完整藏文原文 · 德格版页 当前仅加载第 71 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཡོངས་སུ་ཉམས་པར་གྱུར་ནས། དེ་ཕྱིར་ཡང་ཁྱིམ་གྱི་གནས་ཀྱི་འཆིང་བའི་སྐྱོན་དེ་ཉིད་ཀྱིས་ཀུན་ནས་བཅིངས་པར་གྱུར་ནས། འདོད་ཆགས་དང་ཞེ་སྡང་དང་གཏི་མུག་རྣམས་ལ་སྤྱོད་དོ། །དེ་ཉེས་པ་དེ་དག་རྣམས་ཀྱི་སྐྱོན་གྱིས་ཕྱིར་ཡང་དམྱལ་བ་དང་ཡི་
D287.071.0025a01.01དགས་དང་དུད་འགྲོ་རྣམས་སུ་སྐྱེ་བ་ཡིན་ནོ། །སྡུག་བསྔལ་དེ་དག་རྣམས་ཀྱི་རྩ་བ་ཡང་གྲོང་དང་གྲོང་ཁྱེར་དུ་འཇུག་པའི་སྤྱོད་པ་ལ་དགའ་བ་ཡིན་ནོ། །དེའི་ཕྱིར་ཡང་དག་པའི་དགེ་སློང་ཡིན་པར་འདོད་པས་དེ་དག་རྣམས་ཡོངས་སུ་སྤོངས་ཤིག །རྣམ་པ་དེ་ལྟ་བུའི་སྐྱོན་དེ་དག་རྣམས་
D287.071.0025a02.01ཀྱང་གང་གིས་སྤོང་ན། གཅིག་ཏུ་དགོན་པ་ན་གནས་པས་སོ། །དགོན་པ་ན་གནས་པ་དེ་ཡང་མཐར་ཐུག་པའི་ཡོན་ཏན་རྣམས་ཐམས་ཅད་ཀྱི་རྟེན་དུ་གྱུར་པ་མཆོག་ཏུ་བཟང་བ་ཡིན་ནོ། །གཅིག་པུ་དགོན་པ་ན་གནས་པར་དགའ་བའི་དགེ་སློང་ནི་དབང་པོ་རྣམས་ཞི་བ་དང་སེམས་ཤིན་
D287.071.0025a03.01ཏུ་རབ་ཏུ་དང་བ་དང་། བློ་ལེགས་པར་བཏུལ་བའི་གསེར་དང་མཚུངས་པ་དང་། མཆོག་ཏུ་ཞི་བ་དང་དབང་པོ་རྣམས་མཆོག་ཏུ་བསྡམས་པ་དང་འཇིགས་པའི་དྲི་མ་རྣམས་དང་རྣམ་པར་བྲལ་བ་དང་། མཆོག་ཏུ་གཙང་བར་གྱུར་པའི་ཟག་པ་མེད་པའི་བདེ་བ་རྣམས་གང་ཡིན་པ་འཐོབ་
D287.071.0025a04.01པར་བྱེད་དོ། །བདེ་བ་དེའི་ཁྱད་པར་རྣམས་ཀྱིས་ན་འདོད་པ་ན་སྤྱོད་པའི་ལྷའི་རིགས་དྲུག་པོ་འདི་དག་རྣམས་ཐམས་ཅད་ཀྱིས་ཀྱང་ཡང་དག་པའི་ལེགས་པ་དང་ལྡན་པར་གྱུར་ཅིང་ཀུན་གྱིས་ཀྱང་གང་སྔོན་ལས་རྣམས་གཅིག་ཏུ་བྱས་པར་གྱུར་ལ། དེ་ཡང་འདོད་པ་སྡུག་པ་ཡིད་དུ་འོང་
D287.071.0025a05.01བ་མཆོག་ཏུ་མཚུངས་པ་མེད་པའི་ལྷ་གཅིག་གི་རྣམ་པར་སྨིན་པའི་འབྲས་བུར་གྱུར་ཅིང་འདོད་པ་ན་སྤྱོད་པ་འདི་དག་རྣམས་ཀྱི་བདེ་བ་རྣམས་དང་ཀུན་ནས་ལྡན་པར་གྱུར་པ་གང་ཡིན་པ་དེས་ཀྱང་། ཟག་པ་ཟད་པའི་བདེ་བ་གཅིག་གི་ཆར་ཡང་མི་ཕོད་ཅིང་དཔེར་ཡང་མི་བཟོད་དོ། །དཔྱད་
D287.071.0025a06.01པར་གྱུར་པ་ན་ཐམས་ཅད་དུ་དཔེར་ཡང་མི་ཆོག་གོ། །དེའི་ཕྱིར་གང་འགའ་ཞིག་དོན་དམ་པའི་བདེ་བ་འདོད་པ་དེས་གྲོང་དང་གྲོང་ཁྱེར་དུ་འཇུག་པ་ལ་དགའ་བའི་བདེ་བ་དེ་དག་རྣམས་མཐོང་ལ་བསམ་གཏན་དང་སྙོམས་པར་འཇུག་པའི་བདེ་བ་རྣམས་དོན་དུ་གཉེར་ཞིང་རྟག་ཏུ་གཅིག་པུ་ཉིད་
D287.071.0025a07.01