完整藏文原文 · 德格版页 当前仅加载第 71 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྤྱད་ནས་ལྟ་བར་མི་བྱེད་དོ། །མིག་རིག་རིག་པོར་མི་བྱེད་ཅིང་བུད་མེད་དག་ལ་རབ་ཏུ་རྟོག་པར་མི་བྱེད་དོ། །བྱིས་པ་ལ་འཁྱུད་པར་མི་བྱེད་ཅིང་ཡང་དང་ཡང་དུ་རྐང་པ་དག་བསྐུམ་པར་མི་བྱེད་དོ། །ལག་པ་དག་རྣམ་པར་བསྐྱོད་པར་མི་བྱེད་དོ། །སྟན་
D287.071.0055a01.01ལས་རབ་ཏུ་བསྐྱོད་པར་མི་བྱེད་པ་དང་། ལག་པ་ལ་རང་གི་མགོ་བོ་བྱི་བྱད་མི་བྱེད་ལ་ཡང་དང་ཡང་དུ་ཆོས་གོས་དག་བསྐྱོད་པར་མི་བྱེད་དོ། །ལག་པས་ལག་པ་གནོན་པར་མི་བྱེད་ཅིང་སོར་མོ་བསྐྱོད་པར་མི་བྱེད་དོ། །འདི་ནི་རབ་ཏུ་རྟེན་པ་གཉིས་པ་ཡིན་ཏེ། རྣམ་པ་
D287.071.0055a02.01དེ་ལྟ་བུའི་དགེ་སློང་ནི་ལྟ་བར་བྱེད་པ་ལ་རྟེན་པ་རབ་ཡིན་ནོ། །གཞན་ཡང་རབ་ཏུ་རྟེན་པ་གསུམ་པ་ཡོད་དེ། དགེ་སློང་སྦྱིན་པ་པོ་དང་ཁྱིམ་བདག་གི་ཁྱིམ་དུ་ཞུགས་པར་གྱུར་ནས། རྐང་པ་གཉིས་བཀྲུས་ལ་ལག་པ་གཙང་མར་བྱས་ཏེ་ལྷུང་བཟེད་བྱི་དོར་བྱའོ། །བྱི་
D287.071.0055a03.01དོར་བྱས་ནས་ཀྱང་དམན་ཞིང་དམན་པའི་སེམས་ཀྱིས་སྟན་ལ་འདུག་པར་བྱའོ། །བསྡད་ནས་ཀྱང་གང་ཡང་རྐང་པ་གཉིས་ཀྱི་བར་ཙམ་གྱི་མདུན་དུ་ལྷུང་བཟེད་ཀྱི་ལྕུག་ཀོར་ལ་ལྷུང་བཟེད་གཞག་པར་བྱའོ། །ལག་པ་གཡས་པས་ཀྱང་ལྷུང་བཟེད་བསྲིངས་ལ་ལེགས་པར་
D287.071.0055a04.01བྱ་སྟེ། བསོད་སྙོམས་བྱིན་ལེན་བྱའོ། །བླངས་ནས་ཀྱང་དེའི་རྗེས་ལ་སྨན་བཞིན་དུ་དང་ཁམ་ཡང་ཧ་ཅང་ཆེ་བར་མི་བྱའོ། །དེ་ཡང་ཁ་ཧ་ཅང་གདངས་ནས་ཁར་གཞུག་པར་མི་བྱའོ། །སྒྲ་ཆེ་བས་བཟའ་བར་མི་བྱ་ཞིང་མཆུ་ཧ་ཅང་བསྐྱོད་པར་མི་བྱའོ། །གསུས་པའི་སུམ་
D287.071.0055a05.01ཆ་ཙམ་གྱིས་ཆོག་ཤེས་པར་གྱུར་པར་བྱའོ། །གཞན་དག་གི་ལྷུང་བཟེད་ལ་ཀུན་ཏུ་བལྟ་བར་མི་བྱའོ། །ཟས་གང་ལ་བརྐམ་ཆགས་བསྐྱེད་པར་གྱུར་པ་དེ་ཡང་བཟའ་བར་མི་བྱའོ། །དེ་ཟོས་པ་གང་གིས་བག་མེད་པ་གཞན་རྣམས་བྱེད་པར་མི་འགྱུར་བ་རྣམས་སོ། །སྟོན་མོའི་
D287.071.0055a06.01ཡུལ་དང་དུས་ངེས་པར་རྫོགས་པ་དང་གང་གིས་དབང་པོ་རབ་ཏུ་དང་བར་གྱུར་པ་དང་། ཤིན་ཏུ་མཉམ་པར་བཞག་པར་གྱུར་པའི་ཡིད་ཀྱིས་ཆོས་བསྟན་པར་བྱ་སྟེ། བློ་མཉམ་པར་བཞག་པས་དང་ཤིན་ཏུ་མྱུར་བར་མ་ཡིན་པ་དང་བུལ་བ་མ་ཡིན་པ་དང་དྲང་བ་མ་ཡིན་པ་དང་ཀྱོག་པོ་
D287.071.0055a07.01