完整藏文原文 · 德格版页 当前仅加载第 71 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཀྱང་བསྐལ་པ་བརྒྱ་སྟོང་དུ་མ་རྣམས་སུ་ཡང་ཆུད་ཟ་བར་མི་འགྱུར་རོ། །མི་སྐྱེ་བར་བྱ་བའི་དོན་ཡང་བྱེད་དོ། །དེའི་ཕྱིར་ཡོན་ཏན་དེ་དག་གོ་བར་གྱིས་ལ་རབ་ཏུ་བརྩོན་པས་ཀྱང་ཆོས་ཉན་པར་བྱའོ། །ཆོས་ལས་སྐྱོབ་པར་བྱེད་པ་གཞན་ནི་མེད་དོ། །ཆོས་ཐོས་པ་
D287.071.0096a01.01ལས་སྦྱིན་པ་བཏང་བར་གྱུར་པས་སྦྱིན་བདག་ཏུ་འགྱུར་བ་ཡིན་ནོ། །ཆོས་རྣམས་ཐོས་ནས་ཆོས་བསྲུངས་པ་ལས་མཁས་པར་འགྱུར་བ་ཡིན་ནོ། །ཆོས་ཐོས་ནས་ཤེས་རབ་དང་ལྡན་པར་འགྱུར་རོ། །དེའི་ཕྱིར་ཡོན་ཏན་དེ་དག་རྣམས་ཐོས་ཤིང་ལེགས་པར་མཐོང་བར་གྱུར་ནས་འཁོར་
D287.071.0096a02.01བ་ཐམས་ཅད་ལས་ངེས་པར་འབྱུང་བའི་རྒྱུར་གྱུར་པའི་ཆོས་ལ་རབ་ཏུ་བརྩོན་པས་ཀྱང་ཇི་སྲིད་འཚོའི་བར་དུ་རབ་ཏུ་བརྩོན་པས་མཉན་པར་བྱའོ། །དེ་དག་ནི་སྐྱོབ་པ་རྣམས་ཀྱི་མཆོག་ཡིན་ཞིང་། དམ་པའི་ཆོས་སྒྲོགས་པ་གང་ཡིན་པས་ནི་སྲིད་པའི་སྡུག་བསྔལ་རྣམས་ལས་ངེས་པར་འབྱུང་
D287.071.0096a03.01བར་བྱེད་པའི་ཕྱིར་དེ་དག་ནི་མཆོག་ཏུ་གྱུར་པ་ཡིན་ནོ། །ཡང་དམ་པའི་ཆོས་སྒྲོགས་པ་ལ་ནི་ཡོན་ཏན་གཞན་ཡོད་དོ་འདི་ཡང་གང་ཞེ་ན་འདི་ལྟ་སྟེ། མི་དགེ་བ་རྣམས་ཡོངས་སུ་སྤོང་བའོ། །རྐྱེན་གྱི་མི་དགེ་བ་རྣམས་འོངས་པར་གྱུར་ན་ཡོངས་སུ་སྤོང་བར་བྱེད་དོ། །གང་གི་ཚེ་མི་དགེ་བའི་
D287.071.0096a04.01རྐྱེན་གྱིས་སྐྱེས་པར་གྱུར་པ་ན། དེའི་ཚེ་ངན་སོང་གི་འཇིགས་པ་རྣམས་ཀུན་ནས་མཐོང་བར་གྱུར་ནས་ཡོངས་སུ་འདོར་བར་བྱེད་དོ། །ཡོངས་སུ་སྤྱོད་པར་བྱེད་པ་པོ་འཁོར་བའི་འཇིགས་པ་རྣམས་ཀྱིས་འཇིགས་པར་གྱུར་པ་དེ་ཁོ་ན་ཉིད་ཡོངས་སུ་རྟོག་པ་པོས་རྐྱེན་གྱིས་མི་དགེ་བ་སྐྱེས་པ་
D287.071.0096a05.01རྣམས་ཀྱང་ཡོངས་སུ་སྤོང་བར་བྱེད་དོ། །དེ་ལ་འཇུག་པར་མི་བྱེད་དོ། །དེ་མི་སྐྱེད་པར་བྱ་བའི་དོན་དུ་དེ་དག་ལ་ཚུལ་ཁྲིམས་དང་ལྡན་པ་དང་ཤེས་རབ་དང་ལྡན་པར་འགྱུར་རོ། །གང་གི་ཚེ་རྙེད་པ་དང་བཀུར་སྟི་ལ་དད་པ་ཆེ་བར་གྱུར་པ་ན། དེ་སྦྱིན་པས་རབ་ཏུ་འཇོམས་པར་བྱེད་དོ། །
D287.071.0096a06.01སེར་སྣའི་དྲི་མ་རྣམས་ནི་འདོད་པ་མེད་པས་རབ་ཏུ་འཇོམས་སོ། །ཀུན་ཏུ་མི་ཤེས་པ་ནི་ཤེས་རབ་ཀྱིས་སོ། །རྣམ་པར་རྟོག་པ་རྣམས་ནི་ཡང་དག་པ་ཇི་ལྟ་བའི་དོན་མཐོང་བས་སོ། །མུ་སྟེགས་པའི་ངག་རྣམས་ནི་རིགས་པ་དང་ལྡན་པའི་ངག་གིས་སོ། །ཡང་དག་པ་མ་ཡིན་པའི་རྣམ་པར་
D287.071.0096a07.01