完整藏文原文 · 德格版页 当前仅加载第 71 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་བཅོམ་པར་གྱུར་ནས་ཁྲག་ཀྱང་སྐམ་པར་བྱེད་དོ། །དེ་ལ་དེ་དག་རྣམས་ནི་འཆི་བར་འགྱུར་བ་ན་ཡིན་ཏེ། རྩུབ་པར་གྱུར་པ་དང་མི་བཟད་པར་གྱུར་པའི་ཚོར་བ་རྣམས་ཀྱིས་ཀྱང་ཤིན་ཏུ་སྐེམས་པར་བྱེད་དོ། །འཆི་བར་གྱུར་པའི་མཐའ་ན་སོ་སོའི་སྐྱེ་བོ་རྣམས་རང་གི་
D287.071.0167a01.01མཛའ་བོ་དང་། གྲོགས་པོ་དང་། (གཉན་,གཉེན་)འབྲེལ་དང་། བུ་དང་། ཆུང་མ་དང་། ཕུན་སུམ་ཚོགས་པ་དང་། ཡོངས་སུ་སྤྱད་པར་བྱ་བ་རྣམས་ཡོངས་སུ་གཏོང་བར་འགྱུར་བའི་སྲེད་པ་དག་གིས་བྱས་པའི་འཆི་བའི་འཇིགས་པ་དྲག་པོ་རྣམས་བློ་དམན་པ་རྨོངས་པའི་ཀུན་དུ་སྦྱོར་
D287.071.0167a02.01བས་བཅིངས་པ་རྣམས་ལས་འབྱུང་སྟེ། སྐྱབས་མེད་པར་གྱུར་པ་ཆོས་དང་ཆོས་མ་ཡིན་པ་དང་ལྷན་ཅིག་ཏུ་གཅིག་པུ་ཉིད་དུ་གྱུར་པ་ལུས་དང་སེམས་ཀྱི་སྡུག་བསྔལ་གྱིས་ཡན་ལག་དང་ཉིང་ལག་རྣམས་ཐམས་ཅད་ནས་ཁྲག་ཀུན་དུ་ཚིམ་པར་འགྱུར་རོ། །གཞན་ཡང་རྣལ་འབྱོར་སྤྱོད་
D287.071.0167a03.01པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་སྲིན་གྱི་རིགས་གཞན་དག་རྣམས་ནི་གང་ཡིན་ཞིང་རླུང་གི་ཚོགས་རྣམས་ཀྱང་གང་དག་གིས་སྲིན་གང་བཅོམ་པས་བདག་ལ་སྡུག་བསྔལ་དུ་བྱེད་པར་འགྱུར་བ་ཡིན་ཞེ་ན། དེས་ཐོས་པ་ལས་བྱུང་བའི་ཤེས་རབ་
D287.071.0167a04.01ཀྱིས་སམ་ལྷའི་མིག་གིས་མཐོང་བར་གྱུར་པ། སྲིན་གྱི་རིགས་བཅུ་བདག་གི་ཤ་ལ་གནས་པ་རྣམས་ནི་འདི་ལྟ་སྟེ། རྨ་ལ་ཀུན་དུ་འབྱུང་བ་རྣམས་ཏེ་དེ་ལ་རྨ་ལ་ཀུན་དུ་འབྱུང་བའི་སྲིན་རྣམས་ནི་སྡུད་པའི་རླུང་གིས་འཇོམས་པར་བྱེད་དོ། །ཙུན་ཙུ་ཀའི་སྲིན་རྣམས་ནི་སྟེང་འོག་གི་རླུང་གིས་
D287.071.0167a05.01འཇོམས་པར་བྱེད་དོ། །རྒྱུས་པ་སྒུལ་བ་ཞེས་བྱ་བའི་སྲིན་རྣམས་ནི་སྲོག་གི་རླུང་གིས་འཇོམས་པར་བྱེད་དོ། །གང་གི་ཕྱིར་སོང་བར་གྱུར་པའི་སྐྱེས་བུ་འཆི་བར་འགྱུར་རོ། །རྩ་འབིགས་པར་བྱེད་པའི་སྲིན་རྣམས་ནི་འཛུམས་པར་བྱེད་པའི་རླུང་གིས་འཇོམས་པར་བྱེད་དོ། །པགས་པ་
D287.071.0167a06.01གཏུབ་པའི་སྲིན་རྣམས་ནི་སེམས་སུན་འབྱིན་པར་བྱེད་པའི་རླུང་གིས་འཇོམས་པར་བྱེད་དོ། །ཚིལ་སྒུལ་བར་བྱེད་པ་ཞེས་བྱ་བའི་སྲིན་རྣམས་ནི་འཁྲུག་པར་བྱེད་པའི་རླུང་གིས་འཇོམས་པར་བྱེད་དོ། །འཕེལ་བྱེད་ཀྱི་སྲིན་རྣམས་ནི་མིག་འབྱེད་པ་དང་། འཛུམས་པར་བྱེད་པའི་རླུང་གིས་
D287.071.0167a07.01