་དུ་དགའ་བར་བྱེད་དེ། བ་རི་ཏ་བཊྚ་ནང་ཞེས་བྱ་བའི་རིག་པ་འཛིན་པ་གནས་པ་ཡིན་ནོ། །རལ་
D287.071.0186a01.01པ་ཅན་གྱི་དབྱིབས་ཞེས་བྱ་བའི་གནས་གཉིས་པ་ཤིན་ཏུ་དགའ་བ་དང་དགའ་བར་གྱུར་པའི་ཡུལ་ཕྱོགས་ཡིན་ཏེ། ཀཱ་ལ་ཀེའི་གླིང་དེ་ན་ནི་ཁང་{བཟངས་,བཟང་}དང་ཁྱིམ་དང་། འབབ་ཆུ་རབ་ཏུ་ཕལ་ཆེ་བ་ཡིན་ནོ། །གླིང་དེའི་ཕ་རོལ་ན་ནི་སིནྡྷུ་དང་རྒྱ་མཚོ་གཉིས་འདྲེ་བ་ཞེས་བྱ་བའི་ཡུལ་ཕྱོགས་ཡོད་དེ།
D287.071.0186a02.01སིདྡྷི་དང་རྒྱ་མཚོ་གཉིས་ཀྱི་བར་ན་སུ་ཁ་ན་ཞེས་བྱ་བའི་རི་ཆུའི་ནང་ན་གནས་པ་ཡིན་ནོ། །དེ་ལ་པྲ་བ་ཌ་སྐྱེ་བ་ཡིན་ཏེ། བྱི་རུའི་ལྗོན་པ་བསྡོམས་པས་ཚོང་པ་དག་རྒྱགས་པར་འགྱུར་རོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། དེ་ནུབ་ཕྱོགས་ཀྱི་རྒྱ་མཚོ་
D287.071.0186a03.01ལ་རབ་ཏུ་ཞུགས་པར་གྱུར་པ་ན། རི་དང་། གླིང་དང་། སྲིན་མོ་ཡང་མིང་ཇི་སྐད་བྱ་བ་ཡིན་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། རྒྱ་མཚོ་དང་རི་ཡང་དཔག་ཚད་ལྔ་སྟོང་དུ་དུང་དང་ཆུ་སྲིན་དང་། ཉ་དང་། ཉ་ཆེན་པོས་ཀུན་དུ་གང་བར་གྱུར་
D287.071.0186a04.01པ་སྟེ། ཐམས་ཅད་དུ་ཡང་རླུང་གིས་རྣམ་པར་གཡེངས་པར་བྱེད་དོ། །རླུང་དེའི་མཐུས་ཀྱང་ཉ་རྣམས་སྟེང་དང་འོག་ཏུ་བྱེད་པར་འགྱུར་རོ། །རྒྱ་མཚོ་དེ་ལས་འདས་པར་གྱུར་ནས་ཀྱང་རྣལ་འབྱོར་སྤྱོད་པས་མཐོང་བར་གྱུར་པ་ནི་གླིང་ཉེ་འཁོར་ཀུན་ཏུ་དགའ་བར་གྱུར་པ། སེང་གེས་ཀུན་ནས་གང་བ་
D287.071.0186a05.01ཞེས་བྱ་བ་སྟེ། དེ་ལ་ནི་གཅན་གཟན་ནམ་མཁའ་ལ་རྒྱུ་བ་རྣམས་ཡོད་དོ། །ལུས་ནི་ཉེ་འཁོར་དུ་རྒྱང་གྲགས་ཀྱི་ཚད་ཙམ་ཡིན་ཏེ། དེ་དག་རྣམས་ནི་ཆུ་དང་ས་ལ་ཐོགས་རྡུགས་མེད་པའི་འགྲོས་དང་ལྡན་པ་ཡིན་ནོ། །དེ་དག་རྣམས་ཀྱི་ཚེའི་ཚད་ནི་ལོ་སྟོང་ཡིན་ནོ། །ཕན་ཚུན་དུ་རྟག་ཏུ་མི་འཐུན་པར་
D287.071.0186a06.01གྱུར་པ་དང་། རྟག་ཏུ་མངོན་པར་རྩོད་པར་བྱེད་པ་དེ་དག་ལས་འདས་པར་གྱུར་ནས་རྣལ་འབྱོར་སྤྱོད་པས་མཐོང་བར་གྱུར་པ་ནི་ར་མ་ཡོ་ཞེས་བྱ་བའི་རྒྱ་མཚོ་དཔག་ཚད་ལྔ་བརྒྱ་པར་གྱུར་པའོ། །རྒྱ་མཚོ་དེ་ན་པད་མ་རྣམས་རྟག་ཏུ་ཁ་བྱེ་བར་གྱུར་པའི་སྙིང་པོ་རྒྱ་ཆེན་པོ་རྣམས་ལ་བུང་བ་དག་གིས་ཉེ་བར་མཛེས་པར་
D287.071.0186a07.01